କ’ଣ ଦିନିକିଆରୁ ଅବସର ନେବେ ରବିନ୍ଦ୍ର ଜାଡେଜା ? ବିରାଟ କୋହଲିଙ୍କ ଏହି ଆକ୍ସନ ଦେଲା ସଙ୍କେତ

ଚମ୍ପିଆନ୍ସ ଟ୍ରଫି ଫାଇନାଲ ମ୍ୟାଚ୍ ପରେ ରବିନ୍ଦ୍ର ଜାଡେଜା ଅବସର ନେଇପାରନ୍ତି । ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଥିବା ଚାମ୍ପିଅନ୍ସ ଟ୍ରଫି ଫାଇନାଲ ମ୍ୟାଚ୍ ରେ ଏପରି ସଙ୍କେତ ମିଳିଛି।

ପ୍ରକୃତରେ, ଯେତେବେଳେ ରବିନ୍ଦ୍ର ଜାଡେଜା ତାଙ୍କ ସ୍ପେଲର ୧୦ ଓଭର ପୂରଣ କଲେ, ବିରାଟ କୋହଲି ତାଙ୍କୁ କୁଣ୍ଢେଇ ପକାଇଲେ। ଏହି ମୁହୂର୍ତ୍ତକୁ ଦେଖି ଅନୁମାନ କରାଯାଉଛି ଯେ ଜାଡେଜା ଫାଇନାଲ ମ୍ୟାଚ୍ ପରେ ଅବସର ଘୋଷଣା କରିପାରନ୍ତି। କହି ରଖୁଛୁ ଯେ ଜାଡେଜା ଟି-୨୦ ଫର୍ମାଟରୁ ଅବସର ଘୋଷଣା କରିସାରିଛନ୍ତି ।

ରବିନ୍ଦ୍ର ଜାଡେଜାଙ୍କ ଅବସର ବିଷୟ ସୋସିଆଲ ମିଡିଆରେ ଭାଇରାଲ ହୋଇସାରିଛି। ଭାରତୀୟ କ୍ରିକେଟରେ ତାଙ୍କର ଅବଦାନ ପାଇଁ ଲୋକମାନେ ତାଙ୍କୁ ଧନ୍ୟବାଦ ଦେବାକୁ ଆଗେଇ ଆସୁଛନ୍ତି। ନ୍ୟୁଜିଲାଣ୍ଡ ବିପକ୍ଷ ଅନ୍ତିମ ମ୍ୟାଚ୍‌ରେ ଜାଡେଜା ୧୦ ଓଭରରେ ମାତ୍ର ୩୦ ରନ୍ ଦେଇଥିଲେ ଏବଂ ଗୋଟିଏ ୱିକେଟ୍ ମଧ୍ୟ ନେଇଥିଲେ। ସେ ୧୪ ରନ କରିଥିବା ଟମ୍ ଲାଥାମଙ୍କ ୱିକେଟ ନେଇଥିଲେ। ଜାଡେଜା ଚାମ୍ପିଅନ୍ସ ଟ୍ରଫି ୨୦୨୫ରେ ୪ଟି ମ୍ୟାଚ୍ ରୁ କେବଳ ୪ଟି ୱିକେଟ ନେଇପାରିଥିଲେ, ଫାଇନାଲ ପୂର୍ବରୁ ୨ଟି ଇନିଂସରେ ବ୍ୟାଟିଂ କରି ସେ କେବଳ ୧୮ ରନ କରିଥିଲେ।

ରବିନ୍ଦ୍ର ଜାଡେଜାଙ୍କ ଦିନିକିଆ କ୍ୟାରିଅର
ରବିନ୍ଦ୍ର ଜାଡେଜା ଫେବୃଆରୀ ୨୦୦୯ ରେ ଶ୍ରୀଲଙ୍କା ବିପକ୍ଷରେ ତାଙ୍କର ଏକଦିବସୀୟ ଡେବ୍ୟୁ କରିଥିଲେ। ଗତ ୧୬ ବର୍ଷ ମଧ୍ୟରେ, ଜାଡେଜା ଦୀର୍ଘ ସମୟ ଧରି ଆଇସିସି ରାଙ୍କିଙ୍ଗରେ ବିଶ୍ୱର ଶ୍ରେଷ୍ଠ ଅଲରାଉଣ୍ଡରଙ୍କ ମଧ୍ୟରୁ ଜଣେ ହୋଇ ରହିଛନ୍ତି। ସେ ଚାମ୍ପିଅନ୍ସ ଟ୍ରଫି ୨୦୨୫ ର ଫାଇନାଲ ମ୍ୟାଚ୍ ପୂର୍ବରୁ ତାଙ୍କର ୨୦୩ ମ୍ୟାଚ୍ ବିଶିଷ୍ଟ ଦିନିକିଆ କ୍ୟାରିୟରରେ ୨,୭୯୭ ରନ କରିଥିଲେ। ଜାଡେଜାଙ୍କ ନାମରେ ଦିନିକିଆ ମ୍ୟାଚ୍‌ରେ ୧୩ଟି ଅର୍ଦ୍ଧଶତକ ଅଛି, କିନ୍ତୁ ସେ ତାଙ୍କ ଦିନିକିଆ କ୍ୟାରିୟରରେ କେବେବି ଶତକ ମାରିପାରି ନଥିଲେ। ବୋଲିଂ ବିଷୟରେ କହିବାକୁ ଗଲେ, ସେ ୫୦ ଓଭର ଫର୍ମାଟରେ ମୋଟ ୨୩୦ ୱିକେଟ୍ ନେଇଛନ୍ତି।