କ୍ରିକେଟରେ ଭାତରକୁ ଝଟକା : ସିରିଜ୍ ରୁ ବାଦ୍ ପଡିଲେ ରବିଦ୍ର ଜାଡେଜା, ଋଷଭ ପନ୍ତକୁ ନେଇ ରହିଛି ବଡ ଖବର

ଆଙ୍ଗୁଠିରେ ଆଘାତ ଲାଗିବା କାରଣରୁ ଭାରତୀୟ କ୍ରିକେଟ ଦଳର ତାରକା ଅଲରାଉଣ୍ଡର ରବୀନ୍ଦ୍ର ଜାଡେଜା ପୂରା ସିରିଜ୍‌ରୁ ବାଦ୍ ପଡିଛନ୍ତି।

Published: Saturday, January 9, 2021, 20:35 [IST]

ସିଡନୀ : ଭାରତୀୟ କ୍ରିକେଟ୍ ଦଳକୁ ଜୋରଦାର୍ ଝଟକା ଲାଗିଛି । ଅଷ୍ଟ୍ରେଲିଆର ସିଡନୀରେ ଖେଳାଯାଉଥିବା ତୃତୀୟ ଟେଷ୍ଟ ମ୍ୟାଚ୍‌ ସମୟରେ ଦଳର ତାରକା ଅଲରାଉଣ୍ଡର ରବୀନ୍ଦ୍ର ଜାଡେଜା ପୂରା ସିରିଜ୍‌ରୁ ବାଦ୍ ପଡିଛନ୍ତି। ଟେଷ୍ଟର ତୃତୀୟ ଦିନରେ ଆଘାତ ଲାଗିବାରୁ ଜାଡେଜାଙ୍କ ବାମ ହାତ ଆଙ୍ଗୁଠି ଭାଙ୍ଗି ଯାଇଛି । ଫଳରେ ଜାଡେଜା ଏବେ ଦ୍ଵିତୀୟ ଇନିଂସରେ ଆଉ ବ୍ୟାଟିଂ କରି ପାରିବେ ନାହିଁ । ସେହିପରି ଅନ୍ୟତମ ଖେଳାଳୀ ଋଷଭ ପନ୍ତଙ୍କ ମଧ୍ୟ କହୁଣୀରେ ଆଘାତ ଲାଗିଛି। ହେଲେ ସେ ଦ୍ଵିତୀୟ ଇନିଂସରେ ବ୍ୟାଟିଂ କରିବେ ବୋଲି ଜଣାପଡିଛି।

ଭାରତର ପ୍ରଥମ ଇନିଂସର ବ୍ୟାଟିଂ କରୁଥିବା ବେଳେ ମିଚେଲ୍ ଷ୍ଟାର୍କଙ୍କ ବଲ୍‌ରେ ଜାଡେଜାଙ୍କର ଆଙ୍ଗୁଠିରେ ଆଘାତ ଲାଗିଥିଲା । ଷ୍ଟାର୍କଙ୍କ ସର୍ଟ ପିଚ୍ ବୋଲିଂ ଜାଡେଜାଙ୍କ ଆଙ୍ଗୁଠିରେ ବାଜିଥିଲା । ଏହାକୁ ନେଇ ଦ୍ଵିତୀୟ ଇନିଂସରେ ବୋଲିଂ ବେଳେ ତାଙ୍କୁ ସମସ୍ୟା ହୋଇଥିଲା । ଆଙ୍ଗୁଠିରେ ଭୀଷଣ କଷ୍ଟ ଅନୁଭବ ହେବା ପରେ ଜାଡେଜାଙ୍କୁ ହସ୍ପିଟାଲ ନିଆଯାଇଥିଲା । ଜାଡେଜାଙ୍କର ଆଙ୍ଗୁଠି ଭାଙ୍ଗି ଯାଇଥିବା ଗଣମାଧ୍ୟମ ରିପୋର୍ଟରୁ ଜଣାପଡିଛି । ଏହି କାରଣରୁ ସିଡନୀ ଟେଷ୍ଟ ସହିତ ବ୍ରିସବେନ ଟେଷ୍ଟରୁ ମଧ୍ୟ ଜାଡେଜା ବାଦ୍ ପଡିଛନ୍ତି। ସେହି ପରି ବ୍ୟାଟିଂ ବେଳେ ଋଷଭ ପନ୍ତଙ୍କ କହୁଣୀରେ ଆଘାତ ଲାଗିଥିଲା । କିନ୍ତୁ ତାଙ୍କର ସ୍ୱାସ୍ଥ୍ୟବସ୍ଥା ଭଲ ରହିଛି । ଦ୍ଵିତୀୟ ଇନିଂସରେ ସେ ବ୍ୟାଟିଂ କରି ପାରନ୍ତି ବୋଲି ଆଶା କରାଯାଉଛି ।

Published On January 9, 2021