ଲାଲ କିଲ୍ଲାରେ ସ୍ବତନ୍ତ୍ର ଅତିଥି ହେଲେ ଅଲିମ୍ପିକ୍ ଆଥଲେଟ୍ସ , ପ୍ରଶଂସା କଲେ ମୋଦୀ
ଦେଶର 75 ତମ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଖେଳାଳିମାନଙ୍କୁ ସମ୍ମାନ ଜଣାଇଛନ୍ତି। ଭାଷଣର ଆରମ୍ଭରେ ମୋଦୀ ଅଲିମ୍ପିକ୍ସରେ ପୁରସ୍କାର ଆଣିଥିବା କ୍ରୀଡ଼ାବିତମାନଙ୍କୁ ପ୍ରଶଂସା କରିଥିଲେ।
ନୂଆଦିଲ୍ଲୀ: ଦେଶର 75 ତମ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଖେଳାଳିମାନଙ୍କୁ ସମ୍ମାନ ଜଣାଇଛନ୍ତି। ଭାଷଣର ଆରମ୍ଭରେ ମୋଦୀ ଅଲିମ୍ପିକ୍ସରେ ପୁରସ୍କାର ଆଣିଥିବା କ୍ରୀଡ଼ାବିତମାନଙ୍କୁ ପ୍ରଶଂସା କରିଥିଲେ। ଆଥଲେଟ୍ସ, ଯୁବ ଶକ୍ତି ଏବଂ ଦେଶକୁ ଗୌରବାନୀତ କରିଥିବା ଖେଳାଳିମାନଙ୍କୁ ପ୍ରଶଂସା କରିଥିଲେ।
ମୋଦୀ କହିଛନ୍ତି, 'ଆମ ଖେଳାଳିଙ୍କ ସମ୍ମାନାର୍ଥେ, କିଛି କ୍ଷଣ ପାଇଁ କରତାଳି ଦେଇ ସେମାନଙ୍କୁ ସମ୍ମାନ ଦେବା । ଭାରତର ଖେଳକୁ ସମ୍ମାନ ଦିଅ, ଭାରତର ଯୁବ ପିଢିକୁ ସମ୍ମାନ ଦିଅ, ଯେଉଁମାନେ ଭାରତକୁ ଗର୍ବିତ କରିୁଛନ୍ତି ସେମାନଙ୍କୁ ସମ୍ମାନ ଦିଅ । ଏହା ପରେ ସମସ୍ତେ କରତାଳି ଦେଇ ଖେଳାଳିଙ୍କୁ ସମ୍ମାନ କରୁଥିଲେ। ଦେଶର ଏହି ସ୍ୱାଧୀନତା ଦିବସ ଅବସରରେ ଅଲିମ୍ପିକ୍ସରେ ଅଂଶଗ୍ରହଣ କରୁଥିବା ଖେଳାଳିଙ୍କୁ ଲାଲ କିଲ୍ଲାରେ ଆୟୋଜିତ କାର୍ଯ୍ୟକ୍ରମରେ ନିମନ୍ତ୍ରଣ କରାଯାଇଥିଲା।
ଅଲିମ୍ପିକ୍ସ ଯିବା ପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖେଳାଳିଙ୍କ ସହ କଥା ହୋଇଥିଲେ। ଏଥି ସହିତ ଅଲିମ୍ପିକ୍ସରେ ଖେଳାଳିଙ୍କ ପ୍ରଦର୍ଶନ ପରେ ସେମାନଙ୍କ ସହ କଥା ହୋଇଥିଲେ । ସେ ବ୍ରୋଞ୍ଜ ପଦକ ବିଜେତା ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ହୁଅନ୍ତୁ କିମ୍ବା ଭାରତୀୟ ପୁରୁଷ ହକି ଦଳ ଖେଳାଳି ହୁଅନ୍ତୁ । ମୋଦୀ ସ୍ୱର୍ଣ୍ଣ ପଦକ ଜିତିଥିବା ଜାଭେଲିନ୍ ଥ୍ରୋ ନୀରଜ ଚୋପ୍ରାଙ୍କ ସହ ମଧ୍ୟ କଥା ହୋଇଥିଲେ। ମୋଦୀ ପ୍ରତ୍ୟେକ ପଦକ ବିଜେତାଙ୍କ ସହ କଥା ହୋଇ ସେମାନଙ୍କୁ ଅଭିନନ୍ଦନ ଜଣାଇଛନ୍ତି।
ଏହା ନୁହେଁ ଯେ ମୋଦୀ କେବଳ ବିଜେତା ଖେଳାଳିଙ୍କ ସହ କଥା ହୋଇଥିଲେ, ବ୍ରୋଞ୍ଜ ପଦକରୁ ବଞ୍ଚିତ ହୋଇଥିବା ମହିଳା ହକି ଦଳ ସହ ମଧ୍ୟ କଥା ହୋଇଥିଲେ। ମୋଦୀ ସେହି ଦଳକୁ ଉତ୍ସାହିତ କରିଥିଲେ।
Click it and Unblock the Notifications
Sign in with Google