ଟି-20 ବିଶ୍ୱକପ, ପ୍ରଥମ ସେମିଫାଇନାଲ: ଆରମ୍ଭରୁ ଇଂଲଣ୍ଡକୁ ଦୁଇଟି ଝଟକା
ଆବୁଧାବି ଶେଖ ଜାଏଦ ଷ୍ଟାଡିୟମରେ ଇଂଲଣ୍ଡ ବନାମ ନ୍ୟୁଜିଲାଣ୍ଡ ଟି-20 ବିଶ୍ୱକପ 2021 ପ୍ରଥମ ସେମିଫାଇନାଲ ଖେଳାଯାଉଛି। ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।
ଆବୁଧାବି: ସ୍ଥାନୀୟ ଶେଖ ଜାଏଦ ଷ୍ଟାଡିୟମରେ ଇଂଲଣ୍ଡ ବନାମ ନ୍ୟୁଜିଲାଣ୍ଡ ଟି-20 ବିଶ୍ୱକପ 2021 ପ୍ରଥମ ସେମିଫାଇନାଲ ଖେଳାଯାଉଛି। ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଇଂଲଣ୍ଡ ଦଳ ପ୍ରଥମେ ବ୍ୟାଟିଂ କରୁଛି । ରିପୋର୍ଟ ଲେଖାଯିବା ସୁଦ୍ଧା ଇଂଲଣ୍ଡ ଦଳ 10 ଓଭରେ ଦୁଇ ୱିକେଟ ହରାଇ 67 ରନ କରିଛି ।
ଇଂଲଣ୍ଡ ଏବଂ ନ୍ୟୁଜିଲାଣ୍ଡ ଉଭୟ ସେମିଫାଇନାଲରେ ଯୋଗ୍ୟତା ଅର୍ଜନ କରିବା ପୂର୍ବରୁ 5ଟି ମ୍ୟାଚ ମଧ୍ୟରୁ 4 ଟି ଜିତିଥିଲେ। ଇଂଲଣ୍ଡ ଅଷ୍ଟ୍ରେଲିଆ, ୱେଷ୍ଟଇଣ୍ଡିଜ୍, ଶ୍ରୀଲଙ୍କା ଏବଂ ବାଂଲାଦେଶକୁ ପରାସ୍ତ କରିଥିଲା କିନ୍ତୁ ଶେଷ ଲିଗ୍ ମ୍ୟାଚ୍ ଦକ୍ଷିଣ ଆଫ୍ରିକାଠାରୁ ପରାସ୍ତ ହୋଇଥିଲା । ଏଥି ସହିତ କେନ୍ ୱିଲିୟମସନଙ୍କ ଦଳ ନ୍ୟୁଜିଲାଣ୍ଡ କ୍ରମାଗତ ଚାରିଟି ବିଜୟ ପଞ୍ଜିକରଣ କରି ଟୁର୍ଣ୍ଣାମେଣ୍ଟର ପ୍ରଥମ ସେମିଫାଇନାଲ ଖେଳୁଛି । ଲିଗ୍ ପର୍ଯ୍ୟାୟରେ ନ୍ୟୁଜିଲାଣ୍ଡ ଭାରତ, ଆଫଗାନିସ୍ତାନ, ସ୍କଟଲ୍ୟାଣ୍ଡ ଏବଂ ନାମିବିଆକୁ ପରାସ୍ତ କରିଛି।
- ଇଂଲଣ୍ଡ ଏକାଦଶ: ଜୋସ୍ ବଟଲର (ୱିକେଟକିପର), ଜନି ବେୟାରଷ୍ଟୋ, ଡେଭିଡ ମାଲାନ, ମୋଇନ ଅଲି, ଇଏନ ମୋର୍ଗାନ (ଅଧନାୟକ), ସାମ୍ ବିଲିଙ୍ଗସ୍, ଲିଆମ୍ ଲିଭିଙ୍ଗଷ୍ଟୋନ୍, କ୍ରିସ୍ ୱୁକସ୍, କ୍ରିସ୍ ଜୋର୍ଡାନ, ମାର୍କ ଉଡ, ଆଦିଲ ରସିଦ ।
- ନ୍ୟୁଜିଲାଣ୍ଡ ଏକାଦଶ: ମାର୍ଟିନ ଗପ୍ଟିଲ, ଡାରିଲ ମିଚେଲ, କେନ ୱିଲିୟମସନ (ଅଧିନାୟକ), ଡିଭନ କନୱେ (ୱିକେଟକିପର), ଗ୍ଲେନ ଫିଲିପ୍ସ, ଜେମ୍ସ ନେଶାମ, ମିଚେଲ ସାଣ୍ଟନର୍, ଆଡାମ ମିଲନେ, ଟିମ ସାଉଦି, ଇଶ ସୋଦି, ଟ୍ରେଣ୍ଟ ବୋଲ୍ଟ ।
Click it and Unblock the Notifications
Sign in with Google