ଟି-20 ବିଶ୍ୱକପ, 2ୟ ସେମିଫାଇନାଲ: ଟସ ହାରିଲା ପାକିସ୍ତାନ, ବ୍ୟାଟିଂରେ ଦମଦାର ଆରମ୍ଭ

ମ୍ୟାଚରେ ଟସ ହାରି ପ୍ରଥମେ ବ୍ୟାଟିଂ କରୁଛି ବାବର ଆଜାମଙ୍କ ପାକ୍ ଦଳ । ଆରମ୍ଭରୁ ଦମଦାର ଇନିଂସ ଖେଳିଛନ୍ତି ଅଧିନାୟକ ବାବର ଓ ୱିକେଟକିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନ ।

ଦୁବାଇ: ପାକିସ୍ତାନ ବନାମ ଅଷ୍ଟ୍ରେଲିଆ ଟି-20 ବିଶ୍ୱକପ-2021 ସେମିଫାଇନାଲ ଆଜି ଦୁବାଇ ଗ୍ରାଉଣ୍ଡରେ ଖେଳାଯାଉଛି । ତେବେ ମ୍ୟାଚରେ ଟସ ହାରି ପ୍ରଥମେ ବ୍ୟାଟିଂ କରୁଛି ବାବର ଆଜାମଙ୍କ ପାକ୍ ଦଳ । ଆରମ୍ଭରୁ ଦମଦାର ଇନିଂସ ଖେଳିଛନ୍ତି ଅଧିନାୟକ ବାବର ଓ ୱିକେଟକିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନ । 4 ଓଭର ଖେଳ ଶେଷ ସୁଦ୍ଧା ପାକ୍ ଦଳ ଗୋଟିଏ ବି ୱିକେଟ ହରାଇ ନାହିଁ ଏବଂ ଖାତାରେ 29 ରନ ଯୋଡି ସାରିଛି ।

ଅଷ୍ଟ୍ରେଲୀୟ ଅଧିନାୟକ ଆରୋନ ଫିଞ୍ଚ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଟି-20 ବିଶ୍ୱକପ 2016 ର ପ୍ରଥମ ରାଉଣ୍ଡରେ ଆଉଟ୍ ହେବା ପରେ ପାକିସ୍ତାନ ଏଥର ଚମତ୍କାର ପ୍ରଦର୍ଶନ କରିଛି। 2009 ଚାମ୍ପିଅନ୍ ପାକିସ୍ତାନ ହେଉଛି ବର୍ତ୍ତମାନର ଟୁର୍ଣ୍ଣାମେଣ୍ଟରେ ଏକମାତ୍ର ଦଳ, ଯିଏକି ଏପର୍ଯ୍ୟନ୍ତ ପରାଜୟର ସମ୍ମୁଖୀନ ହୋଇନାହାଁନ୍ତି ।

ପାକିସ୍ତାନ ଏକାଦଶ: ବାବର ଆଜାମ (କ୍ୟାପଟେନ), ମହମ୍ମଦ ରିଜୱାନ (ୱିକେଟ୍ ରକ୍ଷକ), ଫଖର ଜମାନ, ମହମ୍ମଦ ହାଫିଜ, ଶୋଏବ ମଲିକ, ଆସିଫ ଅଲି, ଇମାଦ ୱାସିମ, ଶାଦବ ଖାନ, ହାସନ ଅଲି, ହାରିସ ରାଉଫ ଏବଂ ଶାହିନ ଶାହ ଆଫ୍ରିଦି ।

ଅଷ୍ଟ୍ରେଲିଆ ଏକାଦଶ: ଆରୋନ ଫିଞ୍ଚ (କ୍ୟାପଟେନ), ଡେଭିଡ ୱାର୍ନର, ମିଚେଲ ମାର୍ଶ, ଗ୍ଲେନ ମ୍ୟାକ୍ସୱେଲ, ଷ୍ଟିଭ ସ୍ମିଥ, ମାଥ୍ୟୁ ୱେଡ (ୱିକେଟକିପର), ମାର୍କସ ଷ୍ଟୋଇନିସ, ଆଡାମ ଜାମ୍ପା, ପ୍ୟାଟ କମିନ୍ସ, ମିଚେଲ ଷ୍ଟାର୍କ, ଜୋଶ ହାଜଲେଉଡ୍ ।

English summary

T20 World Cup 2021: Australia won the toss, Pakistan batting first