Rohit Sharma: ଟି-୨୦ କ୍ରିକେଟ୍ରେ ସର୍ବାଧିକ ଶତକ ହାସଲକାରୀଙ୍କ ମଧ୍ୟରେ ରୋହିତ ଶର୍ମା
Rohit Sharma: ଫର୍ମକୁ ଫେରିଲେ ହିଟମ୍ୟାନ୍ ରୋହିତ ଶର୍ମା । ଆଫଗାନିସ୍ତାନ ବିପକ୍ଷରେ ତୃତୀୟ ଟି-20 ମ୍ୟାଚରେ ଭାରତର ରୋହିତ ଶର୍ମା ନୂଆ ରେକର୍ଡ ସ୍ଥାପନ କରିଛନ୍ତି । ଆନ୍ତର୍ଜାତୀୟ କ୍ରିକେଟରେ ରୋହିତ ଶର୍ମା ପ୍ରଥମ ଖେଳାଳି ଭାବେ ଟି-20ରେ ୫ଟି ଶତକ ହାସଲ କରିଛନ୍ତି । ଟିମ୍ ଇଣ୍ଡିଆ ପାଇଁ ରୋହିତ ଶର୍ମା ଏବଂ ରିଙ୍କୁ ସିଂ ଭଲ ବ୍ୟାଟିଂ କରିଥିଲେ। ପ୍ରଥମେ ବ୍ୟାଟିଂ କରି ଭାରତୀୟ ଦଳର ଅଧିନାୟକ ରୋହିତ ଶର୍ମା ଏକ ଶତକ ହାସଲ କରିଥିଲେ ।
ଟସ୍ ଜିତିବା ପରେ ଭାରତୀୟ ଅଧିନାୟକ ରୋହିତ ଶର୍ମା ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲେ । ଏହି ମ୍ୟାଚରେ ଭାରତ ୨୨ ରନରେ ୪ଟି ୱିକେଟ୍ ହରାଇଥିଲା । ରୋହିତ ଓ ରିଙ୍କୁଙ୍କ ପ୍ରଦର୍ଶନ ବଳରେ ଟିମଇଣ୍ତିଆ ୨୧୩ ରନର ବିଜୟ ଲକ୍ଷ୍ୟ ଆଫଗାନିସ୍ତାନ ସମ୍ମୁଖରେ ରଖିଥିଲେ ।
ରୋହିତ ଶର୍ମା ଏବଂ ରିଙ୍କୁ ସିଂ ଇନିଂସ ନେଇଥିଲେ ଏବଂ ସ୍କୋରକୁ ୫୦ ରୁ ଅଧିକ ନେଇଥିଲେ। ୧୦ ଓଭର ପରେ ଭାରତୀୟ ଦଳର ସ୍କୋର ୬୧ ରନ୍ ଥିଲା। ଯାହା ପରେ ମ୍ୟାଚର ରୂପ ବଦଳାଇ ଦେଇଥିଲେ ରୋହିତ ଶର୍ମା । ୪୧ ବଲରେ ୫୦ ରନ କରି ସେ ପ୍ରଥମ ଭାରତୀୟ ଅଧିନାୟକ ହୋଇଥିଲେ ଯିଏ ଅଧିନାୟକ ଭାବରେ ସର୍ବାଧିକ ଟି -20 ରନ୍ ସ୍କୋର କରିଥିଲେ।
ସେ କୋହଲିଙ୍କୁ ମଧ୍ୟ ପଛରେ ପକାଇ ଦେଇଥିଲେ। କୋହଲି ୫୦ ମ୍ୟାଚରେ ୧୫୭୦ ରନ କରିଥିବା ବେଳେ ରୋହିତ ୫୪ ମୁକାବିଲାରେ ୧୬୪୮ ରନ ସଂଗ୍ରହ କରିବାରେ ସଫଳ ହୋଇଛନ୍ତି । ତେବେ ଓଭରାଲ ଅଷ୍ଟ୍ରେଲିଆର ଆରୋନ ଫିଂଚ ଶୀର୍ଷରେ ରହିଛନ୍ତି ଯିଏ ୭୬ ମ୍ୟାଚରେ ୨୨୩୬ ରନ କରିଛନ୍ତି ।
ମ୍ୟାଚର ଶେଷ ଓଭରରେ ରୋହିତ ଓ ରିଙ୍କୁ ୩୬ ରନ ସଂଗ୍ରହ କରିଥିଲେ । ଟି୨୦ରେ ତୃତୀୟ ଥର ପାଇଁ ଏହି କୀର୍ତିମାନ ସ୍ଥାପନ ହୋଇଛି । ୨୦୦୭ରେ ଯୁବରାଜ ସିଂ ଓ ୨୦୨୧ରେ କିରନ ପୋଲାର୍ଡ ୩୬ ରନ ସଂଗ୍ରହ କରିଥିଲେ ।
Click it and Unblock the Notifications
Sign in with Google