ଟି-୨୦ ବିଶ୍ୱକପ: ଜାଣନ୍ତୁ, ପରାଜୟର ଦୋଷ କାହା ମୁଣ୍ଡରେ ବୋଳିଲେ କ୍ୟାପଟେନ ରୋହିତ୍ ?

ଟିମ ଇଣ୍ଡିଆର ପରାଜୟର କାରଣ ଅଧିନାୟକ ରୋହିତ ଶର୍ମା ବୋଲରଙ୍କ ଉପରେ ଲଦି ଦେଇଛନ୍ତି ।

Rohit Sharma on Semi final Defeat: ଚଳିତ ଟି-20 ବିଶ୍ୱକପରୁ ବାଦ ପଡିଛି ଟିମ୍ ଇଣ୍ଡିଆ । ସେମିଫାଇନାଲରେ ଇଂଲଣ୍ଡ ଟିମ ଇଣ୍ଡିଆକୁ ଦଶ ୱିକେଟରେ ପରାସ୍ତ କରିଛି । ଏବେ ନଭେମ୍ବର 13 ରେ ପାକିସ୍ତାନ ଏବଂ ଇଂଲଣ୍ଡ ମଧ୍ୟରେ ଫାଇନାଲ ମ୍ୟାଚ୍ ଖେଳାଯିବ । ତେବେ ଟିମ ଇଣ୍ଡିଆର ପରାଜୟର କାରଣ ଅଧିନାୟକ ରୋହିତ ଶର୍ମା ବୋଲରଙ୍କ ଉପରେ ଲଦି ଦେଇଛନ୍ତି ।

ମ୍ୟାଚ୍ ପରେ ବ୍ରଡକାଷ୍ଟର ଷ୍ଟାର ସ୍ପୋର୍ଟସ ସହ କଥାବାର୍ତ୍ତା କରି ରୋହିତ ଶର୍ମା କହିଛନ୍ତି ଯେ, ଏହା ନିରାଶାଜନକ। ରୋହିତ କହିଛନ୍ତି ଯେ, ଆମେ ଭଲ ବ୍ୟାଟିଂ କରିଥିଲୁ, କିନ୍ତୁ ଆଜି ଆମର ବୋଲିଂ ଭଲ ନଥିଲା । ନକ୍ ଆଉଟରେ ଚାପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ଖେଳାଳିଙ୍କ ବ୍ୟକ୍ତିଗତ ପ୍ରଦର୍ଶନ ଉପରେ ନିର୍ଭର କରେ । ଆମେ ଏହାକୁ ଖେଳାଳିମାନଙ୍କୁ ପୃଥକ ଭାବରେ ଶିକ୍ଷା ଦେଇ ପାରିବୁ ନାହିଁ ।

ସେ ସ୍ପଷ୍ଟ ଭାବରେ କହିଛନ୍ତି ଯେ, କେତେକ ଖେଳାଳି ଚାପକୁ କିପରି ନିୟନ୍ତ୍ରଣ କରିବେ ଜାଣନ୍ତି ଏବଂ କେତେକ ଜାଣନ୍ତି ନାହିଁ । ବୋଲରଙ୍କ ବିଷୟରେ ସେ କହିଛନ୍ତି ଯେ, ଭୁବନେଶ୍ୱର ପ୍ରଥମ ଓଭରରେ ୱିକେଟରୁ ସହାୟତା ନେଉଥିଲେ । କିନ୍ତୁ ଆମେ ଭଲ ଲେଙ୍ଗ୍ଥ କିମ୍ବା ପେସ୍ ରେ ବୋଲିଂ କରିନାହୁଁ ।

ତେବେ ଚଳିତ ବିଶ୍ୱକପରେ ଟିମ୍ ଇଣ୍ଡିଆର ଯାତ୍ରା ବିଷୟରେ କହିଲେ, ଆମେ ପାକିସ୍ତାନ ବିପକ୍ଷ ପ୍ରଥମ ମ୍ୟାଚ୍ ଜିତିଥିଲୁ । ଏହା ପରେ ଟିମ୍ ନେଦରଲ୍ୟାଣ୍ଡକୁ ପରାସ୍ତ କରିବାରେ ସଫଳ ହୋଇଥିଲା । କିନ୍ତୁ ତୃତୀୟ ମ୍ୟାଚରେ ଯେତେବେଳେ ଆମେ ଦକ୍ଷିଣ ଆଫ୍ରିକାକୁ ସାମ୍ନା କରିଥିଲୁ, ଟିମ୍ ଇଣ୍ଡିଆ ସେଠାରେ ପରାସ୍ତ ହୋଇଥିଲା। ଏହା ପରେ ଭାରତ ରୋମାଞ୍ଚକର ମ୍ୟାଚରେ ବାଂଲାଦେଶକୁ ପରାସ୍ତ କଲା । ସୁପର 12 ର ଶେଷ ମ୍ୟାଚରେ ଜିମ୍ବାୱେକୁ ପରାସ୍ତ କରିବା ପରେ ଭାରତ ଟେବୁଲ ଟପ୍ପର ଭାବରେ ସେମିଫାଇନାଲରେ ପ୍ରବେଶ କରିଥିଲା । କିନ୍ତୁ ସେମିଫାଇନାଲରେ ଆମେ ଇଂଲଣ୍ଡକୁ ସାମ୍ନା କରିଥିଲୁ ଏବଂ ସେଠାରେ ଭାରତୀୟ ଦଳ ଦଶ ୱିକେଟରେ ଅପମାନଜନକ ପରାଜୟର ସମ୍ମୁଖୀନ ହୋଇଥିଲା ।

English summary

Rohit Sharma Open up on Semifinal Defeat