ଟିମ ଇଣ୍ଡିଆର ଏହି ଏକମାତ୍ର ଖେଳାଳିଙ୍କୁ ଦିଆଗଲାନି ବିଜୟୀ ପଦକ: କାରଣ ଜାଣିଲେ ହୋଇଯିବେ ଆଶ୍ଚର୍ଯ୍ୟ

ମହିଳା ବିଶ୍ୱକପ ୨୦୨୫ ଜିତି ଟିମ ଇଣ୍ଡିଆ ଇତିହାସ ରଚିଛି। ସାରା ବିଶ୍ୱରେ ଭାରତୀୟ ଖେଳାଳିଙ୍କ ବିଷୟରେ ଆଲୋଚନା ହେଉଛି। ବିଶ୍ୱକପ ଜିତିବା ପରେ, ସମସ୍ତ ଖେଳାଳିଙ୍କୁ କେବଳ ପୁରସ୍କାର ରାଶି ନୁହେଁ ବରଂ ପଦକ ମଧ୍ୟ ପ୍ରଦାନ କରାଯାଇଥିଲା। କିନ୍ତୁ ଆପଣ କ'ଣ ଜାଣନ୍ତି ଯେ ଟିମ ଇଣ୍ଡିଆର ଜଣେ ଖେଳାଳିଙ୍କୁ ବିଜୟୀ ପଦକ ଦିଆଯାଇ ନଥିଲା? ଆସନ୍ତୁ ଆମେ ଆପଣଙ୍କୁ କହିବା କାହିଁକି।

ଭାରତୀୟ ମହିଳା କ୍ରିକେଟ ଦଳ ICC ମହିଳା ବିଶ୍ୱକପ 2025 ଜିତିଥିଲା, ସେମାନଙ୍କୁ ଏକ ଚମକଦାର ଟ୍ରଫି ପ୍ରଦାନ କରାଯାଇଥିଲା। ସମସ୍ତ ଖେଳାଳିଙ୍କୁ ବିଜୟୀ ପଦକ ମିଳିଥିଲା, କିନ୍ତୁ ଜଣେ ଖେଳାଳିଙ୍କୁ ଗୋଟିଏ ମିଳି ନ ଥିଲା । ସେହି ଖେଳାଳି ଆଉ କେହି ନୁହଁନ୍ତି ବରଂ ପ୍ରତୀକା ରାୱଲ। ପ୍ରତୀକା ଏହି ବିଶ୍ୱକପରେ ମୋଟ ୩୦୮ ରନ କରିଥିଲେ। ଏଥିରେ ଗୋଟିଏ ଶତକ ଏବଂ ଗୋଟିଏ ଅର୍ଦ୍ଧଶତକ ଥିଲା।

ଏହାର କାରଣ ହେଉଛି ICCର ନିୟମ ବ୍ୟବସ୍ଥା। ସେମିଫାଇନାଲରେ ଆଘାତ ଯୋଗୁ ପ୍ରତୀକା ରାୱଲ ଟୁର୍ନାମେଣ୍ଟରୁ ବାଦ ପଡ଼ିଥିଲେ। ତାଙ୍କ ସ୍ଥାନରେ ଶେଫାଳି ବର୍ମାଙ୍କୁ ଦଳରେ ସାମିଲ କରାଯାଇଥିଲା। ICC ନିୟମ ଅନୁଯାୟୀ, ପୁରସ୍କାର ଉତ୍ସବରେ ବିଜୟୀ ପଦକ କେବଳ ଦଳରେ ସାମିଲ ଖେଳାଳିମାନଙ୍କୁ ଦିଆଯାଏ ଏବଂ ଏହି କାରଣରୁ ପ୍ରତୀକା ରାୱଲ ପଦକ ପାଇ ନ ଥିଲେ।

ଫାଇନାଲରେ ଦକ୍ଷିଣ ଆଫ୍ରିକାକୁ ୫୨ ରନରେ ପରାସ୍ତ କରି ଟିମ ଇଣ୍ଡିଆ ପ୍ରଥମ ଥର ପାଇଁ ଟାଇଟଲ ଜିତିଥିଲା। ଯଦିଓ ପ୍ରତିକା ରାୱଲ ଆଘାତ ଯୋଗୁ ବିଶ୍ୱକପ ଟୁର୍ନାମେଣ୍ଟରୁ ବାଦ ପଡ଼ିଥିଲେ, ବିଜୟ ସମୟରେ ଟିମ ଇଣ୍ଡିଆ ତାଙ୍କ ସାଥୀଙ୍କୁ ଭୁଲି ନ ଥିଲା। ବିଶ୍ୱକପ ଫାଇନାଲ ସମୟରେ ପ୍ରତୀକା ରାୱଲଙ୍କୁ ଦଳ ସହିତ ବସିଥିବାର ଦେଖାଯାଇଥିଲା। ଯେତେବେଳେ ଟିମ ଇଣ୍ଡିଆ ବିଶ୍ୱକପ ଟ୍ରଫି ଜିତିଥିଲା, ସେତେବେଳେ ପ୍ରତୀକା ମଧ୍ୟ ଉତ୍ସବ ପାଳନରେ ଉପସ୍ଥିତ ଥିଲେ। ପ୍ରତୀକା ତାଙ୍କ ସାଥୀ ଖେଳାଳିମାନଙ୍କ ସହିତ ହ୍ବିଲଚେୟାରରୁ ଠିଆ ହୋଇ ଭାଙ୍ଗଡ଼ା ନାଚିଥିଲେ।

ପ୍ରତୀକା ରାୱଲଙ୍କ ସ୍ଥ‌ାନ ନେଇଥିଲେ ଶେଫାଳି
ବିଶ୍ୱକପ୍ ଫାଇନାଲ ଜିତାଇବାରେ ଗୁରୁତ୍ବପୂର୍ଣ୍ଣ ଭୂମିକା ନିଭାଇଥିବା ଶେଫାଳିଙ୍କୁ ପ୍ରତୀକା ରାୱଲଙ୍କ ସ୍ଥାନରେ ଟିମ୍‌ରେ ସାମିଲ କରାଯାଇଥିଲା। ପ୍ରତୀକାଙ୍କ ଗୋଡ଼ରେ ଆଘାତ ଲାଗିବା ପରେ ସେ ଟିମ୍‌ରୁ ବାହାର ହୋଇଥିଲେ।ସେମିଫାଇନାଲ ପୂର୍ବରୁ, ପ୍ରତୀକା ଆହତ ହେବାରୁ ଘରୋଇ ଟି୨୦ ସିରିଜ ଖେଳୁଥିବା ଶେଫାଳିଙ୍କୁ ତୁରନ୍ତ ଡକାଯାଇଥିଲା ଏବଂ ସେ ଟିମ୍ ଇଣ୍ଡିଆରେ ଯୋଗ ଦେଇଥିଲେ। ସେମିଫାଇନାଲରେ ଶେଫାଳି ଭଳ ବ୍ୟାଟିଂ କରିନଥିଲେ ବି ଫାଇନାଲରେ ସେ ଉଭୟ ବ୍ୟାଟିଂ ଓ ବୋଲିଂରେ ଚମତ୍କାର ପ୍ରଦର୍ଶନ କରିଥିଲେ।

ଶେଫାଳିଙ୍କ ପାଇଁ ଫେରିବା ସହଜ ନଥିଲା
ଯେତେବେଳେ ଶେଫାଳି ବର୍ମା ଭାରତୀୟ ଦଳ ପାଇଁ ଡେବ୍ୟୁ କରିଥିଲେ, ତାଙ୍କର ଆକ୍ରମଣାତ୍ମକ ବ୍ୟାଟିଂ ବୀରେନ୍ଦ୍ର ସେହୱାଗଙ୍କ ସହ ତୁଳନା କରାଯାଇଥିଲା। ଆରମ୍ଭରୁ ହିଁ ସେ ନିଜ ବୋଲିଂ ମାଧ୍ୟମରେ ବୋଲରଙ୍କ ମଧ୍ୟରେ ଭୟ ସୃଷ୍ଟି କରିଥିଲେ। କିନ୍ତୁ ଭଲ ବ୍ୟାଟିଂ ନକରିପାରିବାରୁ ତାଙ୍କୁ ଦଳରୁ ବାହାର କରିଦିଆଯାଇଥିଲା। ଲଗାତାର ବିଫଳତା ଯୋଗୁଁ, ୨୦୨୪ରେ ଅଷ୍ଟ୍ରେଲିଆ ଗସ୍ତରୁ ତାଙ୍କୁ ବାଦ ଦିଆଯାଇଥିଲା। ଏହାକୁ ଗ୍ରହଣ କରିବା ଶେଫାଳିଙ୍କ ପାଇଁ ସହଜ ସମୟ ନଥିଲା। କାରଣ ଦଳରୁ ବାଦ ପଡ଼ିବାର ମାତ୍ର ଦୁଇ ଦିନ ପୂର୍ବରୁ ତାଙ୍କ ବାପା ହୃଦଘାତର ଶିକାର ହୋଇଥିଲେ। ଏଥିପାଇଁ ତୁରନ୍ତ ବାପାଙ୍କୁ ଏହା ବିଷୟରେ ନଜଣାଇ ସେ ଗୋଟିଏ ସପ୍ତାହ ପରେ ତାଙ୍କୁ ଏ ଖବର ଦେଇଥିଲେ। ଦଳରୁ ବାଦ ପଡ଼ିବା ଏବଂ ତା'ପରେ ବାପାଙ୍କ ହୃଦଘାତ ଶେଫାଳିଙ୍କୁ ଭାଙ୍ଗି ଦେଇଥିଲା। କିନ୍ତୁ ସେ ହାର ମାନି ନଥିଲେ ଏବଂ ଘରୋଇ କ୍ରିକେଟକୁ ଫେରିବା ପାଇଁ କଠିନ ପରିଶ୍ରମ କରିଥିଲେ। ପରିଶ୍ରମ କରି ସେ କେବଳ ତାଙ୍କର ଫର୍ମକୁ ଫେରି ନଥିଲେ ବରଂ ତାଙ୍କର ଫିଟନେସରେ ମଧ୍ୟ ଉନ୍ନତି ଆଣିଥିଲେ, ଯାହା ବିଶ୍ୱକପ୍ ଫାଇନାଲରେ ସ୍ପଷ୍ଟ ହୋଇଥିଲା।