ଧୋନିଙ୍କ ଘରକୁ ଆସିଲେ ନୂଆ ଅତିଥି, ଇନଷ୍ଟାରେ ଭିଡିଓ ସେୟାର କଲେ ସାକ୍ଷୀ
ଟିମ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନଙ୍କ ଘରକୁ ଆସିଛି ଏକ ନୂଆ ଘୋଡା । ପଶୁପ୍ରେମୀ ଭାବେ ପରିଚିତ ଧୋନିଙ୍କ ପାଇଁ ଏକ ନୂଆ ଘୋଡା ଆଣିଛନ୍ତି ଧୋନିଙ୍କ ପତ୍ନୀ ସାକ୍ଷୀ । ଯାହାର ଏକ ଭିଡିଓ ସେ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସେୟାର କରିଛନ୍ତି ।
ନୂଆଦିଲ୍ଲୀ: ଧୋନିଙ୍କ ଘରେ ନୂଆ ଅତିଥି । ଆଇପିଏଲ 2021 ସାରି ଧୋନି ଘରକୁ ଫେରିବା ପୂର୍ବରୁ ସାକ୍ଷୀ ତାଙ୍କ ପାଇଁ ଆଣିଛନ୍ତି ନୂଆ ଜଣେ ଅତିଥି । ତେବେ ଆପଣ ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ । ଆଉ ଜାଣିବାକୁ ମଧ୍ୟ ଉତ୍ସାହିତ ହୋଇସାରିଥିବେ, ଯେ ଧୋନିଙ୍କ ଘରେ କିଏ ଏହି ନୂଆ ଅତିଥି ।
ତେବେ ଟିମ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନଙ୍କ ଘରକୁ ଆସିଛି ଏକ ନୂଆ ଘୋଡା । ପଶୁପ୍ରେମୀ ଭାବେ ପରିଚିତ ଧୋନିଙ୍କ ପାଇଁ ଏକ ନୂଆ ଘୋଡା ଆଣିଛନ୍ତି ଧୋନିଙ୍କ ପତ୍ନୀ ସାକ୍ଷୀ । ଯାହାର ଏକ ଭିଡିଓ ସେ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସେୟାର କରିଛନ୍ତି । ସୂଚନାଯୋଗ୍ୟ ଯେ, ଟୁର୍ଣ୍ଣାମେଣ୍ଟର ବହୁ ଖେଳାଳି କରୋନାର ଶିକାର ହେବା ପରେ ଆଇପିଏଲ 2021 ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ ରଖିଛି ବିସିସିଆଇ । ଧୋନିଙ୍କ ନେତୃତ୍ବାଧିନ ଚେନ୍ନାଇ ସୁପରକିଙ୍ଗ୍ସର ସମସ୍ତ ଖେଳାଳି ଘରକୁ ଫେରିବା ପରେ ଧୋନି ରାଞ୍ଜି ଫେରିବେ ବୋଲି ଘୋଷଣା କରିଛନ୍ତି ।
ତେବେ ଫଟୋ ସେୟାର କରି ସାକ୍ଷୀ ଲେଖିଛନ୍ତି, ଚେତକ (ନୂଆ ଘୋଡାର ନାମ) ଆପଣଙ୍କୁ ଆମ ଘରକୁ ସ୍ୱାଗତ । ଚେତକ ତମେ ଆମ ଲିଲି(ପୋଷା କୁକୁର) ଙ୍କୁ ସହଜରେ ଗ୍ରହଣ କରିଥିବାରୁ ତମକୁ ଅଶେଷ ଧନ୍ୟବାଦ । ଏଠାରେ କହିରଖୁଛୁ ଧୋନିଙ୍କ ରାଞ୍ଚିରେ ଏକ ଫାର୍ମ ହାଉସ୍ ଅଛି । ଯେଉଁଠାରେ ସେ ଷ୍ଟ୍ରବେରୀ ଠାରୁ ଆରମ୍ଭ କରି ଅନେକ ଫଳମୂଳ ପନିପରିବା ଚାଷ ହୋଇଥାଏ । ଧୋନିଙ୍କ ଏହି ଫାର୍ମ ହାଉସକୁ ନେଇ ସର୍ବଦା ଚର୍ଚ୍ଚା ହୋଇଥାଏ ।