ଟି-୨୦ ବିଶ୍ୱକପ: ଟସ୍ ଜିତିଲା ଭାରତ, ପ୍ରଥମେ ବ୍ୟାଟିଂ କରିବ ପାକିସ୍ତାନ
ଆରମ୍ଭ ହେଲା ଚଳିତ ଟି-୨୦ ବିଶ୍ୱକପର ବହୁ ପ୍ରତୀକ୍ଷିତ ମ୍ୟାଚ ଭାରତ ବନାମ ପାକିସ୍ତାନ ମହା ମୁକାବିଲା । ଐତିହାସିକ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡ (ଏମସିଜି)ରେ ଖେଳାଉଛି ଏହି ମ୍ୟାଚ ।
ମେଲବୋର୍ଣ୍ଣ: ଆରମ୍ଭ ହେଲା ଚଳିତ ଟି-୨୦ ବିଶ୍ୱକପର ବହୁ ପ୍ରତୀକ୍ଷିତ ମ୍ୟାଚ ଭାରତ ବନାମ ପାକିସ୍ତାନ ମହା ମୁକାବିଲା । ଐତିହାସିକ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡ (ଏମସିଜି)ରେ ଖେଳାଉଛି ଏହି ମ୍ୟାଚ । ତେବେ ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ଭାରତୀୟ ଅଧିନାୟକ ରୋହିତ ଶର୍ମା । ଫଳରେ ପ୍ରଥମେ ବ୍ୟାଟିଂ କରିବ ପାତିସ୍ତାନ । ଅପରାହ୍ଣ ସାଢ଼େ ଗୋଟାଏରେ ଆରମ୍ଭ ହେବ ମ୍ୟାଚ ।
ଟସ୍ ଜିତିବା ପରେ ଅଧିନାୟକ ରୋହିତ ଶର୍ମା କହିଛନ୍ତି ଯେ, ଆମେ ପ୍ରଥମେ ଫିଲ୍ଡିଂ କରିବୁ । ଏହା ଏକ ଭଲ ପିଚ୍ । ବଲ ସୁଇଙ୍ଗ ହେବାର ସମ୍ଭାବନା ଅଧିକ ରହିଛି । ଆମର ପ୍ରସ୍ତୁତି ଭଲ ହୋଇଛି । ବ୍ରିସବେନରେ ଆମେ ଦୁଇଟି ଅଭ୍ୟାସ ମ୍ୟାଚ ଖେଳିଥିଲୁ । ଆଜି ମ୍ୟାଚ ପାଇଁ ଆମର ସାତଜଣ ବ୍ୟାଟ୍ସମ୍ୟାନ୍, ତିନୋଟି ସିମର୍ ଏବଂ ଦୁଇ ଜଣ ସ୍ପିନର ଅଛନ୍ତି ।
- ଭାରତୀୟ ଏକାଦଶ: ରୋହିତ ଶର୍ମା, କେଏଲ୍ ରାହୁଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ଦିନେଶ କାର୍ତ୍ତିକ, ଅକ୍ଷର ପଟେଲ, ରବିଚନ୍ଦ୍ରନ ଅଶ୍ୱୀନି, ଭୁବନେଶ୍ବର କୁମାର, ମହମ୍ମଦ ସାମି, ଅର୍ଶଦୀପ ସିଂହ ।
- ପାକିସ୍ତାନ ଏକାଦଶ: ମହମ୍ମଦ ରିଜୱାନ୍, ବାବର ଆଜମ୍, ଶାନ ମସୁଦ୍, ହାଇଦର ଅଲ୍ଲୀ, ମହମ୍ମଦ ନୱାଜ୍, ସଦାବ୍ ଖାନ୍, ଇଫ୍ତିକାର ଅହମ୍ମଦ, ଆସିଫ ଅଲ୍ଲୀ, ସାହିନ୍ ଆଫ୍ରିଦି, ନସିମ୍ ଶାହ, ହାରିସ୍ ରୌଫ୍।
Click it and Unblock the Notifications
Sign in with Google