ଶେଷ ବଲରେ ଛକା ମାରିବା ପରେ ରହିଲାନି ଖୁସିର ସମୟ; ବ୍ୟାଟ୍‌କୁ ପବନରେ ଫିଙ୍ଗିଦେଲେ, ସିଧା ଅମ୍ପାୟାର ପାଖକୁ...

କ୍ରିକେଟରେ ସବୁଦିନ କିଛି ନୂଆ ଦେଖିବାକୁ ମିଳେ । ସେପରି ଏକ ଚିତ୍ର ଦେଖିବାକୁ ମିଳିଛି । କ୍ରିକେଟ୍ ପଡ଼ିଆର ପ୍ରତ୍ୟେକ ଖେଳାଳି ଚାହିଁଥାନ୍ତି ତାଙ୍କ ଦଳ ବିକୁ । ଏଥିପାଇଁ ସେମାନେ ମଧ୍ୟ ଯଥାସମ୍ଭବ ଚେଷ୍ଟା କରିଥାନ୍ତି ।

ଯେତେବେଳେ ଦଳ ଜିତେ, ସେମାନେ ଉତ୍ସବ ମାତି ଯାଇଥାନ୍ତି। ଏହିପରି ଏକ ଖୁସି ସମୟରେ, ଜଣେ ଖେଳାଳି ବଡ଼ ଭୁଲ୍ କରିଛନ୍ତି। ତାଙ୍କ ଭୁଲ୍ ଯୋଗୁ ଅମ୍ପାୟାର ଆହତ ହୋଇଛନ୍ତି। ଜିମ୍ବାୱେର ଘରୋଇ କ୍ରିକେଟ୍‌ରେ ଏହି ଦୃଶ୍ୟ ଦେଖିବାକୁ ମିଳିଛି ।

ବାସ୍ତବରେ ଏଠାରେ ଏକ ସ୍ଥାନୀୟ ପ୍ରତିଯୋଗିତା ଆୟୋଜିତ ହୋଇଥିଲା। ଯେଉଁଥିରେ ସୋଗୋ ରେଞ୍ଜର୍ସ ଏବଂ ରେନ୍‌ବୋ-୧ ଦଳ ମଧ୍ୟରେ ୪୫-୪୫ ଓଭର ମ୍ୟାଚ୍ ଖେଳାଯାଉଥିଲା। ଏଥିରେ ସୋଗୋ ରେଞ୍ଜର୍ସ ପ୍ରଥମେ ବ୍ୟାଟିଂ କରି ୪୪.୧ ଓଭରରେ ୨୨୯ ରନ୍ ସଂଗ୍ରହ କରିଥିଲା। ଧାର୍ଯ୍ୟ ବିଜୟ ଲକ୍ଷ୍ୟର ପିଛା କରି ରେନବୋ-୧ ଦଳ ୪୪.୫ ଓଭରରେ ୨୨୬ ରନ୍ ସଂଗ୍ରହ କରିଥିଲା। ଏଭଳି ପରିସ୍ଥିତିରେ ଜିତିବା ପାଇଁ ଶେଷ ବଲରେ ଚାରି ରନ୍ ସ୍କୋର କରିବାର ଆବଶ୍ୟକତା ଥିଲା। ରୋମାଞ୍ଚକର ମ୍ୟାଚରେ ଉଭୟ ଦଳର ଖେଳାଳିଙ୍କ ହୃଦସ୍ପନ୍ଦନ ବଢୁଥିଲା। ଏଭଳି ପରିସ୍ଥିତିରେ ବୋଲର ରିୟାନ୍ ବୁର୍ ଶେଷ ବଲ୍ ବୋଲିଂ କରିବା ମାତ୍ରେ ବ୍ୟାଟ୍ସମ୍ୟାନ୍ ଫ୍ରାନ୍ସିସ୍ ସାଣ୍ଡେ ଛକା ମାରିଥିଲେ। ତାଙ୍କ ଦଳକୁ ଜିତିବାରେ ସାହାଯ୍ୟ କରିବା ପାଇଁ ସାଣ୍ଡେ ଛକା ମାରିବା ପରେ ଆନନ୍ଦରେ ପାଗଳ ପରି ହୋଇଯାଇଥିଲେ। ସେ ଖୁସିରେ ଉତ୍ସବ ପାଳନ କରିବା ଆରମ୍ଭ କଲେ।

The batter while celebrating the win in style hurts the umpire. 🤣pic.twitter.com/jbjQpiPg12

— Mufaddal Vohra (@mufaddal_vohra) July 31, 2024

ସେ ନିଜ ବ୍ୟାଟ୍‌କୁ ପବନରେ ଫିଙ୍ଗିଦେଲେ ଏବଂ ଏହା ଉପରୁ ଖସିବା ମାତ୍ରେ ନନ୍-ଷ୍ଟ୍ରାଇକର ଶେଷରେ ଠିଆ ହୋଇଥିବା ଅମ୍ପାୟାରଙ୍କ ପାଦକୁ ଆଘାତ କରିଥିଲା। ଯେଉଁଥିପାଇଁ ସେ ଆହତ ହୋଇଥିଲେ। ଅମ୍ପାୟାର ମଧ୍ୟ ଯନ୍ତ୍ରଣାରେ ଛଟପଟ ହେଉଥିବା ଦେଖିବାକୁ ମିଳିଥିଲା। ଏହା ପରେ ମଧ୍ୟ ସାଣ୍ଡେ ଅଟକି ନ ଥିଲେ। ସେ ପଡ଼ିଆରେ ନାଚିବା ଆରମ୍ଭ କରିଥିଲେ। ତାଙ୍କର ଏହି ଭିଡିଓ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି।