Happy Birthday Virat Kohli: ମୁକଟ ବିହୀନ ଜଣେ ସମ୍ରାଟଙ୍କ କାହାଣୀ...

ଭାରତୀୟ କ୍ରିକେଟ ଦଳର ବର୍ତ୍ତମାନର ଅଧିନାୟକ ବିରାଟ କୋହଲିଙ୍କ ଜନ୍ମଦିନ ଅବସରରେ ପଢନ୍ତୁ ତାଙ୍କ ବିଷୟରେ କିଛି ଖାସ୍ କଥା....

Virat Kohli Birthday Special: ମୁକଟ ବିହୀନ ସମ୍ରାଟ ସେ... ଭାରତୀୟ ସ୍କୋର ବୋର୍ଡର ରନ ମେସିନ ସେ... ସବୁଠାରୁ ସଫଳ ଅଧିନାୟକ ଓ ଶତକର ସମ୍ରାଟ ସେ... । ଭାରତୀୟ କ୍ରିକେଟ ଦଳର ବର୍ତ୍ତମାନର ଅଧିନାୟକ ବିରାଟ କୋହଲିଙ୍କ ଜନ୍ମଦିନ ଅବସରରେ ପଢନ୍ତୁ ତାଙ୍କ ବିଷୟରେ କିଛି ଖାସ୍ କଥା....

ନଭେମ୍ବର 5 ଭାରତୀୟ କ୍ରିକେଟ୍ ପ୍ରେମୀଙ୍କ ପାଇଁ ଏକ ବିଶେଷ ଦିନ । ବିରାଟ କୋହଲିଙ୍କ ସହ ଜଡିତ ଏହି ତାରିଖ, ଯିଏକି ଗତ ଦଶନ୍ଧି ଧରି ଭାରତୀୟ କ୍ରିକେଟ୍ ପ୍ରଶଂସକଙ୍କ ହୃଦସ୍ପନ୍ଦନରେ ରହିଛନ୍ତି । ଆଜି ଏହି ଶତକ ଶ୍ରେଷ୍ଠ ବ୍ୟାଟ୍ସମ୍ୟାନ୍ ତଥା ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲିଙ୍କ ଜନ୍ମଦିନ। ନଭେମ୍ବର 5, 1988 ରେ ଜନ୍ମ ହୋଇଥିବା ବିରାଟ କୋହଲି, ଦିଲ୍ଲୀ କ୍ରିକେଟରୁ ଯାତ୍ରା ଆରମ୍ଭ କରି ଗତ ଦଶନ୍ଧିରେ କ୍ରିକେଟ୍ ଜଗତରେ ପ୍ରାଧାନ୍ୟ ବିସ୍ତାର କରିଛନ୍ତି । ଅନେକ ରେକର୍ଡ ଭାଙ୍ଗି ତାଙ୍କ ରାଜତ୍ୱ ସ୍ଥାପନ କରିଛନ୍ତି ।

ପତ୍ନୀ ଅନୁଷ୍କାଙ୍କ ଅଭିନନ୍ଦନ

ପତ୍ନୀ ଅନୁଷ୍କା ଶର୍ମା ବିରାଟ କୋହଲିଙ୍କୁ ଅଭିନନ୍ଦନ ଜଣାଇଛନ୍ତି। ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରି ଏଥିରେ ଲେଖାଛନ୍ତି, 'ଏହି ଫଟୋ ଏବଂ ତୁମର ଜୀବନ ଶୈଳୀ ପାଇଁ କୌଣସି ଫିଲ୍ଟର ଆବଶ୍ୟକ ନାହିଁ.....

କୋହଲିଙ୍କ ଡେବ୍ୟୁ

2008ରେ ଶ୍ରୀଲଙ୍କା ବିପକ୍ଷରେ ଦିନିକିଆ ଡେବ୍ୟୁ କରିଥିବା ବିରାଟ କୋହଲି ଏହି ଫର୍ମାଟରେ 8000, 9000, 10000, 11000 ଏବଂ 12000 ରନ୍ ସ୍କୋର କରିବାରେ ଦ୍ରୁତତମ ବ୍ୟାଟ୍ସମ୍ୟାନ୍ ଅଟନ୍ତି । କୋହଲି ମାତ୍ର 175 ଇନିଂସରେ 8000 ରନ୍ ପୂରଣ କରିଥିବାବେଳେ ମାତ୍ର 242 ଇନିଂସରେ 12000 ରନ୍ କରିଥିଲେ।

କୋହଲିଙ୍କ ଶତକ

ଏହା କେବଳ ଦ୍ରୁତ ଗତିରେ ସ୍କୋର କରିବାର ବିଷୟ ନୁହେଁ, ବରଂ ଏଥିରେ ତାଙ୍କର ଶତକ ଆଲୋଚନା କରିବା ମଧ୍ୟ ଗୁରୁତ୍ୱପୂର୍ଣ୍ଣ । ରନ୍ ମେସିନ୍ ଭାବେ ପରିଚିତ ଏହି ଶକତ ସମ୍ରାଟ ଆନ୍ତର୍ଜାତୀୟ କ୍ୟାରିୟରରେ ଏପର୍ଯ୍ୟନ୍ତ 70 ଶତକ ହାସଲ କରିଛନ୍ତି, ଯେଉଁଥିରେ ସେ ଅଧିନାୟକ ଭାବରେ 41 ଶତକ ହାସଲ କରିଛନ୍ତି, ଯାହାକି ବିଶ୍ୱ ରେକର୍ଡ ଅଟେ ।

କୋହଲିଙ୍କ 43 ଟି ଦିନକିଆ ଶତକ ମଧ୍ୟରୁ 35ଟି ଶକତ ସମୟରେ ଭାରତୀୟ ଦଳ ବିଜୟୀ ହୋଇଛି, ଯାହା ବିଶ୍ୱ ରେକର୍ଡ ଅଟେ । ଏଥିରେ 2013ରେ ଅଷ୍ଟ୍ରେଲିଆ ବିପକ୍ଷରେ ଏକ ଶତକ ରହିଛି, ଯେତେବେଳେ ଏହି ଡାହାଣହାତୀ ବ୍ୟାଟ୍ସମ୍ୟାନ୍ ମାତ୍ର 52 ବଲରେ ଶତକ ହାସଲ କରିଥିଲେ, ଯାହା ଭାରତ ପାଇଁ ଦିନିକିଆରେ ଦ୍ରୁତତମ ଶତକର ରେକର୍ଡ ଅଟେ।

ଦ୍ୱିଶତକ କାହାଣୀ

ଶତକର ଅଧିକ କାହାଣୀ ଅଛି । କିନ୍ତୁ ବର୍ତ୍ତମାନ ଏହା ଦ୍ୱିଶତକର ବିଷୟ । କୋହଲି ଏପର୍ଯ୍ୟନ୍ତ ଦିନିକିଆରେ ଦ୍ୱିଶତକ ହାସଲ କରିନାହାଁନ୍ତି, କିନ୍ତୁ ଟେଷ୍ଟରେ ସେ ଦ୍ୱିଶତକ ହାସଲ କରିଛନ୍ତି। ତାଙ୍କର 96 ଟେଷ୍ଟ କ୍ୟାରିୟରରେ କୋହଲି 7ଟି ଦ୍ୱିଶତକ ହାସଲ କରିଛନ୍ତି, ଯାହାକି କୌଣସି ଭାରତୀୟ ବ୍ୟାଟ୍ସମ୍ୟାନଙ୍କ ଦ୍ୱାରା ସର୍ବାଧିକ । କୋହଲି ଅଧିନାୟକ ଭାବରେ 7ଟି ଦ୍ୱିଶତକ ହାସଲ କରିଛନ୍ତି ଏବଂ ଏହିପରି ସର୍ବାଧିକ ଦ୍ୱିଶତକ ହାସଲ କରିବା ଅଧିନାୟକ ସେ ଅଟନ୍ତି ।

ଅଧିନାୟକତ୍ୱ

ବର୍ତ୍ତମାନ ଅଧିନାୟକତ୍ୱ ବିଷୟରେ ଆଲୋଚନା, ଯାହା ଆଜିକାଲି ସର୍ବାଧିକ ଚର୍ଚ୍ଚିତ । ତାଙ୍କ ଅଧିନାୟକତ୍ୱରେ କୋହଲି ସିନିୟର ସ୍ତରରେ କୌଣସି ଆଇସିସି ଟାଇଟଲ୍ ଜିତି ନାହାଁନ୍ତି, କିନ୍ତୁ ଅଧିନାୟକ ଭାବରେ ତାଙ୍କର ଆନ୍ତର୍ଜାତୀୟ ରେକର୍ଡ ବହୁତ ଭଲ ରହିଛି। ବିଶେଷକରି ଟେଷ୍ଟ କ୍ରିକେଟରେ, ଯେଉଁଠାରେ ସେ ଭାରତ ପାଇଁ ସର୍ବାଧିକ 65 ଟି ଟେଷ୍ଟ ଅଧିନାୟକତ୍ୱ କରିଛନ୍ତି ଏବଂ ସର୍ବାଧିକ 38ଟି ଟେଷ୍ଟ ଜିତିଛନ୍ତି।

ରନ ମେସିନଙ୍କ ରନ ରେକର୍ଡ

କୋହଲି ବିଶ୍ୱ କ୍ରିକେଟର ପ୍ରଥମ ବ୍ୟାଟ୍ସମ୍ୟାନ୍ ଯିଏକି ଟି-20 କ୍ରିକେଟରେ 3000 ରନ୍ ସ୍କୋର କରିଛନ୍ତି । ସେ ମାତ୍ର 86 ଇନିଂସରେ ସର୍ବାଧିକ 3225 ରନ୍ ସଂଗ୍ରହ କରିଛନ୍ତି। ଏହା ସହିତ 29ଟି ଅର୍ଦ୍ଧଶତକ ମଧ୍ୟ ସ୍କୋର କରିଛନ୍ତି । ସେ ହେଉଛନ୍ତି ଦୁନିଆର ଏକମାତ୍ର ବ୍ୟାଟ୍ସମ୍ୟାନ୍ ଯିଏ ତିନୋଟି ଫର୍ମାଟରେ ହାରାହାରି 50ରୁ ଅଧିକରେ ସ୍କୋର କରିଛନ୍ତି । ଏହି ହାରାହାରି ଟି-20 ରେ 52.01, ଦିନିକିଆରେ 59.07 ଏବଂ ଟେଷ୍ଟରେ 51.08 ।

କୋହଲି 2008 ରେ ଡେବ୍ୟୁ କରିଥିଲେ ଏବଂ ସେବେଠାରୁ ସେ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ 23519 ରନ୍ ସ୍କୋର କରିବାରେ ବ୍ୟାଟ୍ସମ୍ୟାନ୍ ଅଟନ୍ତି। ଦିନିକିଆରେ ମଧ୍ୟ ସର୍ବାଧିକ 12169 ରନ୍ ଏବଂ 43 ଶତକ ତାଙ୍କ ବ୍ୟାଟରୁ ବାହାରିଛି । ମୋଟ ଉପରେ, ତାଙ୍କ କ୍ୟାରିୟରରେ କୋହଲି ଏପର୍ଯ୍ୟନ୍ତ 96 ଟି ଟେଷ୍ଟର 162 ଇନିଂସରେ 7765 ରନ୍ ସଂଗ୍ରହ କରିଛନ୍ତି ଏବଂ ହାରାହାରି 51.08 ଏବଂ 27 ଶତକ 27ଟି ଅର୍ଦ୍ଧଶତକ ହାସଲ କରିଛନ୍ତି । ଦିନିକିଆରେ କୋହଲି 254 ମ୍ୟାଚର 245 ଇନିଂସରେ ହାରାହାରି 59.07 ରନ୍ କରି 43 ଶତକ ଏବଂ 62 ଅର୍ଦ୍ଧଶତକ ହାସଲ କରିଛନ୍ତି। ସେହିଭଳି 86ଟି ଟି-20 ଆନ୍ତର୍ଜାତୀୟ ଇନିଂସରେ ସେ 3225 ରନ୍, 29 ଅର୍ଦ୍ଧଶତକ ହାସଲ କରିଛନ୍ତି।

English summary

Virat Kohli Birthday Special: Something special about him