ବିଶ୍ବକପ ୨୦୨୩ରେ ହେବନି ଭାରତ-ପାକ୍ ଫାଇଟ୍
ଭାରତରେ ଖେଳାଯିବାକୁ ଥିବା ଆଗାମୀ ୨୦୨୩ ଦିନିକିଆ ବିଶ୍ବକପରେ ମୁହାଁମୁହିଁ ହୋଇ ନପାରନ୍ତି ଭାରତ-ପାକିସ୍ତାନ। ଭାରତରେ ହେବାକୁ ଥିବା ବିଶ୍ବକପ୍ରେ ପାକିସ୍ତାନ ଅଂଶଗ୍ରହଣ କରିବ ନାହିଁ ବୋଲି ପିସିବି ଅଧ୍ୟକ୍ଷ ନଜମ ସେଠୀ ଭାରତକୁ ଧମକ ଦେଇଛନ୍ତି ।
ନୂଆଦିଲ୍ଲୀ: ଭାରତରେ ଖେଳାଯିବାକୁ ଥିବା ଆଗାମୀ ୨୦୨୩ ଦିନିକିଆ ବିଶ୍ବକପରେ ମୁହାଁମୁହିଁ ହୋଇ ନପାରନ୍ତି ଭାରତ-ପାକିସ୍ତାନ। ଭାରତରେ ହେବାକୁ ଥିବା ବିଶ୍ବକପ୍ରେ ପାକିସ୍ତାନ ଅଂଶଗ୍ରହଣ କରିବ ନାହିଁ ବୋଲି ପିସିବି ଅଧ୍ୟକ୍ଷ ନଜମ ସେଠୀ ଭାରତକୁ ଧମକ ଦେଇଛନ୍ତି ।
କିଛି ପାକିସ୍ତାନୀ ଚ୍ୟାନେଲ ଅନୁଯାୟୀ, ଏସିସି ବୈଠକରେ ପିସିବି ମୁଖ୍ୟ ନଜାମ ସେଠୀ ଜୟ ଶାହାଙ୍କୁ ଭେଟି ତାଙ୍କୁ ପାକିସ୍ତାନର ନିଷ୍ପତ୍ତି ବିଷୟରେ ଅବଗତ କରାଇଛନ୍ତି । ଗତ ବର୍ଷ ରମିଜ ରାଜାଙ୍କ ସ୍ଥାନ ନେଇଥିବା ନଜାମ ସେଠୀ କହିଛନ୍ତି ଯେ, "ଯଦି ଆପଣ ପାକିସ୍ତାନରେ ଖେଳିବାକୁ ଆସୁ ନାହାଁନ୍ତି, ତେବେ ଆମେ ଭାରତରେ ମଧ୍ୟ ଖେଳିବାକୁ ଯିବୁ ନାହିଁ । ୨୦୨୩ ବିଶ୍ୱକପରେ ପାକିସ୍ତାନ ରହିବ ନାହିଁ ।"
କହିରଖୁ କି, ଚଳିତ ବର୍ଷ ସେପ୍ଟେମ୍ବରରେ ପାକିସ୍ତାନ ଆୟୋଜିତ ହେବାକୁ ଥିବା ଏସିଆ କପ୍ ୨୦୨୩ ରେ ଭାଗ ନେବାକୁ ଭାରତୀୟ ଦଳ ପାକିସ୍ତାନ ଗସ୍ତ କରି ନପାରେ । ଯଦି ଦୁଇ କ୍ରିକେଟ୍ ବୋର୍ଡ ମଧ୍ୟରେ ଏସିଆ କପ୍ ସମସ୍ୟାର ସମାଧାନ ନହୁଏ ତେବେ ଚଳିତ ବର୍ଷ ଭାରତରେ ଆୟୋଜିତ ହେବାକୁ ଥିବା ୫୦ ଓଭର ବିଶ୍ୱକପକୁ ପାକିସ୍ତାନ ବର୍ଜନ କରିବ।
Click it and Unblock the Notifications
Sign in with Google