Rafael Nadal: ଟେନିସରୁ ଅବସର ଘୋଷଣା କଲେ ରାଫେଲ ନାଡାଲ

ଟେନିସରୁ ଆଉ ଏକ ଯୁଗର ଅନ୍ତ ହୋଇଛି । ୨୨ ଥର ଗ୍ରାଣ୍ଡସ୍ଲାମ ଚାମ୍ପିୟନ ରାଫେଲ ନାଡାଲ ଗୁରୁବାର ଏକ ଭିଡିଓ ମାଧ୍ୟମରେ ଅବସର ଘୋଷଣା କରିଛନ୍ତି। ଚଳିତ ସିଜିନ୍ ତାଙ୍କର ଶେଷ ସିଜିନ୍ ହେବ । ଦୁଇବର୍ଷ ତଳେ ସ୍ୱିଜରଲ୍ୟାଣ୍ଡର ରୋଜର ଫେଡେରର ଅବସର ନେଇଥିଲେ। ରୋଜର ୨୦ ଟି ଗ୍ରାଣ୍ଡସ୍ଲାମ ଜିତିଥିଲେ।।

ଯେଉଁ ଖେଳ ଦ୍ୱାରା ସେ ନିଜର ପରିଚୟ ସୃଷ୍ଟି କରିଥିଲେ ଓ ସର୍ବକାଳୀନ ସମସ୍ତଙ୍କ ପସନ୍ଦର ଖେଳାଳି ହୋଇ ପାରିଥିଲେ ଏବେ ସେ ସେହି ଖେଳକୁ ଅବଲିବାଦ କହିବାକୁ ଯାଉଛନ୍ତି। ନଭେମ୍ବର ମାସରେ ଅନୁଷ୍ଠିତ ହେବାକୁ ଥିବା ଡାଭିସ କପ ହେବ ସ୍ପେନ ପାଇଁ ତାଙ୍କର ଶେଷ ଟେନିସ ଟୁର୍ଣ୍ଣାମେଣ୍ଟ। ଏହାପରେ ସେ ଆଉ ଦେଶ ପାଇଁ ଟେନିସ ଖେଳୁଥିବାର କେହି ଦେଖିବାକୁ ପାଇବେ ନାହିଁ।

ଏହି ଷ୍ଟାର ଟେନିସ ଖେଳାଳି ଜଣଙ୍କ ରେକର୍ଡ ୧୪ ଥର ଫ୍ରେଞ୍ଚ ଓପନ ଜିତିଛନ୍ତି। ନାଡାଲଙ୍କ ନାଁରେ ମୋଟ ୯୨ ଏଟିପି ଟାଇଟଲ୍ସ ରହିଛି।

ଏହା ମଧ୍ୟରେ ୩୬ ମାଷ୍ଟର୍ସ ଟାଇଟଲ୍ସ ସହ ଗୋଟିଏ ଅଲିମ୍ପିକ୍ସ ମେଡାଲ ରହିଛି। ସିଙ୍ଗଲ୍ସରେ କ୍ୟାରିୟର ଗୋଲଡେନ ସ୍ଲାମ ଶେଷ କରିଥିବା ଟେନିସ ଇତିହାସର ୩ ଖେଳାଳିଙ୍କ ମଧ୍ୟରେ ମଧ୍ୟ ନାଡାଲ ରହିଛନ୍ତି।

ସୋସିଆଲ ମିଡିଆ ମାଧ୍ୟମରେ ନାଡାଲ ଏକ ପୋଷ୍ଟ ସେୟାର କରିଛନ୍ତି। ଏଥିରେ ସେ ତାଙ୍କର ସାମ୍ପ୍ରତିକ ସଂଘର୍ଷ ଏବଂ ଖେଳ ପାଇଁ ତାଙ୍କର ଶରୀର ଉପରେ କିପରି ପକାଇଥିଲା ବିଷୟରେ କହିଥିଲେ।

ନାଡାଲ କହିଛନ୍ତି, 'ମୁଁ ଅତ୍ୟଧିକ ଉତ୍ସାହିତ ଯେ ମୋର ଶେଷ ଟୁର୍ନାମେଣ୍ଟ ଡେଭିସ୍ କପ୍ ଫାଇନାଲ୍ ହେବ, ଯେଉଁଥିରେ ମୁଁ ଦେଶର ପ୍ରତିନିଧିତ୍ୱ କରିବି। ମୋର ବିଶ୍ୱାସ ଯେ ଜଣେ ପେସାଦାର ଟେନିସ୍ ଖେଳାଳି ଭାବରେ ମୋର ପ୍ରଥମ ବିଜୟର ଆନନ୍ଦ ପରେ ମୁଁ ବର୍ତ୍ତମାନ ପୂର୍ଣ୍ଣ ସର୍କଲର ଶେଷ ପର୍ଯ୍ୟାୟକୁ ଆସିଛି। 2004 ରେ ଡେଭିସ୍ କପ୍ ଫାଇନାଲ୍ ହୋଇଥିଲା। ମୁଁ ନିଜକୁ ସୁପର ସୁପର ଭାଗ୍ୟବାନ ମନେ କରେ ଯାହା ମୁଁ ବହୁତ ଅନୁଭବ କରିଛି।