ବିଶ୍ବକପ ମହାସମରରେ ଆଜିଠୁ ଭାରତର ଅଭିଯାନ: ଅଷ୍ଟ୍ରେଲିଆକୁ ଭେଟିବ ଟିମ୍ ଇଣ୍ଡିଆ
ବିଶ୍ବକପରେ ଆଜିଠୁ ଆରମ୍ଭ ହେବ ଭାରତର ଅଭିଯାନ । ଅଷ୍ଟ୍ରେଲିଆକୁ ଭେଟିବ ଟିମ୍ ଇଣ୍ଡିଆ । ବିଶ୍ୱକପ ଜିତିବା ପାଇଁ ଉଭୟ ଅଷ୍ଟ୍ରେଲିଆ ଏବଂ ଭାରତ ରେସରେ ଅଛନ୍ତି। ତେବେ ଚଳିତ ବର୍ଷ ଉଭୟ ଦଳ ବିଶ୍ୱକପରେ ଗୋଟିଏ ବି ମ୍ୟାଚ୍ ଖେଳି ନାହାଁନ୍ତି । ଭାରତ ଏବଂ ଅଷ୍ଟ୍ରେଲିଆ ସେମାନଙ୍କର ପ୍ରଥମ ମ୍ୟାଚ୍ ଆଜି (8 ଅକ୍ଟୋବର ) ଅର୍ଥାତ୍ ରବିବାର ଖେଳିବାକୁ ଯାଉଛନ୍ତି । ଚେନ୍ନାଇରେ ଏହି ଦୁଇଜଣଙ୍କ ମଧ୍ୟରେ କଡ଼ା ପ୍ରତିଯୋଗିତା ହେବ ।
ବିଶ୍ବକପରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ୧୨ ଥର ମୁକାବିଲା ହୋଇଥିବା ବେଳେ ଭାରତ ୪ଥର ଓ ଅଷ୍ଟ୍ରେଲିଆ ୮ ଥର ଜିତିଛି ।ସେହିପରି ମୋଟ ୧୪୯ଟି ଦିନିକିଆ ମ୍ୟାଚ ଖେଳାଯାଇଥିବା ବେଳେ ଭାରତ ୫୬ ଟି ମ୍ୟାଚରେ ବିଜୟ ହୋଇଛି । ଅଷ୍ଟ୍ରେଲିଆ ୮୩ ଟି ମ୍ୟାଚରେ ବିଜୟ ହୋଇଥିବା ବେଳେ ୧୦ ଟି ମ୍ୟାଚର ଫଳାଫଳ ବାହାରିନି ।
ଅଷ୍ଟ୍ରେଲିଆ ହାରି ଯାଇଥିଲା:
ଭାରତ ବିପକ୍ଷ ODI ସିରିଜରେ ଅଷ୍ଟ୍ରେଲିଆ ପରାଜୟର ସମ୍ମୁଖୀନ ହୋଇଛି । ଅନ୍ୟପକ୍ଷରେ ଭାରତୀୟ ଦଳ କିଛି ସମୟ ଧରି ଭଲ ପ୍ରଦର୍ଶନ କରି ଆସୁଛି । ଭାରତୀୟ ଦଳ ନିକଟରେ ଅଷ୍ଟମ ଥର ପାଇଁ ଏସିଆ କପ୍ ଟ୍ରଫି ଜିତିଛି । ଫାଇନାଲରେ ଶ୍ରୀଲଙ୍କାକୁ ଏକପାଖିଆ ଭାବେ ପରାସ୍ତ କରି ଭାରତ ଏହି ଟ୍ରଫିକୁ କବଜା କରିଥିଲା। ଏସିଆ କପ୍ ଜିତିବା ପରେ ଭାରତ ତିନି ମ୍ୟାଚ୍ ବିଶିଷ୍ଟ ସିରିଜରେ ଅଷ୍ଟ୍ରେଲିଆକୁ ପରାସ୍ତ କରିଛି । ବର୍ତ୍ତମାନ ବିଶ୍ୱକପ୍ରେ ଭଲ ପ୍ରଦର୍ଶନ କରିବାକୁ ଭାରତର ନଜର ରହିବ ।
କ୍ୟାପଟେନ ରୋହିତ କାହାକୁ ସୁଯୋଗ ଦେବେ: ଶୁଭମାନ ଗିଲ ପ୍ରଥମ ମ୍ୟାଚରେ ଖେଳିବେ କି ନାହିଁ ତାହା ଉପରେ ଏବେ ମଧ୍ୟ ସନ୍ଦେହ ରହିଛି। ତେବେ ମ୍ୟାଚ୍ ପୂର୍ବରୁ ରୋହିତ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଶୁଭମାନ ଗିଲଙ୍କୁ ଏପର୍ଯ୍ୟନ୍ତ ଏଡ଼ାଇ ନାହାଁନ୍ତି ଏବଂ ଟସ୍ ପୂର୍ବରୁ ତାଙ୍କ ଖେଳ ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ । ରୋହିତ ଶର୍ମାଙ୍କ ବ୍ୟତୀତ ପୂର୍ବତନ ଅଧିନାୟକ ବିରାଟ କୋହଲିଙ୍କ ବ୍ୟାଟରୁ ରନ୍ ଆଶା କରାଯାଏ । ଅଷ୍ଟ୍ରେଲିଆ ବିପକ୍ଷରେ କୋହଲିଙ୍କ ରେକର୍ଡ ଅତ୍ୟନ୍ତ ଭଲ । ବିଶ୍ୱକପ ପରି ଏକ ବଡ ମଞ୍ଚରେ ବିରାଟ କୋହଲିଙ୍କ ବ୍ୟାଟ୍ ବହୁତ ଶବ୍ଦ କରିଥାଏ । ବିରାଟ କୋହଲିଙ୍କ ପ୍ରଦର୍ଶନ ପ୍ରଶଂସକଙ୍କ ନଜରରେ ରହିବ ।
କେ.ଏଲ୍ ରାହୁଲଙ୍କ ଉପରେ ନଜର: କେ.ଏଲ୍ ରାହୁଲ ଏସିଆ କପ୍ ରେ ଭଲ ପ୍ରଦର୍ଶନ କରି ସମସ୍ତଙ୍କୁ ପ୍ରଭାବିତ କରିଥିଲେ । ଏସିଆ କପ୍ରେ ପାକିସ୍ତାନ ବିପକ୍ଷ ପ୍ରଥମ ମ୍ୟାଚରେ ଶତକ ହାସଲ କରି ରାହୁଲ ସମାଲୋଚକମାନଙ୍କୁ ଚୁପ୍ କରିଦେଇଥିଲେ। ବିଶ୍ୱକପ୍ରେ କେ.ଏଲ୍ ରାହୁଲଙ୍କ ଠାରୁ ଟିମ୍ ଇଣ୍ଡିଆର ବଡ଼ ଆଶା ରହିବ। ସେହିପରି ଜସପ୍ରୀତ ବୁମ୍ରା ଏବଂ ମହମ୍ମଦ ସିରାଜ ନୂଆ ବଲ ସହ ଭାରତ ପାଇଁ ୱିକେଟ୍ ନେବାକୁ ଚେଷ୍ଟା କରିବେ ।
ବିପକ୍ଷ ଦଳ ପାଇଁ ଜସପ୍ରୀତ ବୁମ୍ରା ମାରାତ୍ମକ ବୋଲର ବୋଲି ପ୍ରମାଣ କରିପାରନ୍ତି। ଯେତେବେଳେ କି ମହମ୍ମଦ ସିରାଜ କିଛି ସମୟ ପାଇଁ ପ୍ରଥମ ୧୦ ଓଭରରେ ସର୍ବାଧିକ ୱିକେଟ୍ ନେଇଥିବା ବୋଲର ରହିଛନ୍ତି । ଉଭୟ ବୋଲରଙ୍କ ବ୍ୟତୀତ ଭାରତ ସ୍ପିନର କୁଲଦୀପ ଯାଦବଙ୍କଠାରୁ ଆଶା ପାଇବ। କୁଲଦୀପ ଯାଦବ ତାଙ୍କ ସ୍ପିନର ଯାଦୁରେ ଅଷ୍ଟ୍ରେଲିଆକୁ ଜାଲରେ ଫସାଇବାକୁ ଚେଷ୍ଟା କରିବେ । ଏଭଳି ପରିସ୍ଥିତିରେ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ କୁଲଦୀପ ଯାଦବଙ୍କ ବିପକ୍ଷରେ ଯତ୍ନର ସହ ଖେଳିବାକୁ ପଡ଼ିବ ।
କ୍ରିକବଜ୍ ରିପୋର୍ଟ ଅନୁଯାୟୀ ଶୁଭମନ ଗିଲ ଅଷ୍ଟ୍ରେଲିଆ ବିପକ୍ଷ ପ୍ରଥମ ମ୍ୟାଚରୁ ବାଦ ପଡିପାରନ୍ତି । ସେ ଦ୍ୱିତୀୟ ମ୍ୟାଚରୁ ମଧ୍ୟ ବାହାରେ ରହିପାରନ୍ତି । ତେବେ ଗିଲ ବାଦ୍ ପଡ଼ିବା ପରେ ୱିକେଟକିପର ବ୍ୟାଟ୍ସମ୍ୟାନ୍ ଇଶାନ କିଷନ ଏକ ସୁଯୋଗ ପାଇ ପାରନ୍ତି । ସେ ରୋହିତ ଶର୍ମାଙ୍କ ସହ ଓପନ କରୁଥିବାର ନଜର ଆସିବେ ।
ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, 3ଜଣ ସ୍ପିନରଙ୍କ ସହ ଭାରତ ଅଷ୍ଟ୍ରେଲିଆ ବିପକ୍ଷରେ ପଡ଼ିଆକୁ ଓହ୍ଲାଇ ପାରେ । ଅଭିଜ୍ଞ ସ୍ପିନର ରବିଚନ୍ଦ୍ରନ ଅଶ୍ୱିନ, କୁଲଦୀପ ଯାଦବ ଏବଂ ରବିନ୍ଦ୍ର ଜାଡେଜାଙ୍କ ସହ ରୋହିତ ଶର୍ମା ଯାଇପାରନ୍ତି । ତେବେ ଜାଡେଜା ଏବଂ ଅଶ୍ୱିନଙ୍କୁ ଅନେକ ମାସ ପରେ ପଡ଼ିଆରେ ଦେଖିବାକୁ ମିଳିବ । ତେବେ ପ୍ରଥମ ମ୍ୟାଚରେ ଦଳ କେଉଁ ଖେଳାଳିଙ୍କୁ ସୁଯୋଗ ଦେବ, ତାହା ଦେଖିବା ମଜାଦାର ହେବ ।
ସମ୍ଭାବ୍ୟ ଏକାଦଶ
ଭାରତର ଏକାଦଶ : ରୋହିତ ଶର୍ମା (ଅଧିନାୟକ), ଇଶାନ କିଶନ, ବିରାଟ କୋହଲି, କେ.ଏଲ୍ ରାହୁଲ, ଶ୍ରେୟସ୍ ଆୟର, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଆର ଅଶ୍ୱିନ, କୁଲଦୀପ ଯାଦବ, ମହମ୍ମଦ ସିରାଜ, ଜସପ୍ରୀତ ବୁମ୍ରା
ଅଷ୍ଟ୍ରେଲିଆର ଏକାଦଶ: ପ୍ୟାଟ୍ କମିନ୍ସ (ଅଧିନାୟକ), ଷ୍ଟିଭ୍ ସ୍ମିଥ୍, ଆଲେକ୍ସ କେରି, କ୍ୟାମେରନ୍ ଗ୍ରୀନ୍, ଜୋସ୍ ହାଜଲେଉଡ୍, ମିଚେଲ ମାର୍ଶ, ଗ୍ଲେନ୍ ମ୍ୟାକ୍ସୱେଲ, ମାର୍କସ୍ ଷ୍ଟୋନିସ୍, ଡେଭିଡ ୱାର୍ଣ୍ଣର, ଆଡାମ ଜାମ୍ପା, ମିଚେଲ ଷ୍ଟାର୍କ
Click it and Unblock the Notifications
Sign in with Google