ନୂଆ ବିଶ୍ୱ ରେକର୍ଡ କଲେ କୋହଲି, ପ୍ରଥମ ଖେଳାଳୀ ଭାବେ ୩ଟି ଫର୍ମାଟରେ ବିଜୟର ଅର୍ଦ୍ଧଶତକ
ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ମ୍ୟାଚରେ ବିଜୟ ସହ ନୂଆ ବିଶ୍ୱରେକର୍ଡ କରିଛନ୍ତି ବିରାଟ କୋହଲି । ପ୍ରଥମ ଖେଳାଳୀ ଭାବେ ୩ଟି ଫର୍ମାଟରେ ୫୦ରୁ ଅଧିକ ବିଜୟ ହାସଲ କରିଛନ୍ତି କୋହଲି ।
ମୁମ୍ବାଇ: ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ମ୍ୟାଚରେ ବିଜୟ ସହ ନୂଆ ବିଶ୍ୱରେକର୍ଡ କରିଛନ୍ତି ବିରାଟ କୋହଲି । ପ୍ରଥମ ଖେଳାଳୀ ଭାବେ ୩ଟି ଫର୍ମାଟରେ ୫୦ରୁ ଅଧିକ ବିଜୟ ହାସଲ କରିଛନ୍ତି କୋହଲି । ପୂର୍ବରୁ ଦିନିକିଆ ଓ ଟି-୨୦ରେ ବିରାଟ ବିଜୟର ଅର୍ଦ୍ଧଶତକ ହାସଲ କରିଥିବା ବେଳେ ନ୍ୟୁଜିଲାଣ୍ଡ ବିପକ୍ଷ ବିଜୟ ହାସଲ ସହ ଟେଷ୍ଟ କ୍ରିକେଟରେ ମଧ୍ୟ ୫୦ତମ ବିଜୟ ହାସଲ କରିଛନ୍ତି କ୍ୟାପଟେନ କୋହଲି । ମୁମ୍ବାଇ ଟେଷ୍ଟରେ ନ୍ୟୁଜିଲାଣ୍ଡକୁ ୩୭୨ ରନରେ ମାତ୍ ଦେଇ ଐତିହାସିକ ବିଜୟ ହାସଲ କରିଛି ଟିମ୍ ଇଣ୍ଡିଆ ।
ଏପରିକି ମହେନ୍ଦ୍ର ସିଂ ଧୋନି ଓ ରିକି ପଣ୍ଟିଂ ମଧ୍ୟ ଏଭଳି କାରନାମା କରିପାରିନାହାନ୍ତି। ଟେଷ୍ଟ କ୍ରିକେଟରେ ରିକି ପଣ୍ଟିଂ ଖେଳାଳି ଭାବେ ସର୍ବାଧିକ ୧୦୮ ମ୍ୟାଚ୍ ଜିତିଛନ୍ତି। ଦିନିକିଆରେ ତାଙ୍କ ନାଁରେ ୨୬୨ ମ୍ୟାଚ୍ ଜିତିବାର ରେକର୍ଡ ରହିଛି। କିନ୍ତୁ ସେ ଟି-୨୦ରେ କେବଳ ୭ଟି ମ୍ୟାଚ୍ ଜିତିପାରିଛନ୍ତି। ସେହିପରି ବିରାଟ୍ କୋହଲି ଖେଳାଳି ଭାବେ ଟେଷ୍ଟ କ୍ରିକେଟରେ ୫୦ ମ୍ୟାଚ୍, ଦିନିକିଆରେ ୧୫୩ ଏବଂକ ଟି-୨୦ରେ ୫୯ ମ୍ୟାଚ୍ ଜିତିଛନ୍ତି। ଅର୍ଥାତ୍ ତିନୋଟି ଯାକ ଫର୍ମାଟରେ ୫୦ରୁ ଅଧିକ ମ୍ୟାଚ୍ ଜିତିବାରେ କୋହଲି ଦୁନିଆର ଏକମାତ୍ର ଖେଳାଳି।
ବିରାଟଙ୍କ ଏହି ସଫଳତା ପାଇଁ ବିସିସିଆଇ ଟ୍ୱିଟ୍ କରି ଅଭିନନ୍ଦନ ଜଣାଇଛି । ଟ୍ୱିଟ୍ କରି ବିସିସିଆଇ କହିଛି, ପ୍ରଥମ ଖେଳାଳୀ ଭାବେ ପ୍ରତି ଫର୍ମାଟରେ ୫୦ରୁ ଅଧିକ ବିଜୟ ହାସଲ କରିଥିବା କ୍ୟାପଟେନ କୋହଲିଙ୍କୁ ଶୁଭେଚ୍ଛା । ଏଯାବତ୍ ବିରାଟ କୋହଲି, ମୋଟ ୯୭ଟି ଟେଷ୍ଟ ମ୍ୟାଚ୍ ଖେଳିଛନ୍ତି, ସେଥିମଧ୍ୟରୁ ଭାରତ ୫୦ଟି ମ୍ୟାଚ୍ ଜିତିଛି। ବିରାଟ କୋହଲିଙ୍କ ଉପସ୍ଥିତିରେ ଭାରତ ମୋଟ ୨୮ଟି ଟେଷ୍ଟ ମ୍ୟାଚ ହାରିଥିବାବେଳେ ମୋଟ ୧୯ଟି ମ୍ୟାଚ ଡ୍ର ହୋଇଛି।