ଆଇପିଏଲ 2021: ଆଜି ଆବୁଧାବିରେ 'ବିରାଟ' ରେକର୍ଡ କରିପାରନ୍ତି କୋହଲି
ବିରାଟ କୋହଲି ପ୍ରଥମ ଭାରତୀୟ ଖେଳାଳି ଭାବେ ଟି-20 ଫର୍ମାଟରେ 10,000 ରନ୍ ପୂରଣ କରିପାରନ୍ତି । ଯେଉଁଥିପାଇଁ ତାଙ୍କୁ ମାତ୍ର 71 ରନ୍ ଆବଶ୍ୟକ ରହିଛି ।
ଆବୁଧାବି: ଇଣ୍ଡିଆନ୍ ପ୍ରିମିୟର ଲିଗର 14 ତମ ସିଜନରେ ଯେତେବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକ ବିରାଟ କୋହଲି ସୋମବାର ସନ୍ଧ୍ୟାରେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ବ୍ୟାଟିଂ କରିବାକୁ ପଡିଆକୁ ଓହ୍ଲାଇବେ, ସେତେବେଳେ ସେ ଟି-20 କ୍ରିକେଟରେ ଏକ ବଡ଼ ରେକର୍ଡ ସୃଷ୍ଟି କରି ପାରନ୍ତି । ବିରାଟ କୋହଲି ପ୍ରଥମ ଭାରତୀୟ ଖେଳାଳି ଭାବେ ଟି-20 ଫର୍ମାଟରେ 10,000 ରନ୍ ପୂରଣ କରି ପାରନ୍ତି । ଯେଉଁଥିପାଇଁ ତାଙ୍କୁ ମାତ୍ର 71 ରନ୍ ଆବଶ୍ୟକ ରହିଛି ।
ତେବେ ସେ ଟି -20 ଫର୍ମାଟରେ 10,000 ରନ୍ ମାର୍କ ଅତିକ୍ରମ କରିବାରେ ପ୍ରଥମ ଭାରତୀୟ ତଥା ବିଶ୍କ କ୍ରିକେଟର 5ମ ଖେଳାଳି ହେବେ। ଟି -20 ଫର୍ମାଟରେ ବିରାଟ କୋହଲି ଏପର୍ଯ୍ୟନ୍ତ 311 ମ୍ୟାଚ୍ ଖେଳିଛନ୍ତି (ଭାରତ ଏବଂ ଆଇପିଏଲ୍) ଯେଉଁଥିରେ ସେ 133.95 ଷ୍ଟ୍ରାଇକ୍ ହାରରେ 9929 ରନ୍ ରହିଛି । 2007 ରୁ 2021 ମଧ୍ୟରେ ବିରାଟ କୋହଲି ଏହି ଫର୍ମାଟରେ 5 ଶତକ ଓ 72 ଅର୍ଦ୍ଧଶତକ ହାସଲ କରିଛନ୍ତି।
କ୍ରିସ୍ ଗେଲ୍ ଟି-20ରେ ସର୍ବାଧିକ ରନ୍ ରେକର୍ଡ କରିଛନ୍ତି
ଟି-20 ଫର୍ମାଟରେ ସର୍ବାଧିକ ରନ୍ ସ୍କୋରରଙ୍କ ବିଷୟରେ କହିବାକୁ ଗଲେ, ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍, ଯାହାଙ୍କୁ ୟୁନିଭର୍ସ ବସ୍ ନାମରେ ଜଣାଯାଏ । କ୍ରିସ୍ ଗେଲ୍ ଏହି ଫର୍ମାଟରେ 446 ମ୍ୟାଚ୍ ଖେଳି ହାରାହାରି 36.94 ରେ 14261 ରନ୍ ସ୍କୋର କରିଛନ୍ତି । ଯେଉଁଥିରେ ତାଙ୍କର 22 ଶତକ ଏବଂ 87 ଅର୍ଦ୍ଧଶତକ ରହିଛି। ତାଙ୍କୁ ଆଇପିଏଲରେ ପଞ୍ଜାବ କିଙ୍ଗ୍ସ ପାଇଁ ଖେଳୁଥିବା ଦେଖିବାକୁ ମିଳିବ।
ଏଥି ସହିତ ଏହି ତାଲିକାର ଦ୍ୱିତୀୟ ନାମ ହେଉଛି କିରନ୍ ପୋଲାର୍ଡ, ଯିଏ ଏହି ଫର୍ମାଟରେ 561 ମ୍ୟାଚ୍ ଖେଳି 56 ଅର୍ଦ୍ଧ ଶତକ ସାହାଯ୍ୟରେ 11, 159 ରନ୍ ସ୍କୋର କରିଛନ୍ତି । ପାକିସ୍ତାନ କ୍ରିକେଟ୍ ଦଳର କିମ୍ବଦନ୍ତୀ ବ୍ୟାଟ୍ସମ୍ୟାନ୍ ଶୋଏବ ମଲିକ୍ ଏହି ତାଲିକାରେ ତୃତୀୟ ସ୍ଥାନ ଅଧିକାର କରିଛନ୍ତି, ଯିଏ 436 ଟି-20 ମ୍ୟାଚ୍ ଖେଳିଛନ୍ତି ଏବଂ 66 ଅର୍ଦ୍ଧଶତକ ସହାୟତାରେ 10808 ରନ୍ ସ୍କୋର କରିଛନ୍ତି। ଏହି ତାଲିକାର ଚତୁର୍ଥ ନାମ ହେଉଛି ଅଷ୍ଟ୍ରେଲୀୟ ଓପନର୍ ଡେଭିଡ ୱାର୍ଣ୍ଣର, ଯିଏ 8 ଶତକ ଏବଂ 82 ଅର୍ଦ୍ଧଶତକ ସହାୟତାରେ 304 ଟି ମ୍ୟାଚରେ 10,017 ରନ୍ ସଂଗ୍ରହ କରିଛନ୍ତି।
କୋହଲି ଆଇପିଏଲର ପ୍ରଥମ ଖେଳାଳି ହେବେ
ଆବୁଧାବିରେ ଖେଳାଯିବାକୁଥିବା ମ୍ୟାଚ୍ ବିରାଟ କୋହଲିଙ୍କ ଆଇପିଏଲ୍ କ୍ୟାରିୟରର 200 ତମ ମ୍ୟାଚ୍ ହେବ ଏବଂ ସେ ଆଇପିଏଲରେ ସମାନ ଫ୍ରାଞ୍ଚାଇଜ୍ ପାଇଁ 200 ମ୍ୟାଚ୍ ଖେଳିଥିବା ପ୍ରଥମ ଖେଳାଳି ହେବେ। ଏହି ଅବଧିରେ ବିରାଟ କୋହଲିଙ୍କ ଆଇପିଏଲ୍ ରେକର୍ଡ ମଧ୍ୟ ବହୁତ ଭଲ ରହିଛି। ବିରାଟ କୋହଲି 5 ଟି ଶତକ ଏବଂ 40 ଅର୍ଦ୍ଧଶତକ ସହାୟତାରେ ଏପର୍ଯ୍ୟନ୍ତ ଖେଳାଯାଇଥିବା 199 ଟି ମ୍ୟାଚରେ 6076 ରନ୍ ସଂଗ୍ରହ କରିଛନ୍ତି ଏବଂ ସେ ଏହି ଟୁର୍ଣ୍ଣାମେଣ୍ଟରେ ସର୍ବାଧିକ ରନ୍ ସ୍କୋରର ଅଟନ୍ତି । ଅନ୍ୟପକ୍ଷରେ ଦିଲ୍ଲୀରେ ଖେଳୁଥିବା ଶିଖର ଧାୱନ 5577 ରନ୍ ସହ ଦ୍ୱିତୀୟ ସ୍ଥାନରେ ଅଛନ୍ତି।