ଘୋଷଣା ହେଲା ଟି-20 ବିଶ୍ୱକପ ଖେଳସୂଚୀ, ପାକିସ୍ତାନ ବିପକ୍ଷରେ ଅଭିଯାନ ଆରମ୍ଭ କରିବ ଭାରତ
ଆଇସିସି ଟି-20 ବିଶ୍ୱକପ 2021 ର ଖେଳସୂଚୀ ଘୋଷଣା କରାଯାଇଛି। ଅକ୍ଟୋବର 17 ରୁ ସଂଯୁକ୍ତ ଆରବ ଏମିରେଟ୍ସ ଏବଂ ଓମାନରେ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ ଏବଂ ଫାଇନାଲ ନଭେମ୍ବର 14 ରେ ଦୁବାଇରେ ଖେଳାଯିବ ।
ନୂଆଦିଲ୍ଲୀ: ଆଇସିସି ଟି-20 ବିଶ୍ୱକପ 2021 ର ଖେଳସୂଚୀ ଘୋଷଣା କରାଯାଇଛି। ଅକ୍ଟୋବର 17 ରୁ ସଂଯୁକ୍ତ ଆରବ ଏମିରେଟ୍ସ ଏବଂ ଓମାନରେ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ ଏବଂ ଫାଇନାଲ ନଭେମ୍ବର 14 ରେ ଦୁବାଇରେ ଖେଳାଯିବ । ତେବେ ଅକ୍ଟୋବର 24ରୁ ପାରମ୍ପାରିକ ପ୍ରତିଦ୍ବନ୍ଦ୍ୱୀ ପାକିସ୍ତାନ ବିପକ୍ଷରେ ଟି-20 ଯାତ୍ରା ଆରମ୍ଭ କରିବ ଭାରତ ଏବଂ ଏହି ମ୍ୟାଚ୍ ଟୁର୍ଣ୍ଣାମେଣ୍ଟର ମୁଖ୍ୟ ଆକର୍ଷଣ ହେବ ।
ଓମାନ ଏବଂ ପାପୁଆ ନ୍ୟୁ ଗିନି ମଧ୍ୟରେ ଗ୍ରୁପ୍ ବି ର ରାଉଣ୍ଡ 1 ମ୍ୟାଚ୍ ସହିତ ସ୍ଥାନୀୟ ସମୟ ଅକ୍ଟୋବର 17 ରେ ସ୍ଥାନୀୟ ସମୟ ଅପରାହ୍ନ 2 ଟାରୁ ଆରମ୍ଭ ହେବ । ସେହି ଦିନ ଅନ୍ୟ ଗ୍ରୁପ୍ ବି ଦଳ ସ୍କଟଲ୍ୟାଣ୍ଡ ଏବଂ ବାଂଲାଦେଶ ସନ୍ଧ୍ୟା 6 ଟାରେ ସନ୍ଧ୍ୟା ମ୍ୟାଚରେ ମୁହାଁମୁହିଁ ହେବେ ।ଆୟର୍ଲାଣ୍ଡ, ନେଦରଲ୍ୟାଣ୍ଡ, ଶ୍ରୀଲଙ୍କା ଏବଂ ନାମିବିଆ ଗ୍ରୁପ୍ ଏରେ ଅଛନ୍ତି ଯେଉଁମାନେ ପରଦିନ ଆବୁଧାବିରେ ଖେଳିବେ । ରାଉଣ୍ଡ 1 ମ୍ୟାଚ୍ 22 ଅକ୍ଟୋବର ପର୍ଯ୍ୟନ୍ତ ଚାଲିବ । ପ୍ରତ୍ୟେକ ଗୋଷ୍ଠୀର ଶ୍ରେଷ୍ଠ ଦୁଇ ଦଳ ଅକ୍ଟୋବର 23 ରୁ ଟୁର୍ଣ୍ଣାମେଣ୍ଟର ସୁପର 12 ପର୍ଯ୍ୟାୟକୁ ଉନ୍ନୀତ ହେବେ ।
ସୁପର 12 ପର୍ଯ୍ୟାୟ ଟୁର୍ଣ୍ଣାମେଣ୍ଟର ଦ୍ୱିତୀୟ ରାଉଣ୍ଡ । ଯାହା 23 ଅକ୍ଟୋବରରୁ ଆବୁଧାବିରେ ଆରମ୍ଭ ହେବ ଏବଂ ଗ୍ରୁପ୍ 1 ରୁ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପ୍ରତିଯୋଗିତା ହେବ । ଏହା ପରେ ଦୁବାଇରେ ଇଂଲଣ୍ଡ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ସନ୍ଧ୍ୟାରେ ମ୍ୟାଚ୍ ହେବ । ସେହିପରି ପୁରୁଣା ପ୍ରତିଦ୍ୱନ୍ଦ୍ୱୀ ଇଂଲଣ୍ଡ ଏବଂ ଅଷ୍ଟ୍ରେଲିଆ 30 ଅକ୍ଟୋବରରେ ଦୁବାଇରେ ମୁହାଁମୁହିଁ ହେବେ । ଏହି ଗ୍ରୁପର ମ୍ୟାଚ 6 ନଭେମ୍ବରରେ ଆବୁଧାବିରେ ଅଷ୍ଟ୍ରେଲିଆ ଏବଂ ୱେଷ୍ଟଇଣ୍ଡିଜ୍ ଏବଂ ଶାରଜାଠାରେ ଇଂଲଣ୍ଡ ଏବଂ ଦକ୍ଷିଣ ଆଫ୍ରିକା ମଧ୍ୟରେ ମ୍ୟାଚ୍ ସହିତ ସମାପ୍ତ ହେବ ।
ଗ୍ରୁପ-2ର ମ୍ୟାଚ ଅକ୍ଟୋବର 24 ରେ ସ୍ଥାନୀୟ ସମୟ ସନ୍ଧ୍ୟା 6 ଟାରେ ଦୁବାଇରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ସହିତ ଆରମ୍ଭ ହେବ । 26 ଅକ୍ଟୋବରରେ ଶାରଜାଠାରେ ପାକିସ୍ତାନ ପୁଣି ନ୍ୟୁଜିଲ୍ୟାଣ୍ଡକୁ ଭେଟିବ । 25 ଅକ୍ଟୋବରରେ ଶରଜାଠାରେ ଆଫଗାନିସ୍ତାନ ଏହାର ଅଭିଯାନ ଆରମ୍ଭ କରିବ।
ପ୍ରଥମ ସେମିଫାଇନାଲ ନଭେମ୍ବର 10 ରେ ସ୍ଥାନୀୟ ସମୟ ସନ୍ଧ୍ୟା 6 ଟା ସମୟରେ ଆବୁଧାବିରେ ଅନୁଷ୍ଠିତ ହେବ । ଦ୍ୱିତୀୟ ସେମିଫାଇନାଲ ନଭେମ୍ବର 11 ରେ ଦୁବାଇରେ ଖେଳାଯିବ । ଉଭୟ ସେମିଫାଇନାଲରେ ରିଜର୍ଭ ଦିନ ରହିବ। ଟୁର୍ଣ୍ଣାମେଣ୍ଟର ଫାଇନାଲ ଦୁବାଇରେ 14 ନଭେମ୍ବର ରବିବାର ଦିନ ସନ୍ଧ୍ୟା 6 ଟାରେ (ସ୍ଥାନୀୟ ସମୟ) ଅନୁଷ୍ଠିତ ହେବ ଏବଂ ସୋମବାର ଫାଇନାଲ ପାଇଁ ରିଜର୍ଭ ଦିନ ହେବ ।
Click it and Unblock the Notifications
Sign in with Google