ଚେନ୍ନାଇ ସୁପର କିଙ୍ଗ୍ସରେ ଓଡିଆ ପୁଅ ଶୁଭ୍ରାଂଶୁ ସେନାପତି
ବେଙ୍ଗଳୁରୁ: ଆଇପିଏଲ 2022ର ମେଗା ନିଲାମ ପ୍ରକ୍ରିୟାରେ ଯୋଡି ହୋଇଛି ଓଡିଆ କ୍ରିକେଟ ଖେଳାଳିଙ୍କ ନାମ । ଆଇପିଏଲ ଖେଳିବେ ଓଡ଼ିଆ ପୁଅ । ବେଙ୍ଗଳୁରୁରେ ଚାଲିଥିବା ଆଇପିଏଲ୍ ନିଲାମିର ଦ୍ୱିତୀୟ ଦିନରେ ଓଡ଼ିଆ ପୁଅ ଶୁଭ୍ରାଂଶୁଙ୍କୁ କିଣିଛି ଚେନ୍ନାଇ ସୁପର କିଙ୍ଗସ । ନିଲାମରେ ଶୁଭ୍ରାଂଶୁଙ୍କ ବେସ ପ୍ରାଇସ ଥିଲା 20 ଲକ୍ଷ ଟଙ୍କା । ଏହି ବେସ୍ ପ୍ରାଇସ୍ ୨୦ ଲକ୍ଷ ଟଙ୍କାରେ କିଣିଛି ଚେନ୍ନାଇ ସୁପର୍ କିଙ୍ଗ୍ସ ।
ଶୁଭ୍ରାଂଶୁ ଏବେ ଓଡ଼ିଶା ରଣଜୀ ଟିମର ଅଧିନାୟକ ଅଛନ୍ତି । ବିଜୟ ହଜାରେ ଟ୍ରଫି ଏବଂ ସୟଦ ମୁସ୍ତାକ ଅଲି ଟ୍ରଫିରେ ଶୁଭାଂଶୁଙ୍କ ଭଲ ପ୍ରଦର୍ଶନ ପରେ ଚେନ୍ନାଇ ଟିମ୍ ଟ୍ରାଏଲ୍ ପାଇଁ ଡାକିଥିଲା । ଆଇପିଏଲ୍ ୨୦୦୮ ସଂସ୍କରଣରେ ପ୍ରଥମ ଓଡ଼ିଆ ଖେଳାଳି ଭାବେ ହଳଧର ଦାସଙ୍କୁ କିଣିଥିଲା ଡେକ୍କାନ ଚାର୍ଜର୍ସ । ତାପରେ ବିପ୍ଲବ ସାମନ୍ତରାୟ ଡେକ୍କାନ ଚାର୍ଜର୍ସରେ ସାମିଲ୍ ହୋଇଥିଲେ । ସିଏସକେର ଅଧିନାୟକ ଧୋନିଙ୍କ ଟିମରେ ଆଇପିଏଲ୍ ଖେଳିବେ ଶୁଭ୍ରାଂଶୁ ।
Click it and Unblock the Notifications
Sign in with Google