ଟି-20 ବିଶ୍ବକପ: ନୂଆ ଜର୍ସି ହେବ କି ଟିମ ଇଣ୍ଡିଆ ପାଇଁ ଲକି ?

ଭାରତୀୟ କ୍ରିକେଟ ଦଳ ଆଗାମୀ ଟି-20 ବିଶ୍ୱକପରେ ନୂଆ ଜର୍ସିରେ ଖେଳୁଥିବା ଦେଖିବାକୁ ମିଳିବ। ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ରବିବାର ଦିନ ନୂଆ ଜର୍ସିର ଫଟୋ ସୋସିଆଲ ମିଡିଆରେ ସେୟାର କରିଛି।

Updated: Monday, September 19, 2022, 12:52 [IST]

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳ ଆଗାମୀ ଟି-20 ବିଶ୍ୱକପରେ ନୂଆ ଜର୍ସିରେ ଖେଳୁଥିବା ଦେଖିବାକୁ ମିଳିବ। ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ରବିବାର ଦିନ ନୂଆ ଜର୍ସିର ଫଟୋ ସୋସିଆଲ ମିଡିଆରେ ସେୟାର କରିଛି। ଚଳିତ ବର୍ଷ 16 ଅକ୍ଟୋବରରୁ ଅଷ୍ଟ୍ରେଲିଆରେ ଟି-20 ବିଶ୍ୱକପ 2022 ଅନୁଷ୍ଠିତ ହେବ । ଭାରତୀୟ କ୍ରିକେଟ୍ ବୋର୍ଡ ଟି-20 ବିଶ୍ୱକପ ପାଇଁ 15 ଜଣିଆ ଦଳ ଘୋଷଣା କରି ସାରିଛି ।

ବିସିସିଆଇ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ନୂତନ କିଟ୍ ସହିତ ରୋହିତ ଶର୍ମା, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା ଏବଂ ମହିଳା କ୍ରିକେଟ୍ ଦଳର ଅଧିନାୟକ ହରମାନପ୍ରୀତ କୌର, ଶେଫାଳୀ ବର୍ମା ଏବଂ ରେଣୁକା ସିଂ ଫଟୋ ସେୟାର କରିଛି । ସମସ୍ତ ଖେଳାଳିଙ୍କୁ ଟିମ୍ ଇଣ୍ଡିଆର ନୂଆ ଜର୍ସିରେ ଦେଖିବାକୁ ମିଳୁଛି । ନୂତନ ଜାସିର ରଙ୍ଗ ନୀଳ । କାନ୍ଧରେ ଗହିରିଆ ନୀଳ ରଙ୍ଗ ରହିଛି । ବିସିସିଆଇ କ୍ୟାପସନ ଲେଖିଛି, 'ପ୍ରତ୍ୟେକ କ୍ରିକେଟ୍ ପ୍ରଶଂସକଙ୍କ ପାଇଁ ତଥା ଏହା ଆପଣଙ୍କ ପାଇଁ । ନୂତନ ଟି-20 ଜର୍ସିର ପରିଚୟ - ୱାନ ବ୍ଲୁ ଜର୍ସି ।

ଉଲ୍ଲେଖଥାଉ କି, ଭାରତୀୟ ଦଳ 23 ଅକ୍ଟୋବରରେ ପାକିସ୍ତାନ (ଭାରତ ବନାମ ପାକିସ୍ଥାନ) ବିପକ୍ଷ ବିଶ୍ୱକପରେ ନିଜର ଅଭିଯାନ ଆରମ୍ଭ କରିବ । ଟି-20 ବିଶ୍ୱକପରେ ଭାରତ ଏବଂ ପାକିସ୍ତାନ ଦଳକୁ ଗ୍ରୁପ୍-2 ରେ ସ୍ଥାନିତ କରାଯାଇଛି । ଏହି ଗୋଷ୍ଠୀର ଏହି ଦୁଇଟି ଦଳ ବ୍ୟତୀତ ଦକ୍ଷିଣ ଆଫ୍ରିକା ଏବଂ ବାଂଲାଦେଶ ଦଳ ଅଛନ୍ତି । ଏହା ବ୍ୟତୀତ ଅନ୍ୟ ଦୁଇଟି ଦଳ ମଧ୍ୟ ଏଥିରେ ସାମିଲ ହେବେ । ଯାହା ଲିଗ୍ ପର୍ଯ୍ୟାୟ ପରେ ଘୋଷଣା କରାଯିବ। ଟିମ୍ ଇଣ୍ଡିଆକୁ ମଧ୍ୟ ଟି-20 ବିଶ୍ୱକପରେ ଦୁଇଟି ଅଭ୍ୟାସ ମ୍ୟାଚ୍ ଖେଳିବାକୁ ପଡିବ ।

ଭାରତୀୟ ଦଳ: ରୋହିତ ଶର୍ମା (କ୍ୟାପଟେନ), କେଏଲ୍ ରାହୁଲ (ଭାଇସ୍-କ୍ୟାପଟେନ), ବିରାଟ କୋହଲି, ସୂର୍ଯ୍ୟକୁମାର ଯାଦବ, ଦୀପକ ହୁଡ୍ଡା, ଋଷଭ ପନ୍ତ (ୱିକେଟକିପର), ଦିନେଶ କାର୍ତ୍ତିକ (ୱିକେଟକିପର), ହାର୍ଦ୍ଦିକ ପାଣ୍ଡ୍ୟା, ଆର ଅଶ୍ୱିନ, ୟୁଜବେନ୍ଦ୍ର ଚହଲ, ଅକ୍ସର ପଟେଲ, ଜସପ୍ରୀତ ବୁମରା, ଭୁବନେଶ୍ୱର କୁମାର, ହର୍ଷଲ ପଟେଲ, ଅର୍ଶଦୀପ ସିଂ ।