ବାରବାଟୀରେ ମହାଲଢେଇ: ଟି-ଟ୍ବେଣ୍ଟି ପାଇଁ ପ୍ରସ୍ତୁତ ସ୍ବତନ୍ତ୍ର କଣ୍ଟୋଲ ରୁମ୍

ରବିବାର ବାରବାଟୀରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ମହା ଲଢେଇ । ଦୁଇ ଦଳ ମଧ୍ୟରେ ଖେଳାଯିବ ଦ୍ବିତୀୟ ଟି-ଟ୍ବେଣ୍ଟି । ସେଥିପାଇଁ ସରିଛି ପୂର୍ବ ପ୍ରସ୍ତୁତି । ସିଏମସି ପକ୍ଷରୁ କରାଯାଇଛି ସ୍ବତନ୍ତ୍ର କେଣ୍ଟୋଲ ରୁମ୍ ବ୍ୟବସ୍ଥା। ଏହି କଣ୍ଟ୍ରୋଲ ରୁମରୁ କରାଯିବ ମ୍ୟ

କଟକ: ରବିବାର ବାରବାଟୀରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ମହା ଲଢେଇ । ଦୁଇ ଦଳ ମଧ୍ୟରେ ଖେଳାଯିବ ଦ୍ବିତୀୟ ଟି-ଟ୍ବେଣ୍ଟି । ସେଥିପାଇଁ ସରିଛି ପୂର୍ବ ପ୍ରସ୍ତୁତି । ସିଏମସି ପକ୍ଷରୁ କରାଯାଇଛି ସ୍ବତନ୍ତ୍ର କେଣ୍ଟୋଲ ରୁମ୍ ବ୍ୟବସ୍ଥା। ଏହି କଣ୍ଟ୍ରୋଲ ରୁମରୁ କରାଯିବ ମ୍ୟାଚ ନିୟନ୍ତ୍ରଣ । ବାରବାଟୀ ପ୍ୟାଲେସ ପରିସରରେ ଏହାକୁ ଉଦଘାଟନ କରିଛନ୍ତି ମେୟର ସୁବାସ ସିଂ।

ଏଥିରେ ସବୁ ବିଭାଗର ଅଧିକାରୀ ଓ କର୍ମଚାରୀ 24 ଘଣ୍ଟା ନିୟୋଜିତ ରହିବେ। ସମସ୍ତ ଜରୁରୀକାଳୀନ ସେବା ନିୟନ୍ତ୍ରଣ କରାଯିବ। ମ୍ୟାଚ ପୂର୍ବରୁ ଓ ମ୍ୟାଚ୍ ସମୟରେ ପୋଲିସ ସେବା ଠାରୁ ଆରମ୍ଭ କରି ବାହାରେ ପିଇବା ପାଣି, ପରିମଳ, ଟ୍ରାଫିକ ସେବା, ବିଜୁଳି ସେବା ଭଳି ସମସ୍ତ ସମସ୍ୟାର ସମାଧାନ କରିବେ ଅଧିକାରୀ ଓ କର୍ମଚାରୀମାନେ ।

ଅନ୍ୟପଟେ ଉଭୟ ଦଳ ଆସି ହୋଟେଲରେ ପହଞ୍ଚି ସାରିଛନ୍ତି । ଆଜି ଉଭୟ ଦଳ ବାରବାଟୀ ଯାଇ ନେଟ ପ୍ରାକ୍ଟିସ କରିବେ । ପ୍ରଥମେ ଦକ୍ଷିଣ ଆଫ୍ରିକା ଟିମ୍ ବାରବାଟୀ ଗ୍ରାଉଣ୍ଡରେ ଅଭ୍ୟାସ କରିବ । ପରେ ସନ୍ଧ୍ୟା 5ଟାରୁ ନେଟ ପ୍ରାକ୍ଟିସ କରିବ ଟିମ ଇଣ୍ଡିଆ । ଉଭୟ ଦଳ ପ୍ରାୟ 3 ଘଣ୍ଟା ଲେଖାଏଁ ଅଭ୍ୟାସ କରିବାର ସୂଚନା ରହିଛି । ନେଟ ପ୍ରାକ୍ଟିସ୍ ପାଇଁ 4ଟି ପିଚ୍ ପ୍ରସ୍ତୁତ କରାଯାଇଛି । ଏହାଛଡ଼ା ରବିବାର ମ୍ୟାଚକୁ ନେଇ ପ୍ରସ୍ତୁତ ରହିଛନ୍ତି କର୍ତ୍ତୁପକ୍ଷ । ଏପଟେ ମ୍ୟାଚ ଦେଖିବା ପାଇଁ କ୍ରିକେଟ ପ୍ରେମୀଙ୍କ ମନରେ ଭରି ରହିଛି ଉତ୍କଣ୍ଠା । ଏନେଇ କ୍ରିକେଟ ପ୍ରେମୀ ଟିକେଟ ନେଇ ମ୍ୟାଚ ଅପେକ୍ଷାରେ ରହିଛନ୍ତି ।

English summary

fight between India and South Africa on Sunday. The second T20I will be played between the two teams. That is why the previous preparations have been completed. Special Cantol room arrangements have been made by the CMC.