ଟୋକିଓ ଅଲିମ୍ପିକ୍ସ: ଜାଣନ୍ତୁ, କାହିଁକି ନୀରଜଙ୍କ ଆଖିରେ ଆସିଥିଲା ଲୁହ ?
ମ୍ୟାଚ ପରେ ନୀରଜ କହିଛନ୍ତି ଯେ, ପଦକ ଗ୍ରହଣ ବେଳେ ଯେତେବେଳେ ଷ୍ଟାଡିୟମରେ ଜାତୀୟ ସଙ୍ଗୀତ ବାଜିଥିଲା, ମୋ ଆଖିରେ ଲୁହ ଆସିଯାଇଥିଲା । ମୁଁ କାନ୍ଦିବା ଆରମ୍ଭ କରି ଦେଇଥିଲି ।
ଟୋକିଓ: ସ୍ୱର୍ଣ୍ଣ ଆଣିଛନ୍ତି ସୁନା ପୁଅ ନୀରଜ ଚୋପ୍ରା । ଭାରତୀୟ ଆଥଲେଟିକ୍ସ ବର୍ଗରେ ଏହା ପ୍ରଥମ ଅଲିମ୍ପିକ୍ସ ସ୍ବର୍ଣ୍ଣ । ସେହିପରି ବ୍ୟକ୍ତିଗତ ଭାବେ ଭାରତର 2ୟ ଖେଳାଳି ହୋଇ ସ୍ବର୍ଣ୍ଣ ପଦକ ହାତେଇଛନ୍ତି ନୀରଜ । ଏହା ପୂର୍ବରୁ ଅଭିନାଭ ବିନ୍ଦ୍ର ପ୍ରଥମେ 2008 ବେଜିଂ ଅଲିମ୍ପିକ୍ସରେ ସୁଟିଂରେ ସ୍ୱର୍ଣ୍ଣ ପଦକ ଜିତିଥିଲେ । ଅନ୍ୟପଟେ ଚଳିତ ଟୋକିଓ ଅଲିମ୍ପିକ୍ସରେ ଏହା ଭାରତର ଏକମାତ୍ର ସ୍ୱର୍ଣ୍ଣ ପଦକ । ଏହି ରେକର୍ଡ ହାସଲ କରିବା ପାଇଁ ନୀରଜ 87.57 ମିଟରର ଏକ ଜାଭେଲିନ ଥ୍ରୋ କରିଥିଲେ ।
ଜାତୀୟ ସଙ୍ଗୀତ ବାଜିବା ବେଳେ ନୀରଜଙ୍କ ଆଖିରେ ଆସିଥିଲା ଲୁହ
ମ୍ୟାଚ ପରେ ନୀରଜ କହିଛନ୍ତି ଯେ, ପଦକ ଗ୍ରହଣ ବେଳେ ଯେତେବେଳେ ଷ୍ଟାଡିୟମରେ ଜାତୀୟ ସଙ୍ଗୀତ ବାଜିଥିଲା, ମୋ ଆଖିରେ ଲୁହ ଆସିଯାଇଥିଲା । ମୁଁ କାନ୍ଦିବା ଆରମ୍ଭ କରି ଦେଇଥିଲି ।
ତେବେ ନୀରଜ ନିଜ ସ୍ୱର୍ଣ୍ଣ ପଦକକୁ ଫ୍ଲାଇଙ୍ଗ ସିଖ୍ ମିଲଖା ସିଂଙ୍କ ନାମରେ ସମ୍ମର୍ପିତ କରିଛନ୍ତି । ସେ କହିଛନ୍ତି, ଆଜି ଏହି ଦିନ ଦେଖିବା ପାଇଁ ସେ ଆମ ଗହଣରେ ଉପସ୍ଥିତ ନାହାଁନ୍ତି । କିନ୍ତୁ ତାଙ୍କ ଆତ୍ମା ଯେଉଁଠାରେ ଥାଉ, ସେ ନିଶ୍ଚୟ ନିଜକୁ ଗର୍ବିତ ଅନୁଭବ କରୁଥିବେ । ଏହା ବ୍ୟତୀତ ନୀରଜ ଏହି ସ୍ୱର୍ଣ୍ଣ ପଦକକୁ ଭାରତର ପୂର୍ବତନ ଆଥଲେଟ୍ସ ପି.ଟି ଉଷା ଏବଂ ଅଲିମ୍ପିକ ପଦକ ଜିତିବାକୁ ଆସିଥିବା ସମସ୍ତ ଭାରତୀୟ ଆଥଲେଟ୍ସଙ୍କ ନାମରେ ମଧ୍ୟ ନାମିତ କରିଛନ୍ତି।
ମୁଁ ସ୍ୱର୍ଣ୍ଣ ପଦକ ବିଷୟରେ ଚିନ୍ତା କରୁ ନଥିଲି: ନୀରଜ ଚୋପ୍ରା
ଟୋକିଓ ଅଲିମ୍ପିକ୍ସରେ ଏହା ଭାରତର ସପ୍ତମ ପଦକ ଥିଲା ଏବଂ ଭାରତ ମଧ୍ୟ ସମଗ୍ର ଅଲିମ୍ପିକ୍ ଇତିହାସରେ ସର୍ବାଧିକ ପଦକ ଜିତିବାର ରେକର୍ଡ ରଖିଛି । ଏହାପୂର୍ବରୁ ଲଣ୍ଡନ ଅଲିମ୍ପିକ୍ସ 2012 ରେ ଭାରତ 6 ଟି ପଦକ ଜିତିଥିଲା, କିନ୍ତୁ ପରେ ଗୋଟିଏ ହେଲେ ସ୍ୱର୍ଣ୍ଣ ମଧ୍ୟ ଆସି ନଥିଲା ଏବଂ ଏଥର କେବଳ 6 ର ରେକର୍ଡ ଭାଙ୍ଗିଲା ନାହିଁ ବରଂ ଗୋଟିଏ ସ୍ୱର୍ଣ୍ଣ ଏବଂ ଆଥଲେଟିକ୍ସ ବର୍ଗରେ ଆସିଛି । ଏହା ପୂର୍ବରୁ ଆଥଲେଟିକ୍ସ ବର୍ଗରେ କୌଣସି ଭାରତୀୟ ଖେଳାଳି ସ୍ୱର୍ଣ୍ଣ ପଦକ ଜିତି ନାହାନ୍ତି ।
ସେ ସ୍ୱର୍ଣ୍ଣ ପଦକ ବିଷୟରେ ଚିନ୍ତା କରୁନଥିଲେ ବୋଲି ନୀରଜ ଗଣମାଧ୍ୟମକୁ କହିଛନ୍ତି। ସେ ଜାଭେଲିନ୍ ଥ୍ରୋ ପ୍ରତିଯୋଗିତାର ଫାଇନାଲରେ କିଛି ଅଲଗା, କିଛି ବିଶେଷ କରିବାକୁ ଚିନ୍ତା କରୁଥିଲେ ।
Click it and Unblock the Notifications
Sign in with Google