ଜାଣନ୍ତୁ, କେମିତି ଅଛି ଋଷଭ୍ ପନ୍ତଙ୍କ ସ୍ୱାସ୍ଥ୍ୟାବସ୍ଥା ? କେବେ ସୁସ୍ଥ ହେବେ ପନ୍ତ ?

ଧୀରେ ଧୀରେ ସୁଧୁରିବାରେ ଲାଗିଛି ଟିମ୍ ଇଣ୍ଡିଆ ୱିକେଟକିପର ଋଷଭ୍ ପନ୍ତଙ୍କ ସ୍ୱାସ୍ଥ୍ୟାବସ୍ଥା । ତାଙ୍କୁ ଏବେ ଆଇସିୟୁରୁ ବାହାର କରାଯାଇ ୱାର୍ଡକୁ ଅଣାଯାଇଛି । ସେଠାରେ ତାଙ୍କର ଚିକିତ୍ସା ଚାଲିଛି ।

Published: Monday, January 2, 2023, 15:40 [IST]

Rishabh Pant Accident: ଧୀରେ ଧୀରେ ସୁଧୁରିବାରେ ଲାଗିଛି ଟିମ୍ ଇଣ୍ଡିଆ ୱିକେଟକିପର ଋଷଭ୍ ପନ୍ତଙ୍କ ସ୍ୱାସ୍ଥ୍ୟାବସ୍ଥା । ତାଙ୍କୁ ଏବେ ଆଇସିୟୁରୁ ବାହାର କରାଯାଇ ୱାର୍ଡକୁ ଅଣାଯାଇଛି । ସେଠାରେ ତାଙ୍କର ଚିକିତ୍ସା ଚାଲିଛି ।

କହିରଖୁ କି, ଭାରତୀୟ ଯୁବ ୱିକେଟକିପର ଋଷଭ୍ ପନ୍ତ ନୂଆବର୍ଷ ପୂର୍ବ ଦିନ ଏକ ଭୟଙ୍କର ସଡ଼କ ଦୁର୍ଘଟଣାର ଶିକାର ହୋଇଥିଲେ । ଗୁରୁତର ଅବସ୍ଥାରେ ପନ୍ତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ବର୍ତ୍ତମାନ ଋଷଭ୍ ପନ୍ତଙ୍କୁ ଡେରାଡୁନର ମ୍ୟାକ୍ସ ହସ୍ପିଟାଲରେ ଚିକିତ୍ସା କରାଯାଉଛି । ଦୁର୍ଘଟଣାରେ ଋଷଭଙ୍କ କପାଳ ଏବଂ ଶରୀରର ଅନ୍ୟ ଅଂଶରେ ଆଘାତ ଲାଗିଛି । ଦୁର୍ଘଟଣା ବେଳେ ରିଷଭଙ୍କ ମୁହଁରେ ମଧ୍ୟ ଆଘାତ ଲାଗିଥିଲା । ଏହାକୁ ଭରିବାକୁ ପ୍ଲାଷ୍ଟିକ ସର୍ଜରୀ କରାଯାଇଛି । ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା କୁହାଯାଉଛି ।

ତେବେ ଡାକ୍ତରଙ୍କ କହିବାନୁସାରେ, ତାଙ୍କ ଶରୀରର କିଛି ଅଙ୍ଗରେ ଯନ୍ତ୍ରଣା ଏବଂ ଫୁଲା ସମସ୍ୟା ଦେଖାଦେଇଛି । ଯେଉଁ କାରଣରୁ ତୃତୀୟ ଦିନରେ ମଧ୍ୟ ତାଙ୍କ ଗୋଡ ଏବଂ ଆଣ୍ଠୁ ର ଏମଆରଆଇ କରାଯାଇ ପାରି ନାହିଁ । ତେବେ ଆସନ୍ତା 24 ଘଣ୍ଟା ମଧ୍ୟରେ ତାଙ୍କ ସ୍ୱାସ୍ଥ୍ୟରେ ଏକ ଉନ୍ନତିମୂଳକ ଉନ୍ନତି ପାଇଁ ଡାକ୍ତରମାନେ ଆଶା ପ୍ରକଟ କରିଛନ୍ତି । ସୂଚନାନୁସାରେ, ବିସିସିଆଇର ପରାମର୍ଶ ଅନୁଯାୟୀ ଋଷଭ୍ ପନ୍ତଙ୍କ ଲିଗାମେଣ୍ଟ ଆଘାତର ଚିକିତ୍ସା ପାଇଁ ନିଷ୍ପତ୍ତି ନିଆଯିବ । ଏଥିପାଇଁ ପନ୍ତଙ୍କୁ ବୋଧହୁଏ ଦେଶ ବାହାରକୁ ପଠାଯାଇ ପାରେ ।

ଉଲ୍ଲେଖଥାଉ କି 31 ଡିସେମ୍ବର ରାତିରେ ପନ୍ତ ତାଙ୍କ ମାଙ୍କୁ ଭେଟିବାକୁ ଯାଉଥିଲେ । ତେବେ କାର ଚଳାଇବା ସମୟରେ ସେ କ୍ଷଣକ ପାଇଁ ଆଖି ବୁଜି ଦେଇଥିଲେ । ଫଳରେ ଦୃତ ଗତି ହେତୁ ତାଙ୍କ କାର ନିୟନ୍ତ୍ରଣ ବାହାରକୁ ଯାଇଥିଲା । ଆଉ ପ୍ରାୟ 100 ମିଟର ପର୍ଯ୍ୟନ୍ତ ଡିଭାଇଡରର ରେଲିଂ ଘଷି ହୋଇ ଶେଷରେ ଅନ୍ୟ ପଟେ ଓଲଟି ପଡିଥିଲା ।

ତେବେ ପନ୍ତ କୌଣସି ପ୍ରକାରେ ଗାଡିରୁ ବାହାରକୁ ବାହାରିବାରେ ସଫଳ ହୋଇଥିଲେ । ଯାହା ପରେ ଗାଡିରେ ନିଆଁ ଲାଗିଯାଇଥିଲା । ଏହା କୌଣସି ଚମତ୍କାରଠାରୁ କମ୍ ନୁହେଁ । ହରିୟାଣା ରୋଡୱେ ବସ୍ କଣ୍ଡକ୍ଟର ସୁଶୀଲ କୁମାର ଏବଂ ପରମଜିତ ପନ୍ତଙ୍କୁ ସାହାଯ୍ୟ କରିଥିଲେ ଏବଂ ସେମାନେ ପୋଲିସକୁ ସୂଚନା ଦେଇଥିଲେ ଏବଂ ତାଙ୍କୁ ନିକଟସ୍ଥ ଡାକ୍ତରଖାନାରେ ପହଞ୍ଚିବାରେ ସାହାଯ୍ୟ କରିଥିଲେ ।

Published On January 2, 2023