ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ନିକୋଲାସ ପୂରନ

ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି ଓ୍ବେଷ୍ଟଇଣ୍ଡିଜ କ୍ରିକେଟ ଦଳର ଧୂଆଁଧାର ବ୍ୟାଟ୍ସମ୍ୟାନ ନିକୋଲାସ ପୂରନ। ଇନଷ୍ଟାଗ୍ରାମରେ ଏକ ପୋଷ୍ଟ ଜରିଆରେ ସେ ଏହି ସୂଚନା ଦେଇଛନ୍ତି। ମାତ୍ର ୨୯ ବର୍ଷ ବୟସରେ ପୂରନ ଅବସର ଘୋଷଣା କରି କ୍ରିକେଟ ଜଗତକୁ ଚକ୍କିତ କରିଛନ୍ତି। ଆଉ ୮ ମାସ ପରେ ଟି-୨୦ ବିଶ୍ଵକପ ଅନୁଷ୍ଠିତ ହେବାକୁ ଥିବାବେଳେ ପୂରନଙ୍କ ଏହି ନିଷ୍ପତ୍ତି ଦଳକୁ ଚିନ୍ତାରେ ପକାଇଛି।

ଏହି ନିଷ୍ପତ୍ତି ଅତ୍ୟନ୍ତ କଠିନ ଥିଲା। ଅନେକ ଚିନ୍ତା କରିବା ପରେ ସେ ଅବସର ନେବାକୁ ନିଷ୍ପତ୍ତି ନେଇଥିଲେ' ବୋଲି ପୂରନ କହିଛନ୍ତି। ପୂରନ ୨୦୧୬ରେ ଦିନିକିଆ ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ। ପୂରନ ୬୧ଟି ଦିନିକିଆ ଏବଂ ୧୦୬ଟି ଟି-୨୦ ମ୍ୟାଚ ଖେଳିଛନ୍ତି। ଦିନିକିଆରେ ସେ ୧୯୮୩ ରନ କରିଥିବାବେଳେ ଟି-୨୦ରେ ୨୨୭୫ ରନ କରିଛନ୍ତି।

ପୂରନ୍ ୱେଷ୍ଟଇଣ୍ଡିଜ୍ ହ୍ବାଇଟ୍‌ ବଲ୍‌ ଟିମ୍‌ର ଥିଲେ ଗୁରୁତ୍ୱପୂର୍ଣ୍ଣ ଅଂଶ । ସେ ଜୁଲାଇ ୨୦୨୩ରେ ଶ୍ରୀଲଙ୍କା ବିପକ୍ଷରେ ୱେଷ୍ଟଇଣ୍ଡିଜ୍ ପାଇଁ ତାଙ୍କର ଶେଷ ODI ଖେଳିଥିଲେ ।

ସେହି ସମୟରେ ସେ ଡିସେମ୍ବର ୨୦୨୪ରେ ବାଂଲାଦେଶ ବିପକ୍ଷରେ ତାଙ୍କର ଶେଷ T20 ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। କିଛି ସମୟ ପୂର୍ବରୁ ପୂରନ୍ ଟି20 ଅନ୍ତର୍ଜାତୀୟରେ ୱେଷ୍ଟଇଣ୍ଡିଜ୍‌ର ଅଧିନାୟକ ଥିଲେ । କିନ୍ତୁ ପରବର୍ତ୍ତୀ T20 ବିଶ୍ୱକପ୍ ପୂର୍ବରୁ ସେ ଅବସର ଘୋଷଣା କରି ସମସ୍ତଙ୍କୁ କରିଦେଇଛନ୍ତି ଆଶ୍ଚର୍ଯ୍ୟ । ତାଙ୍କର ଅବସର ୱେଷ୍ଟଇଣ୍ଡିଜ୍ ଟିମ୍‌ ପାଇଁ ଏକ ବଡ଼ ଝଟକା ହେବ ।

ନିକୋଲାସ୍ ପୁରନ୍ ତାଙ୍କ ଅବସର ନେଇ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି । ସେ ଲେଖିଛନ୍ତି ଯେ 'ବହୁତ ଚିନ୍ତା କରିବା ପରେ, ମୁଁ ଅନ୍ତର୍ଜାତୀୟ କ୍ରିକେଟରୁ ଅବସର ନେବାକୁ ନିଷ୍ପତ୍ତି ନେଇଛି । ଆମେ ଭଲ ପାଉଥିବା ଏହି ଖେଳ ଆମକୁ ବହୁତ କିଛି ଦେଇଛି ଏବଂ ଦେଇ ଚାଲିବ - ଖୁସି, ଉଦ୍ଦେଶ୍ୟ, ଅନେକ ସ୍ମୃତି ଏବଂ ୱେଷ୍ଟଇଣ୍ଡିଜ୍ ଟିମ୍‌କୁ ପ୍ରତିନିଧିତ୍ୱ କରିବାର ସୁଯୋଗ। ମେରୁନ୍ ଜର୍ସି ପିନ୍ଧିବା, ଜାତୀୟ ସଙ୍ଗୀତ ପାଇଁ ଠିଆ ହେବା ଏବଂ ପ୍ରତ୍ୟେକ ଥର ମୁଁ ପଡ଼ିଆରେ ପାଦ ଦେବା ସମୟରେ ସବୁକିଛି ମୋର ଦେଉଛି...

ଏହା ମୋ ପାଇଁ ପ୍ରକୃତରେ କ'ଣ ଅର୍ଥ ରଖେ ତାହା ଶବ୍ଦରେ ବର୍ଣ୍ଣନା କରିବା କଷ୍ଟକର। ଅଧିନାୟକ ଭାବରେ ଦଳର ନେତୃତ୍ୱ ନେବା ଏକ ସମ୍ମାନ ଯାହାକୁ ମୁଁ ସର୍ବଦା ମୋ ହୃଦୟରେ ରଖିବି। ପ୍ରଶଂସକମାନଙ୍କୁ ସେମାନଙ୍କର ଅଟଳ ଭଲପାଇବା ପାଇଁ ଧନ୍ୟବାଦ। ମୋର କଠିନ ସମୟରେ ମତେ ସମ୍ଭାଳିଛ ଏବେ ଅତୁଳନୀୟ ଉତ୍ସାହର ସହିତ ଭଲ ମୁହୂର୍ତ୍ତଗୁଡ଼ିକୁ ପାଳନ କରିଛ । ମୋ ପରିବାର, ବନ୍ଧୁ ଏବଂ ସାଥୀ ଖେଳାଳିମାନଙ୍କୁ ମୋ ସହିତ ଏହି ଯାତ୍ରାରେ ଚାଲିବା ପାଇଁ ଧନ୍ୟବାଦ। ତୁମର ବିଶ୍ୱାସ ଏବଂ ସମର୍ଥନ ମୋତେ ଏହି ସବୁ ପାଇଁ ଆଗକୁ ବଢାଇଛି ।

ନିକୋଲାସ ପୁରନଙ୍କ ଅନ୍ତର୍ଜାତୀୟ କ୍ୟାରିୟର ବିଷୟରେ କହିବାକୁ ଗଲେ, ସେ ୱେଷ୍ଟଇଣ୍ଡିଜ୍ ପାଇଁ ୬୧ଟି ODI ଏବଂ ୧୦୬ଟି T20 ମ୍ୟାଚ୍ ଖେଳିଥିଲେ। ୬୧ଟି ODIରେ ସେ ୩୯.୬୬ହାରରେ ଏବଂ ୯୯.୧୫ ଷ୍ଟ୍ରାଇକ୍ ରେଟ୍ ସହିତ ୧୯୮୩ ରନ୍ କରିଥିଲେ। ଏହି ଫର୍ମାଟରେ ସେ ୧୧ଟି ଅର୍ଦ୍ଧଶତକ ଏବଂ ୩ଟି ଶତକ ଲଗାଇଥିଲେ । T20 ଆନ୍ତର୍ଜାତୀୟ ବିଷୟରେ କହିବାକୁ ଗଲେ, ସେ ୧୦୬ଟି ମ୍ୟାଚର ୯୭ଟି ଇନିଂସରେ ୧୩୬.୩୯ ଷ୍ଟ୍ରାଇକ୍ ରେଟ୍ ସହିତ ୨୨୭୫ ରନ୍ କରିଥିଲେ । ଏହି ସମୟରେ ତାଙ୍କ ବ୍ୟାଟ୍ରୁ ୧୩ଟି ଅର୍ଦ୍ଧଶତକୀୟ ଇନିଂସ ଦେଖିବାକୁ ମିଳିଥିଲା। ଅନ୍ତର୍ଜାତୀୟ କ୍ୟାରିୟର ମଧ୍ୟରେ ପୁରନଙ୍କୁ କେବେବି ଟେଷ୍ଟ ମ୍ୟାଚ୍ ଖେଳିବାର ସୁଯୋଗ ମିଳିନଥିଲା। ଆନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ, ସେ ଏବେ ସାରା ବିଶ୍ୱରେ T20 ଲିଗରେ ଖେଳିବାର ନଜର ଆସିବେ।