ପୁଣି ମେଡିକାଲେ ଭର୍ତ୍ତି ହେଲେ ସୌରଭ ଗାଙ୍ଗୁଲି, ଛାତିରେ ହେଉଛି ଯନ୍ତ୍ରଣା
ପୂର୍ବତନ ଭାରତୀୟ କ୍ରିକେଟର ତଥା ବିସିସିଆଇ ସଭାପତି ସୌରଭ ଗାଙ୍ଗୁଲି ଛାତିରେ ଯନ୍ତ୍ରଣା ଅନୁଭବ କରିଛନ୍ତି । ଫଳରେ ତାଙ୍କୁ ସ୍ଥାନୀୟ ଆପୋଲ ହସ୍ପିଟାଲରେ ଭର୍ତ୍ତି କରାଯାଇଛି ।
କୋଲକତା: ପୁଣି ଅସୁସ୍ଥ ହେଲେ ଦାଦା । ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ମିଳିଥିବା ଖବର ଅନୁସାରେ ଆଜି (ବୁଧବାର) ପୂର୍ବତନ ଭାରତୀୟ କ୍ରିକେଟର ତଥା ବିସିସିଆଇ ସଭାପତି ସୌରଭ ଗାଙ୍ଗୁଲି ଛାତିରେ ଯନ୍ତ୍ରଣା ଅନୁଭବ କରିଛନ୍ତି । ଫଳରେ ତାଙ୍କୁ ସ୍ଥାନୀୟ ଆପୋଲ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଦାଦାଙ୍କ ସ୍ୱାସ୍ଥ୍ୟାବସ୍ଥା ନେଇ କୌଣସି ଅଧିକ ସୂଚନା ମିଳିପାରି ନାହିଁ ।
ସୂଚନାଥାଉ କି, କିଛି ଦିନ ତଳେ ଏମିତି ଛାତିରେ ଯନ୍ତ୍ରଣା ପାଇବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ତାଙ୍କ ଛାତିରେ ସର୍ଜରୀ ହୋବା ପରେ ସୁସ୍ଥ ହୋଇ ଘରକୁ ଫେରିଥିଲେ ଗାଙ୍ଗୁଲି । ଏବେ ପୁଣି ଛାତିରେ ଯନ୍ତ୍ରଣା ପାଇଁ ତାଙ୍କୁ ଅପୋଲରେ ଭର୍ତ୍ତି କରାଯାଇଛି ।
Click it and Unblock the Notifications
Sign in with Google