ICC Awards: ୱେଷ୍ଟଇଣ୍ଡିଜ୍ର ପ୍ରଥମ ଖେଳାଳି ଭାବେ ଆଇସିସି ମାସିକ ପୁରସ୍କାର ପାଇଲେ ସମର ଯୋଶେଫ୍
Shamar Joseph: ଜାନୁଆରୀରେ ୱେଷ୍ଟଇଣ୍ଡିଜ୍ ବୋଲର ସମର ଯୋଶେଫ୍ ଶ୍ରେଷ୍ଠ ଖେଳାଳି । ଯୁବ ଫାଷ୍ଟ୍ ବୋଲର ସମର ଯୋଶେଫ୍ ୱେଷ୍ଟଇଣ୍ଡିଜ୍ର ପ୍ରଥମ ଖେଳାଳି ଭାବେ ଆଇସିସି ମାସିକ ପୁରସ୍କାରର ବିଜେତା ହୋଇଛନ୍ତି ।
୨୪ ବର୍ଷୀୟ ଯୋଶେଫ୍ ଗତ ମାସ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ପଦାର୍ପଣ କରିଥିଲେ । ପ୍ରଥମ ଟେଷ୍ଟର ପ୍ରଥମ ବଲ୍ରେ ସେ ଷ୍ଟିଭେନ୍ ସ୍ମିଥ୍ଙ୍କୁ ଆଉଟ୍ କରିଥିଲେ । ଏହି ଇନିଂସ୍ରେ ସେ ୫ଟି ୱିକେଟ୍ ନେଇଥିଲେ । ବ୍ରିସବେନ୍ରେ ଖେଳାଯାଇଥିବା ଦ୍ୱିତୀୟ ଟେଷ୍ଟରେ ଯୋଶେଫ୍ଙ୍କ ବୋଲିଂ ମୁଖ୍ୟ ଆକର୍ଷଣ ରହିଥିଲା ।
ସେ ଦ୍ୱିତୀୟ ଇନିଂସ୍ରେ ୭ଟି ୱିକେଟ୍ ନେଇ ଦଳକୁ ଐତିହାସିକ ବିଜୟ ଭେଟି ଦେଇଥିଲେ । ଫଳରେ ୱେଷ୍ଟଇଣ୍ଡିଜ୍ ୧-୧ରେ ସିରିଜ ଡ୍ର' କରିଥିଲା । ଯୋଶେଫ୍ ପ୍ଲେୟାର ଅଫ୍ ଦ ସିରିଜ ବିବେଚିତ ହୋଇଥିଲେ ।
ସେପଟେ ମହିଳା ବର୍ଗରେ ଅଷ୍ଟ୍ରେଲିଆର ଷ୍ଟାର୍ ବ୍ୟାଟର ଆଲିସା ହିଲି ଓ ବେଥ୍ ମୁନିଙ୍କୁ ପଛରେ ପକାଇ ଆୟର୍ଲାଣ୍ଡର ଆମି ହଣ୍ଟର ଶ୍ରେଷ୍ଠ ଖେଳାଳି ପୁରସ୍କାର ପାଇଛନ୍ତି । ସେ ଇଂଲଣ୍ଡର ଓଲି ପୋପ୍ ଏବଂ ଅଷ୍ଟ୍ରେଲିଆର ଜୋସ୍ ହାଜେଲଉଡ୍ଙ୍କୁ ପଛରେ ପକାଇ ଜାନୁଆରୀ ମାସର ଶ୍ରେଷ୍ଠ ଖେଳାଳି ଭାବେ ଏହି ପୁରସ୍କାର ପାଇଛନ୍ତି ।
Click it and Unblock the Notifications
Sign in with Google