WTC ଫାଇନାଲ୍ ଖେଳିବ ଟିମ୍ ଇଣ୍ଡିଆ ! ଜାଣନ୍ତୁ କଣ କହୁଛି ସମୀକରଣ

ଅଷ୍ଟ୍ରେଲିଆ ବିପକ୍ଷରେ ଖେଳା ଯାଉଥିବା ଏହି ସିରିଜରୁ ଦଳ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ପହଞ୍ଚିପାରିବ ।

Published: Monday, February 20, 2023, 13:39 [IST]

ନୂଆଦିଲ୍ଲୀ: ବର୍ଡର ଗାଭାସ୍କର ଟ୍ରଫିର ଦ୍ୱିତୀୟ ମ୍ୟାଚ୍ ଜିତି ଟିମ୍ ଇଣ୍ଡିଆ ସିରିଜରେ 2-0 ଅଗ୍ରଣୀ ହାସଲ କରିଛି । ଏହି ସିରିଜ୍ ଭାରତୀୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଅଷ୍ଟ୍ରେଲିଆ ବିପକ୍ଷରେ ଖେଳା ଯାଉଥିବା ଏହି ସିରିଜରୁ ଦଳ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ପହଞ୍ଚିପାରିବ ।

ତେବେ WTC ର ଫାଇନାଲରେ ସିଧାସଳଖ ପ୍ରବେଶ କରିବା ଠାରୁ ଭାରତ ମାତ୍ର ଗୋଟିଏ ବିଜୟ ଦୂରରେ ରହିଛି । ଯଦି ରୋହିତ ଶର୍ମାଙ୍କ ଭାରତୀୟ ଦଳ ଇନ୍ଦୋରରେ ଖେଳାଯିବାକୁ ଥିବା ତୃତୀୟ ଟେଷ୍ଟ ମ୍ୟାଚ ଜିତିବାରେ ସଫଳ ହୁଏ, ତେବେ ଏହା ସିଧାସଳଖ ଫାଇନାଲରେ ପ୍ରବେଶ କରିବ।

ଅନ୍ୟପଟେ କ୍ରମାଗତ ୨ଟି ପରାଜୟ ପରେ ମଧ୍ୟ ଅଷ୍ଟ୍ରେଲିଆ ଟେବୁଲର ଶୀର୍ଷରେ ଅଛି । କିନ୍ତୁ ନମ୍ବର-୨ ଦଳ ଭାରତ ମଧ୍ୟରେ ଏହାର ପାର୍ଥକ୍ୟ ଯଥେଷ୍ଟ ହ୍ରାସ ପାଇଛି । ଯଦି ଅଷ୍ଟ୍ରେଲିଆ ଅବଶିଷ୍ଟ ଉଭୟ ମ୍ୟାଚ୍ ହାରିଯାଏ, ତେବେ ଦଳ ଫାଇନାଲ ରେସରୁ ବାହାରି ପାରେ । ଦ୍ୱିତୀୟ ଟେଷ୍ଟ ପୂର୍ବରୁ ଅଷ୍ଟ୍ରେଲିଆ ୧୬ଟି ଟେଷ୍ଟ ପରେ ୭୦.୮୩ ପ୍ରତିଶତ ନମ୍ବର ରଖିଥିଲା । ଏଥିମଧ୍ୟରୁ ଦଳ ଦୁଇଟିରେ ହାରିଥିବା ବେଳେ ୧୦ଟିରେ ଜିତିଥିଲେ । ଏହା ହେଉଛି ତାଙ୍କର ତୃତୀୟ ପରାଜୟ । ବର୍ତ୍ତମାନ ଦଳ ୬୬.୬୭ ପ୍ରତିଶତ ନମ୍ବର ହାସଲ କରିଛି । ଏଥି ସହିତ ଦ୍ୱିତୀୟ ଟେଷ୍ଟ ପୂର୍ବରୁ ଭାରତୀୟ ଦଳର ୬୧.୬୭ ପ୍ରତିଶତ ମାର୍କ ରହିଥିଲା । ବିଜୟ ପରେ ଭାରତକୁ ଆଉ ୧୨ ପଏଣ୍ଟ ମିଳିଛି, ଫଳରେ ଦଳ ନମ୍ବର ୬୪.୦୬ ପ୍ରତିଶତ ହୋଇଛି । ଭାରତ ଏପର୍ଯ୍ୟନ୍ତ ୧୬ ଟି ମ୍ୟାଚ୍ ଖେଳିଛି । ଆଜିର ବିଜୟ ହେଉଛି ଟିମ୍ ଇଣ୍ଡିଆର ଦଶମ ବିଜୟ ।

ତେବେ ଇନ୍ଦୋର ଟେଷ୍ଟ ଜିତିବା ମାତ୍ରେ ଟିମ୍ ଇଣ୍ଡିଆ WTC ର ଫାଇନାଲରେ ପହଞ୍ଚିବ । ଯେତେବେଳେ ଅଷ୍ଟ୍ରେଲିଆ ପାଇଁ ଅସୁବିଧା ବଢିବ । ଯଦି କଙ୍ଗାରୁ ଦଳ ମଧ୍ୟ ଚତୁର୍ଥ ମ୍ୟାଚ୍ ହାରିଯାଏ । ତେବେ ଦଳ 59.65 ପଏଣ୍ଟ ପାଇବ । ଶ୍ରୀଲଙ୍କା ବର୍ତ୍ତମାନ 53.33 ପ୍ରତିଶତ ପଏଣ୍ଟ ସହ ତୃତୀୟ ସ୍ଥାନରେ ରହିଛି । ଶ୍ରୀଲଙ୍କାକୁ ନିଜ ଘରେ କିୱି ଦଳ ବିପକ୍ଷରେ ଶେଷ ସିରିଜ୍ ଖେଳିବାକୁ ବାକି ଅଛି । ଯଦି ଶ୍ରୀଲଙ୍କା ଉଭୟ ମ୍ୟାଚରେ ନ୍ୟୁଜିଲାଣ୍ଡକୁ ପରାସ୍ତ କରେ । ତେବେ ଲଙ୍କା ଦଳ 61.11 ପଏଣ୍ଟ ପାଇବ ଏବଂ WTC ର ଫାଇନାଲରେ ପ୍ରବେଶ କରିବ ।

Published On February 20, 2023