ରଣଜୀ ଟ୍ରଫି ଫାଇନାଲ: 41ଥରର ଚାମ୍ପିଅନ ମୁମ୍ବାଇକୁ ପରାସ୍ତ କଲା ମଧ୍ୟ ପ୍ରଦେଶ

ମଧ୍ୟ ପ୍ରଦେଶ ରବିବାର ରଣଜୀ ଟ୍ରଫି ଫାଇନାଲରେ 41 ଥର ଚାମ୍ପିଅନ ମୁମ୍ବାଇକୁ 6 ୱିକେଟରେ ପରାସ୍ତ କରି ଇତିହାସ ରଚିଛି । ଏଥି ସହିତ ନିଜ ରାଜ୍ୟର କ୍ରିକେଟ୍ ଇତିହାସରେ ପ୍ରଥମ ଥର ପାଇଁ ରଣଜୀ ଟ୍ରଫି ଟାଇଟଲ ଜିତିଛି ।

ବେଙ୍ଗାଲୁରୁ: ମଧ୍ୟ ପ୍ରଦେଶ ରବିବାର ରଣଜୀ ଟ୍ରଫି ଫାଇନାଲରେ 41 ଥର ଚାମ୍ପିଅନ ମୁମ୍ବାଇକୁ 6 ୱିକେଟରେ ପରାସ୍ତ କରି ଇତିହାସ ରଚିଛି । ଏଥି ସହିତ ନିଜ ରାଜ୍ୟର କ୍ରିକେଟ୍ ଇତିହାସରେ ପ୍ରଥମ ଥର ପାଇଁ ରଣଜୀ ଟ୍ରଫି ଟାଇଟଲ ଜିତିଛି । ମଧ୍ୟପ୍ରଦେଶ 4 ଟି ୱିକେଟ୍ ହରାଇ ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମରେ ଅନ୍ତିମ ଦିନରେ 108 ରନ ସଂଗ୍ରହ କରିଥିଲା। ମଧ୍ୟପ୍ରଦେଶ କ୍ରିକେଟ୍ ଇତିହାସରେ ଏହା ଏକ ସୁବର୍ଣ୍ଣ ଦିନ ଭାବେ ଗଣାଯିବ । ଆଦିତ୍ୟ ଶ୍ରୀବାସ୍ତବଙ୍କ ନେତୃତ୍ୱାଧୀନ ମଧ୍ୟପ୍ରଦେଶ ଦଳର ସଫଳତାର ଶ୍ରେୟ କୋଚ୍ ଚନ୍ଦ୍ରକାନ୍ତ ପଣ୍ଡିତଙ୍କୁ ଦିଆଯାଉଛି ।

ତେବେ ରଣଜୀ ଟ୍ରଫି 2022 ଫାଇନାଲରେ ଟସ୍ ଜିତିବା ପରେ ମୁମ୍ବାଇ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ମୁମ୍ବାଇ ପ୍ରଥମ ଇନିଂସ 374 ରନ୍ ପାଇଁ ଅଲଆଉଟ୍ ହୋଇଥିଲା। ଏହାର ଜବାବରେ ମଧ୍ୟପ୍ରଦେଶ ପ୍ରଥମ ଇନିଂସରେ 536 ରନ୍ ସଂଗ୍ରହ କରି ପ୍ରଥମ ଇନିଂସ ଆଧାରରେ 162 ରନର ଅଗ୍ରଣୀ ହାସଲ କରିଥିଲା ​। ଚତୁର୍ଥ ଦିନରେ ମୁମ୍ବାଇର ଦ୍ୱିତୀୟ ଇନିଂସ 269 ରନକୁ ହ୍ରାସ ପାଇଥିଲା । ଏହିପରି ଭାବରେ ମଧ୍ୟପ୍ରଦେଶ ଜିତିବା ପାଇଁ 108 ରନ୍ ଲକ୍ଷ୍ୟ ରହିଥିଲା । ଯାହାକୁ ଦଳ ଶେଷ ଦିନରେ 29.5 ଓଭରରେ 4 ୱିକେଟ ହରାଇ ହାସଲ କରି ନେଇଛି ।

କହିରଖୁ କି, ଆଜକୁ 23 ବର୍ଷ ପୂର୍ବେ ଅର୍ଥାତ 1998-99 ମସିହାରେ ମଧ୍ୟପ୍ରଦେଶର ଦଳ ରଣଜୀ ଟ୍ରଫିର ଫାଇନାଲରେ ପ୍ରବେଶ କରିଥିଲା ​​। ସେ ସମୟରେ ଦଳର ଅଧିନାୟକ ଥିଲେ ଚନ୍ଦ୍ରକାନ୍ତ ପଣ୍ଡିତ। କିନ୍ତୁ ଫାଇଲାନରେ ମଧ୍ୟପ୍ରଦେଶକୁ କର୍ଣ୍ଣାଟକ ହାତରେ ପରାଜୟର ସାମ୍ନା କରିବାକୁ ପଡିଲା। ବର୍ତ୍ତମାନ ମଧ୍ୟପ୍ରଦେଶର ରଣଜୀ ଟ୍ରଫି ଟାଇଟଲ୍ ମରୁଡ଼ି ସମାପ୍ତ ହୋଇଛି ଏବଂ ସେ ପ୍ରଥମ ଥର ପାଇଁ ଚାମ୍ପିଅନ୍ ହୋଇଛି । ରଣଜୀ ଟ୍ରଫି ଟାଇଟଲ ଜିତିଥିବା ମଧ୍ୟପ୍ରଦେଶ 20 ତମ ଦଳ ହୋଇଛି । ଏପର୍ଯ୍ୟନ୍ତ କେବଳ ଆଠଟି ଦଳ ଥରେ ରଣଜୀ ଟ୍ରଫି ଟାଇଟଲ ଜିତିଛନ୍ତି। ଏଥି ସହିତ, ଅନ୍ୟ 12ଟି ଦଳ ଅନେକ ଥର ରଣଜୀ ଟ୍ରଫି ଟାଇଟଲ ଜିତିଛନ୍ତି ।

English summary

Ranji Trophy Final: Madhya Pradesh created history by Beat 41-time Champions Mumbai