T20 World Cup 2024: ଟି-୨୦ ବିଶ୍ଵକପ ସେମିରେ ଭାରତ ବନାମ ଇଂଲଣ୍ଡ ! ମ୍ୟାଚ୍ ବାତିଲ ହେଲେ ସିଧା ଫାଇନାଲ ଖେଳିବ ଭାରତ

Updated: Monday, June 24, 2024, 11:34 [IST]

ସେମୀରେ ଇଂଲଣ୍ଡକୁ ଭେଟିବ ଭାରତ ! ଟି-୨୦ ବିଶ୍ଵକପ ୨୦୨୪ ସେମି ଫାଇନାଲରେ ଇଂଲଣ୍ଡକୁ ଭେଟିବ ଭାରତ । ୨୭ ତାରିଖ ଦ୍ଵିତୀୟ ସେମି ଫାଇନାଲରେ ଦୁଇ ଦେଶ ମଧ୍ୟରେ କଡା ମୁକାବିଲା ଦେଖିବାକୁ ମିଳିପାରେ ।

ଆଜି ସାଉଥ୍ ଆଫ୍ରିକା ୱେଷ୍ଟଇଣ୍ଡିଜ ବିପକ୍ଷରେ ବିଜୟ ହାସଲ କରି ଗ୍ରୁପ୍ ଶୀର୍ଷରେ ଅଛି । ଇଂଲଣ୍ଡ ଦ୍ଵିତୀୟ ସ୍ଥାନରେ ରହିଥିବାରୁ ଅପର ଗ୍ରୁପର ଶ୍ରେଷ୍ଠ ଦଳକୁ ଭେଟିବ ।

ଭାରତ ଗ୍ରୁପ୍ ଟପରେ ଥିବା ବେଳେ ଆଜିର ଭାରତ ବନାମ ଅଷ୍ଟ୍ରେଲିଆ ମ୍ୟାଚ୍ ନିର୍ଣ୍ଣାୟକ ହେବ । ଭାରତର ରନ୍ ରେଟ୍ ଅଷ୍ଟ୍ରେଲିଆ ଠାରୁ ବହୁ ଅଧିକ ଥିବା ବେଳେ ଅଷ୍ଟ୍ରେଲିଆକୁ ଗ୍ରୁପ୍ ଟପ୍ପର ହେବା ପାଇଁ ୪୧ ରନରେ ଜିତିବାକୁ ପଡିବ, ନଚେତ୍ ପଛରେ ବ୍ୟାଟିଂ କଲେନ୍ ୧୪ ଓଭରରେ ଜିତିବାକୁ ପଡ଼ିବ ।

ସେହିପରି ଯଦି ଅଷ୍ଟ୍ରେଲିଆ ଭାରତକୁ ହରାଇ ଗ୍ରୁପ୍ ଟପ୍ପର ହୁଏ , ଆଫଗାନିସ୍ତାନକୁ ସେମି ଖେଳିବା ପାଇଁ ୮୧ ରନରେ ଜିତିବାକୁ ପଡ଼ିବ ।

ସେମୀରେ ଇଂଲଣ୍ଡ

ଟି-୨୦ ବିଶ୍ୱକପ 2024 ର ସୁପର -8 ରାଉଣ୍ଡର ଗ୍ରୁପ୍ 2 ରେ ଦକ୍ଷିଣ ଆଫ୍ରିକା ୱେଷ୍ଟଇଣ୍ଡିଜ୍ ସହିତ ମୁହାଁମୁହିଁ ହୋଇଥିଲା । ଏହି ନକ୍ଆଉଟ୍ ମ୍ୟାଚ୍ ଆଣ୍ଟିଗୁଆର ସାର୍ ଭିଭିଆନ୍ ରିଚାର୍ଡସ୍ ଷ୍ଟାଡିୟମରେ ଖେଳାଯାଇଥିଲା । ଦକ୍ଷିଣ ଆଫ୍ରିକା ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ୍ 20 ଓଭରରେ ଆଠଟି ୱିକେଟ୍ ହରାଇବା ପରେ 135 ରନ୍ ସଂଗ୍ରହ କରିଥିଲା। ତଥାପି, ଡକୱର୍ଥ-ଲୁଇସ୍ ନିୟମ ଅନୁଯାୟୀ, ଆଫ୍ରିକା 17 ଓଭରରେ 123 ରନ୍ ସଂଗ୍ରହ କରିଥିଲା, ଯାହା 16.1 ଓଭରରେ ସାତୋଟି ୱିକେଟ୍ ହରାଇ ହାସଲ କରିଥିଲା।

୨୦୨୩ ବିଶ୍ଵକପ ଫାଇନାଲର ବଦଲା ନେବ ଭାରତ

ପ୍ରତିଶୋଧ ନେବ ଭାରତ । ୨୦୨୩ ବିଶ୍ଵକପ ଫାଇନାଲର ବଦଲା ନେବ ଭାରତ । ୭ମାସ ତଳେ ଭାରତକୁ ଦିନିକିଆ ବିଶ୍ୱକପ ଜିତିବାରୁ ଅଟକାଇ ଟ୍ରଫି ଛଡାଇ ନେଇଥିଲା କଙ୍ଗାରୁ ଦଳ । ଆଉ ଫାଇନାଲରେ ଭାରତକୁ ପରାସ୍ତ କରି ବିଶ୍ୱ ଚାମ୍ପିୟନ ହୋଇଥିଲା। ଏବେ ଚଳିତ ଟି୨୦ ବିଶ୍ୱକପର ସେମିଫାଇନାଲରୁ ଅଷ୍ଟ୍ରେଲିଆକୁ ରୋକିବା ସହ ପ୍ରତିଶୋଧ ନେବାର ସୁଯୋଗ ଭାରତୀୟ ଦଳ ପାଖରେ ରହିଛି।