ଟି-୨୦ ବିଶ୍ୱକପ: ମିଲର-ମାକ୍ରମ ଦକ୍ଷିଣ ଆଫ୍ରିକାକୁ ଦେଲେ ବିଜୟ, ହାରିଲା ଭାରତ

5 ୱିକେଟରେ ଜିତିଲା ଦକ୍ଷିଣ ଆଫ୍ରିକା । ମିଲର-ମାକ୍ରମ ଦେଲେ ଦଳକୁ ବିଜୟ । ଦକ୍ଷିଣ ଆଫ୍ରିକାର ଏହି ବିଜୟ ସହ ଦଳ ଏବେ ଗ୍ରୁପ-2 ପଏଣ୍ଟ ଟେବୁଲରେ ଭାରତକୁ ଧକ୍କା ଦେଇ ଶୀର୍ଷରେ ବସିଲା ।

Updated: Sunday, October 30, 2022, 20:27 [IST]

ପର୍ଥ: ପ୍ରଥମେ ଭାରତୀୟ ବ୍ୟାଟରଙ୍କୁ ଘାଇଲା କଲେ ଦକ୍ଷିଣ ଆଫ୍ରିକା ବୋଲର । ପରେ ସହଜ ବିଜୟ ଲକ୍ଷ୍ୟକୁ ଅତି ସହଜରେ ହାସଲ କଲା ପ୍ରୋଟିୟସ୍ ଦଳ । 5 ୱିକେଟରେ ଜିତିଲା ଦକ୍ଷିଣ ଆଫ୍ରିକା । ମିଲର-ମାକ୍ରମ ଦେଲେ ଦଳକୁ ବିଜୟ । ଦକ୍ଷିଣ ଆଫ୍ରିକାର ଏହି ବିଜୟ ସହ ଦଳ ଏବେ ଗ୍ରୁପ-2 ପଏଣ୍ଟ ଟେବୁଲରେ ଭାରତକୁ ଧକ୍କା ଦେଇ ଶୀର୍ଷରେ ବସିଲା ।

ଆଜି ମ୍ୟାଚରେ ପ୍ରଥମ ବ୍ୟାଟିଂ କରି ଭାରତ 9 ୱିକେଟ୍ ପାଇଁ 133 ରନ୍ ସଂଗ୍ରହ କରିଥିଲା। ସୂର୍ଯ୍ୟକୁମାର ଯାଦବ 68 ରନ ସ୍କୋର କରିଥିଲେ। ଏହାର ଉତ୍ତରରେ ଦକ୍ଷିଣ ଆଫ୍ରିକା 24 ରନ୍ ପାଇଁ 3 ୱିକେଟ୍ ହରାଇ ସାରିଥିଲା। କିନ୍ତୁ ଆଡେନ ମାର୍କ୍ରାମ ସର୍ବୋତ୍ତମ ଇନିଂସ ଖେଳି ଦଳକୁ ବିଜୟ ପ୍ରଦାନ କରିଥିଲେ। ସେ 41 ବଲରୁ 52 ରନ୍ ସଂଗ୍ରହ କରିଥିଲେ। ଡେଭିଡ ମିଲର 56 ରେ ଅପରାଜିତ ରହିଥିଲେ। ଏହା ସହ ପାକିସ୍ତାନ ଦଳରୁ ସେମିଫାଇନାଲରେ ପ୍ରବେଶ କରିବାର ରାସ୍ତା ଅଧିକ କଷ୍ଟସାଧ୍ୟ ହୋଇପଡିଛି।

ସେମିଫାଇନାଲ ଦୌଡରେ ରହିବାକୁ ହେଲେ ପାକିସ୍ତାନକୁ ଯେକୌଣସି ମୂଲ୍ୟରେ ଜିତିବାକୁ ପଡିବ । ଅନ୍ୟପକ୍ଷରେ, ଯଦି ଆଫ୍ରିକା ଦଳ ଶେଷ ମ୍ୟାଚ୍ ଜିତେ । ତେବେ ଏହା 7 ପଏଣ୍ଟ ପାଇବ । ସେ ବର୍ତ୍ତମାନ 3ଟି ମ୍ୟାଚରେ 5 ପଏଣ୍ଟ ପାଇଛି । ପାକିସ୍ତାନର ଦଳ ମାତ୍ର ଦୁଇ ପଏଣ୍ଟ ପାଇଛି । ଏଥି ସହିତ ଭାରତକୁ ବାଂଲାଦେଶ ଏବଂ ଜିମ୍ବାୱେ ବିପକ୍ଷରେ ମ୍ୟାଚ ଖେଳିବାରେ ରହିଛି । ଯଦି ସେ ଉଭୟ ମ୍ୟାଚ୍ ଜିତନ୍ତି ତେବେ ତାଙ୍କୁ 8 ପଏଣ୍ଟ ମିଳିବ । ଏଭଳି ପରିସ୍ଥିତିରେ ପାକିସ୍ତାନକୁ ଶେଷ 4 ରେସରେ ରହିବାକୁ ପ୍ରାର୍ଥନା କରିବାକୁ ପଡିବ, ଭାରତ ଅତି କମରେ ଗୋଟିଏ ମ୍ୟାଚ୍ ହାରିବାକୁ ପଡିବ ।

ଭାରତ ପକ୍ଷରୁ ଓପନ କରିବାକୁ ଆସିଥିବା ଅଧିନାୟକ ରୋହିତ ଶର୍ମା ଓ କେଏଲ ରାହୁଲ ଦଳକୁ ଭଲ ଆରମ୍ଭ ଦେଇପାରି ନଥିଲେ । ରାହୁଲଙ୍କ ଖରାପ ଫର୍ମ ଜାରି ରହିଥିଲା । ସେ ମାତ୍ର 9 ରନ ସ୍କୋର କରିବା ପରେ ଆଉଟ୍ ହୋଇଥିଲେ । ସେହିପରି ଓପନର ରୋହିତ ମଧ୍ଯ ବଡ ସ୍କୋର କରିବାରେ ବିଫଳ ହୋଇଥିଲେ । ଗତ ଦୁଇଟି ମ୍ୟାଚରେ ବିଜୟୀ ପାଳି ଖେଳିଥିବା ବିରାଟ୍ କୋହଲି ମାତ୍ର 12 ରନ କରିପାରିଛନ୍ତି । ତେବେ ଭାରତୀୟ ଇଂନିସକୁ ଆଜି ଦେବଦୂତ ସାଜି ବଞ୍ଚାଇଥିଲେ ମଧ୍ୟକ୍ରମ ବ୍ୟାଟ୍ସ ମ୍ୟାନ ସୂର୍ଯ୍ୟକୁମାର ଯାଦବ । ସୂର୍ଯ୍ୟା 40 ବଲରୁ 68 ରନର ପାଳି ଖେଳିଛନ୍ତି । ତାଙ୍କ ପରେ ବ୍ୟାଟିଂ କରିବାକୁ ପଡିଆକୁ ଆସିଥିବା କୌଣସି ଖେଳାଳି ଦୁଇ ଅଙ୍କ ଛୁଇଁ ପାରି ନାହାନ୍ତି ।

ଦକ୍ଷିଣ ଆଫ୍ରିକା ପକ୍ଷରୁ ଲୁଙ୍ଗି ଏନଙ୍ଗିଡି ସର୍ବାଧିକ 4ଟି ୱିକେଟ ନେଇଥିବାରୁ ତାଙ୍କୁ ମ୍ୟାନ ଅଫ ଦ ମ୍ୟାଚ୍ ପ୍ରଦାନ କରାଯାଇଛି । ସେହିପରି ୱାନେ ପାର୍ନୱେଲ 3ଟି ଓ ଆରନ୍ଚି ନୋର୍ତଜେ ଗୋଟିଏ ୱିକେଟ୍ ନେଇଛନ୍ତି ।