ବିଗିଡିଲା ସଚିନଙ୍କ ସ୍ୱାସ୍ଥ୍ୟାବସ୍ଥା, ହସ୍ପିଟାଲ ହେଲେ ଭର୍ତ୍ତି

ଭାରତର ପୂର୍ବତନ ଭେଟେରାନ ବ୍ୟାଟ୍ସମ୍ୟାନ୍ ସଚିନ ତେନ୍ଦୁଲକରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମାର୍ଚ୍ଚ 27 ରେ ସଚିନ ତେନ୍ଦୁଲକର କୋଭିଡ-19 ପଜିଟିଭ୍ ହୋଇଥିଲା ।

ନୂଆଦିଲ୍ଲୀ: ଭାରତର ପୂର୍ବତନ ଭେଟେରାନ ବ୍ୟାଟ୍ସମ୍ୟାନ୍ ସଚିନ ତେନ୍ଦୁଲକରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ମାର୍ଚ୍ଚ 27 ରେ ସଚିନ ତେନ୍ଦୁଲକର କୋଭିଡ-19 ପଜିଟିଭ୍ ହୋଇଥିଲା । ଏ ସମ୍ପର୍କରେ ସୂଚନା ଦେଇ ସେ କହିଛନ୍ତି ଯେ ସେ ବର୍ତ୍ତମାନ ହସ୍ପିଟାଲରେ ଭର୍ତ୍ତି ହୋଇଛନ୍ତି ଏବଂ ତାଙ୍କ ପାଇଁ ପ୍ରାର୍ଥନା କରିଥିବା ପ୍ରିୟଜନଙ୍କୁ ସେ ଧନ୍ୟବାଦ ଜଣାଇଛନ୍ତି।

ସଚିନ୍ କହିଛନ୍ତି ଯେ ଡାକ୍ତରୀ ପରାମର୍ଶ ଏବଂ ଯତ୍ନଶୀଳତା ପାଇଁ ସେ ନିଜକୁ ଡାକ୍ତରଖାନାରେ ଭର୍ତ୍ତି କରିବାକୁ ନିଷ୍ପତ୍ତି ନେଇଛନ୍ତି। ଏହା ସହ ସଚିନ କହିଛନ୍ତି ଯେ ସେ କିଛି ଦିନ ପରେ ଘରକୁ ଫେରିବେ ବୋଲି ଆଶା କରୁଛନ୍ତି। ଏହା ସହିତ ସେ ସମସ୍ତଙ୍କୁ ନିଜର ଯତ୍ନ ନେବାକୁ ଏବଂ ନିରାପଦ ରହିବାକୁ କହିଛନ୍ତି।

ଏହା ବ୍ୟତୀତ ସଚିନ ତେନ୍ଦୁଲକର ମଧ୍ୟ ତାଙ୍କ ଭାରତୀୟ ଖେଳାଳିଙ୍କୁ ବିଶ୍ୱକପ 2011 ର ଦଶମ ବାର୍ଷିକୀ ଅବସରରେ ଅଭିନନ୍ଦନ ଜଣାଇଛନ୍ତି । ସଚିନଙ୍କ ଟ୍ୱିଟ୍ କରି ଲେଖିଛନ୍ତି,

"ତୁମର ପ୍ରାର୍ଥନା ପାଇଁ ସମସ୍ତଙ୍କୁ ଧନ୍ୟବାଦ। ଆବଶ୍ୟକ ସୁରକ୍ଷା ନେବାକୁ ଡାକ୍ତରୀ ପରାମର୍ଶ ଅନୁସରଣ କରି ମୁଁ ଡାକ୍ତରଖାନାରେ ଭର୍ତ୍ତି ହୋଇଛି। ମୁଁ ଆଶା କରୁଛି କିଛି ଦିନ ପରେ ଘରକୁ ଫେରିବି। ଯତ୍ନ ନିଅ ଏବଂ ନିରାପଦରେ ରୁହ। ବିଶ୍ୱକପ୍ ବିଜୟର ଦଶମ ବାର୍ଷିକୀରେ ସମସ୍ତ ଭାରତୀୟ କ୍ରିକେଟର ଓ କ୍ରିକେଟ ପ୍ରେମୀଙ୍କୁ ଅଭିନନ୍ଦନ। "

English summary

Sachin Tendulkar admitted to hospital