T20 World Cup: 25 ବର୍ଷ ପରେ ଇତିହାସ ଦୋହରାଇବା ଭାରତ

!
T20 World Cup: ଭାରତ-ଇଂଲଣ୍ଡ ମଧ୍ୟରେ ଆଜି ଖେଳାଯାଉଛି ଦ୍ୱିତୀୟ ସେମିଫାଇନାଲ । ଟି20 ବିଶ୍ୱକପ୍ ର ଏହି ମ୍ୟାଚରେ ବର୍ଷା ହେବାର ଆଶଙ୍କା ରହିଛି । ବର୍ଷା ହେତୁ ମ୍ୟାଚ୍ ବାତିଲ ହେବାର ମଧ୍ୟ ସମ୍ଭାବନା ଅଛି । ଯଦି ବର୍ଷା ହେତୁ ଭାରତ ଏବଂ ଇଂଲଣ୍ଡ ମଧ୍ୟରେ ଏହି ମ୍ୟାଚ୍ ବାତିଲ ହୁଏ, ତେବେ ଏପରି ପରିସ୍ଥିତିରେ ଭାରତୀୟ ଦଳ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବ ।

ମ୍ୟାଚ ଉପରେ ବର୍ଷା ବିପଦ

ୱେଷ୍ଟଇଣ୍ଡିଜ୍ ଗୁୟାନା ସ୍ଥିତ ପ୍ରୋଭିଡେନ୍ସ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଏହି ମ୍ୟାଚ୍ ସମୟରେ ବର୍ଷା ହେବାର ସମ୍ଭାବନା ରହିଛି । ମ୍ୟାଚର ଗୋଟିଏ ଦିନ ପୂର୍ବରୁ ଅର୍ଥାତ୍ ଜୁନ୍ 26 ରେ ଗୁୟାନାରେ ପ୍ରବଳ ବର୍ଷା ହୋଇଥିଲା । ଯେଉଁ କାରଣରୁ ଉଭୟ ଦଳର ଖେଳାଳିମାନେ ଅଭ୍ୟାସ ମଧ୍ୟ କରିପାରିନଥିଲେ । ଆଉଟଫିଲ୍ଡ ଓଦା ହୋଇଥିବାରୁ ଟସ୍ ମଧ୍ୟ ବିଳମ୍ବ ହୋଇପାରେ ଏବଂ ଯଦି ବର୍ଷା ପୁନର୍ବାର ବାଧା ସୃଷ୍ଟି କରେ ତେବେ ମ୍ୟାଚ୍ ବାତିଲ ହୋଇପାରେ ।

ଗତଥର ଜିତିଥିଲା ଇଂଲଣ୍ଡ

2022 ଟି20 ବିଶ୍ୱକପ ସମୟରେ ସେମିଫାଇନାଲ ମ୍ୟାଚ୍ ମଧ୍ୟ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିଲା । 2022 ମସିହାରେ ଇଂଲଣ୍ଡ ଦଳ ଭାରତକୁ 10 ୱିକେଟରେ ପରାସ୍ତ କରି ଫାଇନାଲରେ ପ୍ରବେଶ କରିଥିଲା । ବର୍ତ୍ତମାନ 2022 ର ପ୍ରତିଶୋଧ ନେବାକୁ ଭାରତ ପାଖରେ ସୁଯୋଗ ଅଛି । ଭାରତୀୟ ଦଳ ଏହି ମ୍ୟାଚ୍ ଜିତି 2024 ଟି20 ବିଶ୍ୱକପ ହାତେଇବାକୁ ଲକ୍ଷ୍ୟ ରଖିଛି । ତେବେ ଫାଇନାଲରେ ପହଞ୍ଚିବା ପାଇଁ ଭାରତ ପାଖରେ ଆଉ ଏକ ଉପାୟ ଅଛି ।

ବର୍ଷା ହେଲ ଭାରତ ପାଇଁ ଭଲ

ଯଦି ଭାରତ ଏବଂ ଇଂଲଣ୍ଡ ମଧ୍ୟରେ ମ୍ୟାଚ୍ ସମୟରେ ବର୍ଷା ହୁଏ ଏବଂ ମ୍ୟାଚର ଫଳାଫଳ ନ ଆସେ, ତେବେ ଏପରି ପରିସ୍ଥିତିରେ ଭାରତୀୟ ଦଳ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବ । ବାସ୍ତବରେ ଭାରତୀୟ ଦଳ ସୁପର-8 ରେ ଶୀର୍ଷରେ ଥିଲା । ଇଂଲଣ୍ଡ ଦଳ ଏହାର ଗ୍ରୁପରେ ଦ୍ୱିତୀୟ ସ୍ଥାନରେ ରହିଥିଲା । ଏହି କାରଣରୁ ବର୍ଷା ହେତୁ ମ୍ୟାଚ୍ ବାତିଲ ହେଲେ ଭାରତୀୟ ଦଳ ଫାଇନାଲକୁ ଯିବ । କାରଣ ସୁପର 8 ରାଉଣ୍ଡରେ ଇଂଲଣ୍ଡ ଅପେକ୍ଷା ଭାରତ ଅଧିକ ମ୍ୟାଚ୍ ଜିତିଛି ।

ଇତିହାସ ଦୋହରାଇବ ଭାରତ !

ବିଶ୍ୱକପ ଇତିହାସରେ ଏହା ପୂର୍ବରୁ ଘଟିଛି । 1999 ODI ବିଶ୍ୱକପ ସମୟରେ ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା ସହ ଟାଇ ମ୍ୟାଚ୍ ଖେଳିଥିଲା । କିନ୍ତୁ ଏହା ସତ୍ତ୍ୱେ ସେ ଫାଇନାଲକୁ ଯାଇଥିଲା । 1999 ବିଶ୍ୱକପର ଦ୍ୱିତୀୟ ସେମିଫାଇନାଲ ମ୍ୟାଚ୍ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିଲା । ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଦଳ 213 ରନ୍ ସ୍କୋର କରିବାରେ ସଫଳ ହୋଇଥିଲା ।
ଏହାର ଉତ୍ତରରେ ଦକ୍ଷିଣ ଆଫ୍ରିକା ଦଳ ମଧ୍ୟ ମାତ୍ର 213 ରନ୍ ସ୍କୋର କରିପାରିବ । ଏହା ପରେ ମ୍ୟାଚ୍ ଟାଇ ହୋଇଥିଲା । କିନ୍ତୁ ସୁପର ସିକ୍ସ ପର୍ଯ୍ୟାୟରେ ଅଷ୍ଟ୍ରେଲିଆର ନେଟ୍ ରନ୍ ହାର ଭଲ ଥିଲା ଏବଂ ଏହି କାରଣରୁ ସେମିଫାଇନାଲ ମ୍ୟାଚ୍ ଟାଇ ହୋଇ ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିଥିଲା । 1999 ବିଶ୍ୱକପ ଜିତିବାରେ ଅଷ୍ଟ୍ରେଲିଆ ମଧ୍ୟ ସଫଳ ହୋଇଥିଲା ।