ପାରା ଅଲିମ୍ପିକ୍ସ: ଗୋଟିଏ ଦିନରେ 4 ପଦକ, ଭାରତର ମେଡାଲ ସଂଖ୍ୟା 7କୁ ବୃଦ୍ଧି, ଦେଖନ୍ତୁ ପୁରା ତାଲିକା

ଏବେ ସୁଦ୍ଧା ଭାରତର ଟୋକିଓ ପାରା ଅଲିମ୍ପିକ୍ସରେ ପଦକ ସଂଖ୍ୟା 7କୁ ବୃଦ୍ଧି ପାଇଛି ।

ଭୁବନେଶ୍ୱର: ସୋମବାର ସକାଳୁ ସକାଳୁ ଭାରତ ଖାତାରେ 4ଟି ପଦକ । ଗତକାଲି ଜାତୀୟ କ୍ରୀଡା ଦିବସ ଅସବସରେ 3ଟି ପଦକ ଆସିଥିବା ବେଳେ ଆଜି ଖାତାରେ ଯୋଡି ହୋଇଛି ଗୋଟିଏ ସ୍ବର୍ଣ୍ଣ ସହ 4ଟି ପଦକ । ଫଳରେ ଏବେ ସୁଦ୍ଧା ଭାରତର ଟୋକିଓ ପାରା ଅଲିମ୍ପିକ୍ସରେ ପଦକ ସଂଖ୍ୟା 7କୁ ବୃଦ୍ଧି ପାଇଛି ।

ସୋମବାର ଦିନ ସୁଟର ଅବନୀ ଲେଖାରା ଇତିହାସ ରଚି ପ୍ରଥମ ଭାରତୀୟ ମହିଳା ଭାବେ ପାରା ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିଛନ୍ତି । ସେ ମହିଳା 10 ମିଟର ଏୟାର ରାଇଫଲ ଷ୍ଟାଣ୍ଡିଂ SH1 ଇଭେଣ୍ଟରେ ପୋଡିୟମର ଟପ କରିଛନ୍ତି । 19 ବର୍ଷୀୟା ମୋଟ 249.6 ସ୍କୋର ସହିତ ଏକ ବିଶ୍ୱ ରେକର୍ଡ ସହିତ ସମାପ୍ତ କରିଛନ୍ତି । ଯାହାକି ଏକ ନୂତନ ପାରାଲିମ୍ପିକ୍ ରେକର୍ଡ ।

ସେହିପରି ଟୋକିଓ ପାରା ଅଲିମ୍ପିକ୍ସ ଡିସ୍କସ୍ ଥ୍ରୋରେ ଭାରତର ଯୋଗେଶ କଥୁନିଆ ରୌପ୍ୟ ପଦକ ଜିତିଛନ୍ତି । ଡିସ୍କସ୍ ଥ୍ରୋ ଏଫ୍ 56 ଫାଇନାଲର ଦ୍ୱିତୀୟ ସ୍ଥାନରେ ରହିଥିଲେ ଯୋଗେଶ । ଷଷ୍ଠ ଓ ଶେଷ ପ୍ରୟାସରେ 44.38 ମିଟର ଫିଙ୍ଗି ରୌପ୍ୟ ପଦକ ନିଜ ନାଁରେ କରିଥିଲେ । ଯୋଗେଶଙ୍କର ଏହା ହେଉଛି ପ୍ରଥମ ପାରା ଅଲିମ୍ପିକ୍ସ ।

ସେହିପରି ଜାଭେଲିନ୍ ଥ୍ରୋରେ ଭାରତକୁ ଆଉ ଦୁଇଟି ମେଡାଲ ମିଳିଛି । ଜାଭେଲିନ୍ ଥ୍ରୋରେ ଦେବେନ୍ଦ୍ର ଝାଝାରିଆ ରୌପ୍ୟ ପଦକ ଜିତିଛନ୍ତି । ସୁନ୍ଦର ସିଂହ ଗୁଜର ବ୍ରୋଂଜ ପଦକ ହାସଲ କରିଛନ୍ତି । ଏହା ସହ ଭାରତର ପଦକ ସଂଖ୍ୟା 4କୁ ବୃଦ୍ଧି ପାଇଛି ।

ଗତକାଲି ଭାରତ ପାଇଁ ଟେବୁଲ ଟେନିସରେ ଭବୀନା ପଟେଲ ପ୍ରଥମ ମେଡାଲ ଆଣିଥିଲେ । ପରେ ପରେ ପୁରୁଷ ହାଇ ଜମ୍ପରେ ନିଷାଦ କୁମାର ଓ ଡିକ୍ସ ଥ୍ରୋରେ ବିନୋଦ କୁମାର ମେଡାଲ ଆଣିଥିଲେ ।

ମେଡାଲ ତାଲିକା:

ଭବୀନା ପଟେଲ	ମହିଳା ଟେବୁଲ୍ ଟେନିସ୍	ରୌପ୍ୟ
ନିଷାଦ କୁମାର	ପୁରୁଷ ହାଇ ଜମ୍ପ	ରୌପ୍ୟ
ବିନୋଦ କୁମାର	ପୁରୁଷ ଡିସ୍କସ୍ ଥ୍ରୋ	ବ୍ରୋଞ୍ଜ୍
ଅବନୀ ଲେଖାରା	10 ମିଟର ଏୟାର ରାଇଫଲ	ସ୍ୱର୍ଣ୍ଣ
ଦେବେନ୍ଦ୍ର ଝାଝାରିଆ	ଜାଭେଲିନ୍ ଥ୍ରୋ	ରୌପ୍ୟ
ସୁନ୍ଦର ସିଂହ ଗୁଜର	ଜାଭେଲିନ୍ ଥ୍ରୋ	ବ୍ରୋଞ୍ଜ୍
ଯୋଗେଶ କଥୁନିଆ	ଡିସ୍କସ୍ ଥ୍ରୋ	ରୌପ୍ୟ

English summary

ପାରା ଅଲିମ୍ପିକ୍ସ: ଗୋଟିଏ ଦିନରେ 4 ପଦକ, ଭାରତର ମେଡାଲ ସଂଖ୍ୟା 7କୁ ବୃଦ୍ଧି, ଦେଖନ୍ତୁ ପୁରା ତାଲିକା