ଟି - ୨୦ ବିଶ୍ବକପରେ ପାକିସ୍ତାନର ଅଂଶଗ୍ରହଣ ନେଇ ସସ୍ପେନ୍ସ ଜାରି, ସୋମବାର ସୁଦ୍ଧା ଚୂଡ଼ାନ୍ତ ନିଷ୍ପତ୍ତି ଜଣାଇବ ପାକିସ୍ତାନ
୨୦୨୬ ଟି୨୦ ବିଶ୍ୱକପ୍ ଫେବୃଆରୀ ୭ ତାରିଖରେ ଆରମ୍ଭ ହେବାକୁ ଯାଉଛି । ତଥାପି, ଟୁର୍ଣ୍ଣାମେଣ୍ଟ ଆରମ୍ଭ ହେବା ପୂର୍ବରୁ ପାକିସ୍ତାନୀ କ୍ରିକେଟକୁ ନେଇ ଚାଲିଥିବା ନାଟକ କମିବାର କୌଣସି ସଙ୍କେତ ଦେଖାଯାଉନାହିଁ । ପାକିସ୍ତାନ ବିଶ୍ୱକପରେ ଅଂଶଗ୍ରହଣ କରିବ କି ନାହିଁ ସେ ବିଷୟରେ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ । ପାକିସ୍ତାନ ୨୦୨୬ ଟି୨୦ ବିଶ୍ୱକପ୍ ରେ ଅଂଶଗ୍ରହଣ କରିବା ନେଇ ଚୂଡ଼ାନ୍ତ ନିଷ୍ପତ୍ତିକୁ ଆସନ୍ତା ସୋମବାର ପର୍ଯ୍ୟନ୍ତ ସ୍ଥଗିତ ରଖିଛି । ପାକିସ୍ତାନ ବର୍ତ୍ତମାନ ଟୁର୍ଣ୍ଣାମେଣ୍ଟରୁ ବାଦ ପଡ଼ିଥିବା ବାଂଲାଦେଶ ସହିତ ଏକତା ପ୍ରକାଶ କରୁଛି । ଏହା ବ୍ୟତୀତ, ପାକିସ୍ତାନ ଭାରତ ବିପକ୍ଷରେ ଏହାର ଗୁରୁତ୍ୱପୂର୍ଣ୍ଣ ବିଶ୍ୱକପ୍ ମ୍ୟାଚ୍ ବୟକଟ୍ କରିବାକୁ ବିଚାର କରୁଛି ।
ପାକିସ୍ତାନ କ୍ରିକେଟ୍ ବୋର୍ଡ (ପିସିବି)ର ଅଧ୍ୟକ୍ଷ ମୋହସିନ୍ ନକଭି ଜାନୁଆରୀ ୨୬ ତାରିଖରେ ପ୍ରଧାନମନ୍ତ୍ରୀ ଶାହବାଜ ସରିଫଙ୍କୁ ଭେଟିଥିଲେ। ବୈଠକ ପରେ ସେ କହିଥିଲେ ଯେ ବୋର୍ଡ ଶୁକ୍ରବାର (ଜାନୁଆରୀ ୩୦) କିମ୍ବା ପରବର୍ତ୍ତୀ ସୋମବାର (ଫେବୃଆରୀ ୨) ଟି-୨୦ ବିଶ୍ୱକପରେ ଅଂଶଗ୍ରହଣ କରିବା ନେଇ ଚୂଡ଼ାନ୍ତ ନିଷ୍ପତ୍ତି ନେବ । ସୋମବାର ପ୍ରଧାନମନ୍ତ୍ରୀଙ୍କ ସହ ତାଙ୍କର ସାକ୍ଷାତ ସମୟରେ ଏହି ପ୍ରସଙ୍ଗରେ ବିସ୍ତୃତ ଆଲୋଚନା ହୋଇଥିବା ନକଭି ସୋସିଆଲ ମିଡିଆରେ ନିଶ୍ଚିତ କରିଛନ୍ତି ।
ଏକ ସୋସିଆଲ ମିଡିଆ ପ୍ଲାଟଫର୍ମରେ ଏକ ପୋଷ୍ଟରେ ମୋହସିନ ନକଭି ଲେଖିଛନ୍ତି, "ମୁଁ ପ୍ରଧାନମନ୍ତ୍ରୀଙ୍କ ସହ ଏକ ଲମ୍ବା ବୈଠକ କରିଥିଲି ଏବଂ ତାଙ୍କୁ ICC ପ୍ରସଙ୍ଗରେ ଅବଗତ କରାଇଥିଲି । ସେ ଆମକୁ ସମସ୍ତ ବିକଳ୍ପ ବିଚାର କରି ଏହାର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ। ଏହି ବୈଠକରେ ନିଷ୍ପତ୍ତି ନିଆଯାଇଛି ଯେ ଶୁକ୍ରବାର କିମ୍ବା ଆସନ୍ତା ସୋମବାର ଦିନ ଏକ ଚୂଡ଼ାନ୍ତ ନିଷ୍ପତ୍ତି ନିଆଯିବ।" ସୂତ୍ର ଅନୁସାରେ ପ୍ରଧାନମନ୍ତ୍ରୀ ନକଭିଙ୍କୁ କହିଥିଲେ ଯେ ପାକିସ୍ତାନ ବାଂଲାଦେଶକୁ ସମସ୍ତ ସମ୍ଭାବ୍ୟ ସହାୟତା ଯୋଗାଇବା ଉଚିତ, ଯାହାକୁ ଫେବୃଆରୀ ୭ ତାରିଖରୁ ଆରମ୍ଭ ହେଉଥିବା ଟୁର୍ଣ୍ଣାମେଣ୍ଟରୁ ସମ୍ପ୍ରତି ବାଦ୍ ଦିଆଯାଇଛି ।
Click it and Unblock the Notifications
Sign in with Google