କଣ ଆଗାମୀ 3 ବର୍ଷ ମଧ୍ୟରେ ଅବସର ନେବେ କୋହଲି ? ଟ୍ରେଣ୍ଡ କହୁଛି ଏମିତି...
କୋହଲି ବର୍ତ୍ତମାନ ପୂର୍ବତନ ଭାରତୀୟ ଅଧିନାୟକ ହୋଇଛନ୍ତି। ସମସ୍ତ ତିନୋଟି ଫର୍ମାଟରୁ ଅଧିନାୟକଙ୍କ ଦାୟିତ୍ୱରୁ ମୁକ୍ତି ପାଇବା ପରେ ଏବେ ତାଙ୍କ ଭବିଷ୍ୟତ ବିଷୟରେ କଳ୍ପନାଜଳ୍ପନା କରାଯାଉଛି ।
ନୂଆଦିଲ୍ଲୀ: ବିରାଟ କୋହଲି ଭାରତୀୟ ଟେଷ୍ଟ ଦଳର ଅଧିନାୟକ ପଦରୁ ଇସ୍ତଫା ଦେଇଛନ୍ତି। ଦକ୍ଷିଣ ଆଫ୍ରିକା (ଭାରତ ବନାମ ଦକ୍ଷିଣ ଆଫ୍ରିକା) ବିପକ୍ଷ ଟେଷ୍ଟ ସିରିଜରେ ପରାସ୍ତ ହେବାର ଗୋଟିଏ ଦିନ ପରେ ସେ ଏହା ଘୋଷଣା କରିଛନ୍ତି। ଏହାପୂର୍ବରୁ ସେ ଟି-20 ଦଳର ଅଧିନାୟକତ୍ୱ ଛାଡିଥିଲେ ଏବଂ ତା'ପରେ ତାଙ୍କଠାରୁ ଦିନିକିଆ ଦଳର କମାଣ୍ଡ ନିଆଯାଇଥିଲା। ଅର୍ଥାତ୍ କୋହଲି ବର୍ତ୍ତମାନ ପୂର୍ବତନ ଭାରତୀୟ ଅଧିନାୟକ ହୋଇଛନ୍ତି। ସମସ୍ତ ତିନୋଟି ଫର୍ମାଟରୁ ଅଧିନାୟକଙ୍କ ଦାୟିତ୍ୱରୁ ମୁକ୍ତି ପାଇବା ପରେ ଏବେ ତାଙ୍କ ଭବିଷ୍ୟତ ବିଷୟରେ କଳ୍ପନାଜଳ୍ପନା କରାଯାଉଛି ।
ବର୍ଷ ବର୍ଷ ଧରି ଭାରତୀୟ କ୍ରିକେଟରେ ଚାଲିଥିବା ଧାରା ଅନୁଯାୟୀ କୋହଲିଙ୍କ କ୍ୟାରିଅର୍ ବର୍ତ୍ତମାନ ମାତ୍ର 2 ରୁ 3 ବର୍ଷ ରହିଛି । ଏହା ଆମେ କହୁନାହୁଁ, ଭାରତୀୟ କ୍ରିକେଟରେ ଚାଲିଥିବା ଧାରା କହୁଛି । ବାସ୍ତବରେ, ଅଧିନାୟକତ୍ୱ ଛାଡିବାର 3 ବର୍ଷ ମଧ୍ୟରେ ଭାରତୀୟ କ୍ରିକେଟରେ କିଛି ସମୟ ପାଇଁ ଏକ ଧାରା ଦେଖାଦେଇଛି । ଏମଏସ ଧୋନି ଏବଂ ସୌରଭ ଗାଙ୍ଗୁଲି ଏହାର ପ୍ରମାଣ।
ଧୋନି ଏବଂ ଗାଙ୍ଗୁଲିଙ୍କ ଅବସର ଏକ ପ୍ରମାଣ
ଏମଏସ ଧୋନି 2014 ରେ ଟେଷ୍ଟର ଅଧିନାୟକତ୍ୱ ଏବଂ 2017 ରେ ଦିନିକିଆ ଛାଡିଥିଲେ। ସେ 2014 ରେ ଶେଷ ଟେଷ୍ଟ ଏବଂ ଜୁଲାଇ 2019 ରେ ଶେଷ ଦିନିକିଆ ଖେଳିଥିଲେ । ଧୋନି ଅଧିନାୟକତ୍ୱ ଛାଡିବାର 3 ବର୍ଷ ମଧ୍ୟରେ 15 ଅଗଷ୍ଟ 2020 ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ।
ଯଦି ଆମେ ବର୍ତ୍ତମାନର ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ କ୍ରିକେଟ୍ କ୍ୟାରିୟର ବିଷୟରେ କହିବା, ତେବେ ସେ 2005 ରେ ଦିନିକିଆ ଏବଂ ଟେଷ୍ଟର ଅଧିନାୟକତ୍ୱ ଛାଡିଥିଲେ । ଏହାର 3 ବର୍ଷ ମଧ୍ୟରେ ଅର୍ଥାତ୍ 2008 ରେ, ସେ ଅବସର ନେଇଥିଲେ । ବର୍ତ୍ତମାନ କୋହଲିଙ୍କ ନାମ ମଧ୍ୟ ସୌରଭ ଗାଙ୍ଗୁଲି ଏବଂ ଏମଏସ ଧୋନିଙ୍କ ତାଲିକାରେ ଯୋଡାଯାଉଛି।
Click it and Unblock the Notifications
Sign in with Google