ବ୍ରିଜଭୂଷଣଙ୍କ ବିରୋଧରେ ହଟିପାରେ ପୋକ୍ସୋ ଆକ୍ଟ ! ଜାଣନ୍ତୁ, କାରଣ...

Wrestlers Protest, Brij Bhushan Singh: ବିଜେପି ସାଂସଦ ତଥା ଭାରତୀୟ କୁସ୍ତି ମହାସଂଘର ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ବିରୋଧରେ ହଟିପାରେ ପୋକ୍ସୋ ଆକ୍ଟ । କାରଣ ବ୍ରିଜଭୂଷଣଙ୍କ ବିରୋଧରେ ଯୌନ ଶୋଷଣ ଅଭିଯୋଗ ଆଣିଥିବା ନାବାଳିକା କୁସ୍ତିଯୋଦ୍ଧା ଜଣଙ୍କ ପ୍ରକୃତରେ ସାବାଳିକା ବୋଲି ସୂଚନା ମିଳିଛି । ତେଣୁ ତାଙ୍କ ବିରୋଧରେ ଲାଗିଥିବା ପୋକ୍ସୋ ଆକ୍ଟ ହଟାଇ ଦିଆଯାଇ ପାରେ ବୋଲି ପୋଲିସି କହିଛି ।

ତେବେ ବର୍ତ୍ତମାନ ଦିଲ୍ଲୀ ପୋଲିସର ଯାଞ୍ଚରେବଡ଼ ଖୁଲାସା ହୋଇଛି । ବିଷଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ, ଅଭିଯୋଗ ଲଗାଇଥିବା ମହିଳା କୁସ୍ତି ଯୋଦ୍ଧା ଅଭିଯୋଗ ଲଗାଇଲା ବେଳେ ତାଙ୍କ ୨ ବର୍ଷ କମାଇ ଦେଇଥିଲେ । ବର୍ତ୍ତମାନ ଏହି ଘଟଣା ସାମ୍ନାକୁ ଆସିବା ପରେ କୁସ୍ତି ଯୋଦ୍ଧାଙ୍କ ଧାରଣାକୁ ନେଇ ପ୍ରଶ୍ନ ଉଠିଛି। ତେବେ ଯଦି ପୋଲିସର ତଦନ୍ତ ସତ ହୁଏ ତେବେ ବ୍ରିଜ ଭୂଷଣଙ୍କ ବିରୋଧରେ ଲାଗିଥିବା ପୋକ୍ସୋ ଆକ୍ଟ ହଟାଇ ଦିଆଯାଇ ପାରେ ।

ଅନ୍ୟପଟେ ବ୍ରିଜଭୂଷଣ ସିଂଙ୍କୁ ଗିରଫ କରିବା ପାଇଁ ଏପର୍ଯ୍ୟନ୍ତ ପର୍ଯ୍ୟାପ୍ତ ପ୍ରମାଣ ମିଳିପାରି ନାହିଁ ବୋଲି ଆଜି (ବୁଧବାର) ଦିଲ୍ଲୀ ପୋଲିସ କହିଛି । ଏଥି ସହିତ ଦିଲ୍ଲୀ ପୋଲିସ କହିଛି ଯେ, କୁସ୍ତିଯୋଦ୍ଧାଙ୍କ ଦାବିକୁ ପ୍ରମାଣିତ କରିବା ପାଇଁ ଆମ ପାଖରେ କୌଣସି ସୁରାଗ ନାହିଁ, ତେଣୁ ବ୍ରିଜଭୂଷଣଙ୍କୁ ଗିରଫ କରାଯାଇ ପାରିବ ନାହିଁ ।

ବର୍ତ୍ତମାନ ପର୍ଯ୍ୟନ୍ତ ବ୍ରିଜ ଭୂଷଣ ସିଂଙ୍କୁ ଗିରଫ କରିବା ପାଇଁ ଆମେ ପର୍ଯ୍ୟାପ୍ତ ପ୍ରମାଣ ପାଇନାହୁଁ । ୧୫ ଦିନ ମଧ୍ୟରେ ଆମେ କୋର୍ଟରେ ଆମର ରିପୋର୍ଟ ଦାଖଲ କରିବୁ । ଏହା ଚାର୍ଜସିଟ୍ କିମ୍ବା ଅନ୍ତିମ ରିପୋର୍ଟ ଆକାରରେ ହୋଇପାରେ । କୁସ୍ତିମାନଙ୍କ ଦାବିକୁ ପ୍ରମାଣ କରିବାକୁ କୌଣସି ସହାୟକ ପ୍ରମାଣ ନାହିଁ ବୋଲି ଦିଲ୍ଲୀ ପୋଲିସର ଟପ୍ ସୋର୍ସ ନ୍ୟୁଜ୍ ଏଜେନ୍ସି ANI କୁ କହିଛି ।

ଉଲ୍ଲେଖଥାଉ କି, ନାବାଳିକା କୁସ୍ତି ଯୋଦ୍ଧା ବ୍ରଜି ଭୂଷଣଙ୍କ ବିରୋଧରେ ଯୌନ ଶୋଷଣର ଅଭିଯୋଗ ଆଣିବା ପରେ ମହିଳା କୁସ୍ତି ଯୋଦ୍ଧାମାନେ ଆନ୍ଦୋଳନ ଜାରି ରଖିଛନ୍ତି । କୁସ୍ତିଯୋଦ୍ଧାଙ୍କ ଆନ୍ଦୋଳନକୁ ଆଜି ୩୯ ଦିନ ପୂରିଛି । ମେ ୨୮ ତାରିଖରେ ନୂଆ ସଂସଦ ଭବନ ଉଦଘାଟନ ସମୟରେ କୁସ୍ତିଯୋଦ୍ଧାମାନେ ମହିଳା ପହଞ୍ଚାୟତ ବସାଇବାକୁ ଯାଉଥିବା ବେଳେ ଦିଲ୍ଲୀ ପୋଲିସ ସେମାନଙ୍କୁ ଗିରଫ କରିବା ସହ ଯନ୍ତରମନ୍ତରରୁ ସେମାନଙ୍କୁ ହଟାଇ ଦିଆଯାଇଥିଲା ।

ପରେ ଗତାକାଲି (ମଙ୍ଗଳବାର) ସାକ୍ଷୀ ମଲ୍ଲିକ, ଭିନେଶ ଫୋଗାଟ ଓ ବଜରଙ୍ଗ ପୁନିଆ ସମେତ ଅନେକ କୁସ୍ତିଯୋଦ୍ଧା ସେମାନେ ପାଇଥିବା ପଦକକୁ ଗଙ୍ଗାରେ ଭସାଇ ଦେବାକୁ ହରିଦ୍ୱାର ଯାତ୍ରା କରିଥିଲେ । ହେଲେ ଚାଷୀନେତା ନରେଶ ଟିକାୟତ ସେମାନଙ୍କୁ ବୁଝାସୁଝା କରିବା ପରେ କୁସ୍ତିଯୋଦ୍ଧାମାନେ ନରେଶ ଟିକାୟତଙ୍କୁ ପଦକ ହସ୍ତାନ୍ତର କରିଥିଲେ । ଏହା ସହିତ କୁସ୍ତିଯୋଦ୍ଧାମାନେ ସଂପୃକ୍ତ କର୍ତ୍ତୁପକ୍ଷଙ୍କୁ ୫ ଦିନ ସମୟ ଦେଇଛନ୍ତି ।

English summary

POCSO Act May Withdraw Against Brij Bhushan Singh !