ବିଜୟ ସହ ନୂଆବର୍ଷ ଆରମ୍ଭ କଲା ଟିମ ଇଣ୍ଡିଆ, ଶେଷ ବଲରେ ଶ୍ରୀଲଙ୍କାକୁ ଦେଲା ମାତ୍
ରୋମାଞ୍ଚକର ବିଜୟ ନୂଆବର୍ଷ ଆରମ୍ଭ କଲା ଟିମ ଇଣ୍ଡିଆ । ରବିବାର ଏଠାରେ ପ୍ରଥମ ଟି-୨୦ ମ୍ୟାଚରେ ଶ୍ରୀଲଙ୍କାକୁ ମାତ୍ର ୨ ରନରେ ଭାରତ ପରାସ୍ତ କରିଛି । ଅକ୍ଷର ପଟେଲ ବୋଲିଂ କରିଥିବା ଶେଷ ଓଭରରୁ ଶ୍ରୀଲଙ୍କା ୧୩ ରନ୍ ଆବଶ୍ୟକ କରୁଥିବା ବେଳେ ଅକ୍ଷର ୧୦ ରନ୍ ଦେଇଥିଲେ।
ମୁମ୍ବାଇ: ରୋମାଞ୍ଚକର ବିଜୟ ନୂଆବର୍ଷ ଆରମ୍ଭ କଲା ଟିମ ଇଣ୍ଡିଆ । ରବିବାର ଏଠାରେ ପ୍ରଥମ ଟି-୨୦ ମ୍ୟାଚରେ ଶ୍ରୀଲଙ୍କାକୁ ମାତ୍ର ୨ ରନରେ ଭାରତ ପରାସ୍ତ କରିଛି । ଅକ୍ଷର ପଟେଲ ବୋଲିଂ କରିଥିବା ଶେଷ ଓଭରରୁ ଶ୍ରୀଲଙ୍କା ୧୩ ରନ୍ ଆବଶ୍ୟକ କରୁଥିବା ବେଳେ ଅକ୍ଷର ୧୦ ରନ୍ ଦେଇଥିଲେ।
ଭାରତୀୟ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୫ ୱିକେଟ ହରାଇ ୧୬୨ ରନ୍ କରିଥିଲା। ୧୬୩ ରନର ବିଜୟ ଲକ୍ଷ୍ୟକୁ ପିଛା କରି ଶ୍ରୀଲଙ୍କା ଦଳ ନିର୍ଦ୍ଧାରିତ ଓଭରରେ ସମସ୍ତ ଓ୍ବିକେଟ ହରାଇ ୧୬୦ ରନ୍ କରିଥିଲା। ଯାହାଫଳରେ ଟିମ୍ ଇଣ୍ଡିଆ ବର୍ଷର ପ୍ରଥମ ମ୍ୟାଚରେ ବିଜୟୀ ହୋଇଛି । ଏହି ବିଜୟ ସହ ୩ ମ୍ୟାଚ୍ର ଶୃଙ୍ଖଳାରେ ଭାରତ ୧-୦ରେ ଆଗୁଆ ହୋଇଛି। ଗୁରୁବାର ୨ୟ ମ୍ୟାଚ୍ ଖେଳାଯିବ।
୧୬୩ ରନର ବିଜୟ ଲକ୍ଷ୍ୟକୁ ପିଛା କରି ଶ୍ରୀଲଙ୍କା ଦଳ ୧୬୦ ରନରେ ଅଲଆଉଟ୍ ହୋଇ ଯାଇଥିଲା। ଶ୍ରୀଲଙ୍କା ପକ୍ଷରୁ ଦାସୁନ ସନକା ୪୫ ରନ, କୁଶଲ ମେଣ୍ଡିସ ୨୮ରନ ଓ ଚମିକା କରୁଣାରତ୍ନେ ୨୩ରନ କରିଥିଲେ । ଭାରତ ପକ୍ଷରୁ ଶିବମ ମାଭି ୪ଟି, ଉମରାନ ମଲ୍ଲିକ ଓ ହର୍ସଲ ପଟେଲ ୨ଟି ଲେଖାଏଁ ଓ୍ବିକେଟ ନେଇଥିଲେ।
ଶେଷ ଓଭରରେ ଲଙ୍କା ଦଳକୁ ୧୩ ରନ୍ ଆବଶ୍ୟକ ଥିଲା। ବୋଲିଂ କରୁଥିଲେ ଅକ୍ସର ପଟେଲ । ଏହି ଓଭରର ୩ୟ ବଲରେ ଚମିକା କରୁଣାରତ୍ନେ ଛକା ମାରିଥିଲେ ହେଁ ପରବର୍ତ୍ତୀ ୩ଟି ବଲ୍ରୁ ୨ ରନ୍ ମିଳିଥିଲା ଓ ୨ ଜଣ ରନଆଉଟ୍ ହୋଇଥିଲେ। କରୁଣାରତ୍ନେ ୧୬ ବଲରୁ ୨୩ ରନରେ ଅପରାଜିତ ଥିଲେ।
ସେହିପରି ଟସ୍ ଜିତି ଶ୍ରୀଲଙ୍କା ବୋଲିଂ ନିଷ୍ପତ୍ତି ନେଇଥିଲା। ଈଶାନ୍ କିଷନ୍ ପ୍ରଥମ ଓଭରରେ ୧୭ ରନ୍ କରି ଇନିଂସ ଆରମ୍ଭ କରିଥିଲେ। ଟି-୨୦ ପଦାର୍ପଣ କରିଥିବା ଶୁବମନ ଗିଲ୍ ୫ ବଲ୍ରୁ ୭ ରନ୍କରି ଆଉଟ୍ ହୋଇ ଯାଇଥିଲେ। ୧୯ ରନ୍ ମଧ୍ୟରେ ଭାରତ ୩ଟି ୱିକେଟ ହରାଇଥିଲା। ୬ଷ୍ଠ ଓଭରରେ ଭାରତ ୩୮ ରନ୍ରେ ପହଞ୍ଚିବା ପରେ ବିଶ୍ବର ୧ନଂ ଟ୍ବେଣ୍ଟି୨୦ ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବଙ୍କ ୱିକେଟ ହରାଇଥିଲା। ସୂର୍ଯ୍ୟ ୭ ରନ୍ କରିଥିଲେ। ସଞ୍ଜୁ ସାମ୍ସନ (୫) ବଡ଼ ସଟ୍ ମାରିବା ପ୍ରୟାସରେ ୱିକେଟ ଫିଙ୍ଗିଥିଲେ। ୪୬ ରନ୍ରେ ୩ଟି ୱିକେଟ ହରାଇ ଭାରତ କଷ୍ଟସାଧ୍ୟ ସ୍ଥିତିରେ ଥିଲା ।
ଈଶାନ୍ କିଷନ୍ ଓ ଅଧିନାୟକ ହାର୍ଦିକ ପାଣ୍ଡ୍ୟା ଦ୍ରୁତ ୩୧ ରନ୍ ଯୋଡ଼ିଥିଲେ। କିଷନ୍ ୨୯ ବଲ୍ରୁ ୨ଟି ଛକା ଓ ୩ଟି ଚୌକା ସହ ୩୭ ରନ୍ କରିଥିଲେ। ହାର୍ଦିକ ପାଣ୍ଡ୍ୟା ୨୭ ବଲ୍ରୁ ୪ଟି ଚୌକା ସହ ୨୯ ରନ୍ କରିଥିଲେ। ୯୪ ରନ୍ରେ ଭାରତ ୫ଟି ୱିକେଟ ହରାଇବା ପରେ ଦୀପକ ହୁଡା ଓ ଅକ୍ଷର ପଟେଲ ଇନିଂସ ଶେଷ ପର୍ଯ୍ୟନ୍ତ ବ୍ୟାଟିଂକରି ଦଳକୁ ସମ୍ମାନଜନକ ସ୍କୋର୍ରେ ପହଞ୍ଚାଇଥିଲେ। ଦୁହେଁ ଅବିଭାଜିତ ୬ଷ୍ଠ ୱିକେଟ ପାଇଁ ୩୫ ବଲ୍ରୁ ୬୮ ରନ୍ ଯୋଡ଼ିଥିଲେ। ହୁଡା ୨୩ ବଲ୍ରୁ ୪ଟି ଛକା ଓ ଗୋଟିଏ ଚୌକା ସହ ୪୧ ଏବଂ ଅକ୍ସର ୨୦ ବଲ୍ରୁ ଗୋଟିଏ ଛକା ଓ ୩ଟି ଚୌକା ସହ ୩୧ ରନ୍କରି ଅପରାଜିତ ଥିଲେ। ଶ୍ରୀଲଙ୍କାର ସଫଳତମ ବୋଲର ଭାବେ ଲେଗ୍ସ୍ପିନର ୱାନିନ୍ଦୁ ହସରଙ୍ଗା ୨୨ ରନ୍ଦେଇ ଗୋଟିଏ ୱିକେଟ ନେଇଥିଲେ।
-
ପ୍ରକାଶ ପାଇଲା ଟି-୨୦ ରାଙ୍କିଙ୍ଗ୍ : ବିଶ୍ୱର ନମ୍ବର ୧ ବ୍ୟାଟ୍ସମ୍ୟା କିଏ ଜାଣନ୍ତୁ… -
୨୦୨୬ ଟି-୨୦ ବିଶ୍ୱକପ ପାଇଁ ଶ୍ରେଷ୍ଠ ଏକାଦଶ ଘୋଷଣା କଲା ICC, ୪ ଭାରତୀୟ ଖେଳାଳଙ୍କୁ ମିଳିଲା ସ୍ଥାନ -
ବିମାନ ଯାତ୍ରା ଉପରେ ବି ମଧ୍ୟପ୍ରାଚ୍ୟ ଯୁଦ୍ଧର ପ୍ରଭାବ, ଟିକେଟ ମୂଲ୍ୟ ବୃଦ୍ଧି କଲା ଏୟାର ଇଣ୍ଡିଆ -
କେନ୍ଦ୍ର ସରକାରଙ୍କୁ କଡ଼ା ନିର୍ଦ୍ଦେଶ, କୋଭିଡ ୧୯ ଭ୍ୟାକସିନ ଯୋଗୁଁ ଯେଉଁ ଜୀବନ ଯାଇଛି, ସେମାନଙ୍କୁ କ୍ଷତିପୂରଣ ମିଳୁ -
ଯୁଦ୍ଧ ଭିତରେ ଇରାନ ସହ କଥା ହେଲା ଭାରତ, ଜାଣନ୍ତୁ କଣ ହେଲା ଆଲୋଚନା -
ଇରାନ ଉପରେ ଆକ୍ରମଣ ନେଇ ଟ୍ରମ୍ପଙ୍କ ବଡ ବୟାନ, ଇସ୍ରାଏଲ ସହ ମିଶି ୪୬ ଜାହାଜ.... -
ହରିଶ ରାଣାଙ୍କୁ ମିଳିଲା ଇଚ୍ଛାମୃତ୍ୟୁ -
T-20 ବିଶ୍ବକପ୍ ଚାମ୍ପିଅନ୍ ଟିମ୍କୁ ୧୩୧ କୋଟିର ପୁରସ୍କାର ରାଶି ଘୋଷଣା କଲା BCCI -
ସଚିନ ତେନ୍ଦୁଲକରଙ୍କୁ ପଛରେ ପକାଇଇଲେ ନୂଆ ରେକର୍ଡ କଲେ ଜସପ୍ରିତ ବୁମରାହ -
ଆମେରିକା, ଇସ୍ରାଏଲ-ଇରାନ ଯୁଦ୍ଧ ସମୟରେ ଭାରତ ଯେଉଁ ଅତ୍ୟାବଶ୍ୟକୀୟ ସାମଗ୍ରୀ ଆଇନ ଲାଗୁ କରିଛି ଜାଣନ୍ତୁ ତାହା କ’ଣ? -
ଇରାନ ପାଇଁ ଆମେରିକା ଋଷ ମୁହାଁମୁହିଁ , ଋଷକୁ ବଡ ଚେତାବନୀ ଦେଲେ ଆମେରିକା -
ଅନ୍ତର୍ଜାତୀୟ ମହିଳା ଦିବସରେ ଆର୍ଟସ୍ ଅଫ୍ ଉଇଭିଂର ପ୍ରଥମ ସ୍ଥାପନା ଦିବସ ପାଳିତ
Click it and Unblock the Notifications
Sign in with Google