ଟି-20 ବିଶ୍ୱକପ: ବିରାଟଙ୍କ ବିରୋଧରେ ‘ଫେକ ଫିଲ୍ଡିଂ’ର ଅଭିଯୋଗ, ସତ କଣ ? ଦେଖନ୍ତୁ ଭିଡିଓ...

ବାଂଲାଦେଶ ବିପକ୍ଷ ମ୍ୟାଚରେ ଭାଗ୍ୟ ଟିମ୍ ଇଣ୍ଡିଆ ସାଥ୍ ଦେଇଥିଲା । ଗ୍ରୁପ୍-2 ରେ ଚଳିତ ଆଇସିସି ଟି-20 ବିଶ୍ୱକପରେ ଭାରତ ବନାମ ବାଂଲାଦେଶ ମ୍ୟାଚ୍ ଆଡିଲେଡ୍ ଓଭାଲ୍ ଗ୍ରାଉଣ୍ଡରେ ଖେଳା ଯାଇଥିଲା ।

Published: Thursday, November 3, 2022, 20:30 [IST]

ଆଡିଲେଡ: ବାଂଲାଦେଶ ବିପକ୍ଷ ମ୍ୟାଚରେ ଭାଗ୍ୟ ଟିମ୍ ଇଣ୍ଡିଆ ସାଥ୍ ଦେଇଥିଲା । ଗ୍ରୁପ୍-2 ରେ ଚଳିତ ଆଇସିସି ଟି-20 ବିଶ୍ୱକପରେ ଭାରତ ବନାମ ବାଂଲାଦେଶ ମ୍ୟାଚ୍ ଆଡିଲେଡ୍ ଓଭାଲ୍ ଗ୍ରାଉଣ୍ଡରେ ଖେଳା ଯାଇଥିଲା । ଏହି ମ୍ୟାଚରେ ନୋବଲ୍ ବିବାଦ, ବର୍ଷା ପରେ ମ୍ୟାଚ୍ ଆରମ୍ଭକୁ ନେଇ ବିବାଦ, ନକଲି ଫିଲ୍ଡିଂ (ଫେକ୍ ଫିଲ୍ଡିଂ) ବିବାଦ ମଧ୍ୟ ଦେଖିବାକୁ ମିଳିଥିଲା ।

ତେବେ ବିରାଟଙ୍କ ବିରୋଧରେ 'ଫେକ୍‌ ଫିଲ୍ଡିଂ ବା ହାତରେ ବଲ ନଥାଇ ବ୍ୟାଟରଙ୍କୁ ଚମକାଇବା କିମ୍ବା ଧ୍ୟାନଚ୍ୟୁତ' କରିଥିବା ଅଭିଯୋଗ ଆସିଛି । ବାଂଲାଦେଶର ୱିକେଟ କିପର ବ୍ୟାଟର ନୁରୁଲ ହାସନ ଏପରି ଅଭିଯୋଗ ଆଣିଛନ୍ତି । ବିରାଟ ଫେକ ଫିଲ୍ଡିଂ କରିଥିଲେ ହେଁ ଏହାକୁ ଅମ୍ପାୟାର ଦେଖି ପାରି ନଥିଲେ। ଯଦି ଅମ୍ପାୟାର ଦେଖି ଥାଆନ୍ତେ, ତା'ହେଲେ ବାଂଲାଦେଶକୁ ପେନାଲ୍ଟି ଆକାରରେ ୫ ରନ ମିଳି ଥାଆନ୍ତା । ଏହି 5 ରନ ହିଁ ଶେଷରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଥାଆନ୍ତା ବୋଲି ନୁରୁଲ କହିଛନ୍ତି । ଡକୱର୍ଥ-ଲୁଇସ୍ ପଦ୍ଧତି ଅନୁଯାୟୀ ଟିମ୍ ଇଣ୍ଡିଆ ଏହି ମ୍ୟାଚ୍କୁ ପାଞ୍ଚ ରନରେ ଜିତିଥିଲା ଏବଂ ଯଦି ପାଞ୍ଚ ରନ୍ ପେନାଲ୍ଟି ହୋଇଥାନ୍ତା ତେବେ ମ୍ୟାଚର ଫଳାଫଳ ଭିନ୍ନ ହୋଇଥାନ୍ତା ବୋଲି ନୁରୁଲ କହିଛନ୍ତି ।

Law 41.5.1 states: “It is unfair for any fielder wilfully to attempt, by word or action, to distract, deceive or obstruct either batsman after the striker has received the ball,”

5 runs should have been awarded to Bangladesh here pic.twitter.com/t1a6Q0femn
— Kaushik Jegadeesan (@kaushik0803) November 2, 2022

ବାଂଲାଦେଶ ଇନିଂସର ୭ମ ଓଭରରେ ଘଟିଛି ଘଟଣା । ସାମ୍ନାକୁ ଆସିଥିବା ଭିଡିଓରେ ଦେଖିବାକୁ ମିଳୁଛି ଯେ ଅର୍ଶଦୀପ ସିଂହ ବାଉଣ୍ଡରୀ ପାଖରୁ ବଲ ଫିଙ୍ଗୁଛନ୍ତି । ହେଲେ ବିରାଟ ଏମିତି ଏକ ଆକ୍ସନ କରିଥିଲେ ଯେ ସେଥିରୁ ଅନୁମାନ ହେଉଥିଲା ଯେ ସେ ବଲକୁ ନନ ଷ୍ଟ୍ରାଇକର ଏଣ୍ଡକୁ ଫିଙ୍ଗୁଛନ୍ତି। ବାସ୍ତବରେ ସେହି ସମୟରେ ତାଙ୍କ ହାତରେ ବଲ ନଥିଲା । ଅର୍ଶଦୀପ ହିଁ ୱିକେଟ କିପରଙ୍କୁ ବଲ ଫିଙ୍ଗିଥିଲେ । ବିରାଟଙ୍କ ଏପରି ଆଚରଣକୁ ନୁରୁଲ ଫେକ ଫିଲ୍ଡିଂ ବୋଲି ଦାବି କରିଛନ୍ତି ।

ଆଇସିସି ନିୟମ କ'ଣ କହୁଛି ?

ଆଇସିସି ନିୟମ 41.5.1 ଅନୁଯାୟୀ ଯଦି ଜଣେ ଫିଲ୍ଡର ଉଦ୍ଦେଶ୍ୟମୂଳକ ଭାବରେ ଜଣେ ବ୍ୟାଟ୍ସମ୍ୟାନଙ୍କୁ ତାଙ୍କ ଅଙ୍ଗଭଙ୍ଗୀ କିମ୍ବା କାର୍ଯ୍ୟ ଦ୍ୱାରା ବିଭ୍ରାନ୍ତ କରିବାକୁ ଚେଷ୍ଟା କରେ । ତେବେ ଏହା ଭୁଲ ଅଟେ ।

କ୍ରିକେଟରେ ନକଲି ଫିଲ୍ଡିଂ ପାଇଁ ଦଣ୍ଡ କ'ଣ ?

ନକଲି ଫିଲ୍ଡିଂ ପାଇଁ ବୋଲିଂ ଦଳ ମଧ୍ୟ ଦଣ୍ଡ ପାଇଥାଏ । ନିୟମ 41.5.6 ଅନୁଯାୟୀ ବୋଲିଂ ଏଣ୍ଡ ଅମ୍ପାୟାର ବ୍ୟାଟିଂ ଦଳକୁ 5 ରନ୍ ପେନାଲ୍ଟି ପୁରସ୍କାର ଘୋଷଣା କରିବେ । ଏହା ସହିତ ସେହି ବଲରେ ସ୍କୋର ହୋଇଥିବା ରନ୍ ମଧ୍ୟ ବ୍ୟାଟିଂ ଦଳକୁ ଦିଆଯିବ। ଏହା ବ୍ୟତୀତ ବ୍ୟାଟ୍ସମ୍ୟାନ୍ ପରବର୍ତ୍ତୀ ବଲ୍ କିଏ ଖେଳିବେ ତାହା ବାଛିବେ।

Published On November 3, 2022