ଅବସର ନେଲେ କିମ୍ବଦନ୍ତୀ ଭାରତୀୟ ଫୁଟବଲ ଖେଳାଳି ସୁନୀଲ ଛେତ୍ରୀ
ଛେତ୍ରୀ ଯୁଗ ଶେଷ । ଫୁଟବଲକୁ ବାଏ ବାଏ କହିଲେ କିମ୍ବଦନ୍ତୀ ଫୁଟବଲର ସୁନୀଲ ଛେତ୍ରୀ । ଗୁରୁବାର କୁଏତ ବିପକ୍ଷ ଶେଷ ମ୍ୟାଚ୍ ଖେଳି ନିଜର ୧୯ ବର୍ଷର କ୍ୟାରିୟରର ପୂର୍ଣ୍ଣଚ୍ଛେଦ ପକାଇଛନ୍ତି । ପୂରା ଷ୍ଟାଡିୟମ ଛେତ୍ରୀ ଛେତ୍ରୀ ଧ୍ୱନୀରେ କମ୍ପି ଉଠିଥିଲା ।
ନିଜର ବିଦାୟୀ ମ୍ୟାଚରେ ଖୁବ୍ ଭାବବିହ୍ୱଳ ହୋଇଥିଲେ ସୁନୀଲ । ଅଧିନାୟକ ଭାବେ ନିଜର ମ୍ୟାଚ୍ ଜିତିବା ପାଇଁ ପୂରା ଜୋର ଲଗାଇ ଦେଇଥିଲେ । କିନ୍ତୁ କୁଏତ ମଧ୍ୟ ଭାରତକୁ କଡ଼ା ଟକ୍କର ଦେଇଥିଲା ଏବଂ ଶେଷରେ ମ୍ୟାଚ୍ ଗୋଲଶୂନ୍ୟ ରହିଥିଲା ।
୩୯ ବର୍ଷ ବୟସରେ ଅବସର ନେଇଥିବା ଛେତ୍ରୀ ଭାରତ ପକ୍ଷରୁ ୧୫୨ ମ୍ୟାଚ୍ ଖେଳି କରିଛନ୍ତି ୯୨ ଗୋଲ୍ । ଅନ୍ତର୍ଜାତୀୟ ଫୁଟବଲରେ ସର୍ବାଧିକ ଗୋଲ ମାରିବାରେ ବିଶ୍ୱର ଚତୁର୍ଥ ଖେଳାଳି ହେଉଛନ୍ତି ଛେତ୍ରୀ । ତାଙ୍କର ଅବସର ଭାରତୀୟ ଫୁଟବଲରେ ସ୍ୱର୍ଣ୍ଣିମ ଅଧ୍ୟାୟ ଶେଷ ହୋଇଛି ।
ଫିଫା ବିଶ୍ୱକପ୍ ୨୦୨୬ ଯୋଗ୍ୟତା ପର୍ଯ୍ୟାୟରେ ଭାରତ ଓ କୁଏତ ମଧ୍ୟରେ ଖେଳାଯାଇଥିବା ମ୍ୟାଚ୍ ୦-୦ ଗୋଲରେ ଡ୍ର ରହିଥିଲା। କୋଲକାତାର ସଲ୍ଟଲେକ୍ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଇଥିଲା ଏବଂ ଏହା ଥିଲା ଭାରତୀୟ ଅଧିନାୟକ ସୁନୀଲ ଛେତ୍ରୀଙ୍କ କ୍ୟାରିୟରର ଶେଷ ମ୍ୟାଚ୍।
ଫାଇନାଲ-୧୮ ପର୍ଯ୍ୟାୟକୁ ଯିବାକୁ ହେଲେ ଭାରତ ପାଇଁ ଏହି ମ୍ୟାଚ୍ ଜିତିବା ଜରୁରୀ ଥିଲା। ଭାରତକୁ ପରବର୍ତ୍ତୀ ପର୍ଯ୍ୟାୟକୁ ଯାଇପାରିବ, କିନ୍ତୁ ଅନ୍ୟ ମ୍ୟାଚ୍ ଉପରେ ନିର୍ଭର କରିବାକୁ ପଡ଼ିବ। ମ୍ୟାଚ୍ ଶେଷ ହେବା ପରେ ଅନ୍ୟ ଖେଳାଳିମାନେ ଛେତ୍ରୀଙ୍କୁ ସମ୍ମାନିତ କରିଥିଲେ, କିନ୍ତୁ ଏହି ସମୟରେ ସେ ମଧ୍ୟ ଭାବପ୍ରବଣ ହୋଇଯାଇଥିଲେ। ପ୍ରଥମାର୍ଧ ଓ ଦ୍ବିତୀୟାର୍ଧରେ ଭାରତ ଗୋଲ କରିବାର ଅନେକ ସୁଯୋଗ ପାଇଥିଲେ ମଧ୍ୟ ଭାରତ କୌଣସି ସୁଯୋଗ ହାତଛଡ଼ା କରିପାରିନଥିଲା। ଭାରତର ପରବର୍ତ୍ତୀ ମ୍ୟାଚ୍ ଜୁନ୍ ୧୧ରେ କତାର ବିପକ୍ଷରେ ହେବ।
Click it and Unblock the Notifications
Sign in with Google