Neeraj Chopra Marriage: ବିବାହ ବନ୍ଧନରେ ବାନ୍ଧିହେଲେ ଗୋଲଡେନ୍ ବୟ ନୀରଜ ଚୋପ୍ରା

ବିବାହ ବନ୍ଧନରେ ବାନ୍ଧି ହୋଇଛନ୍ତି ଗୋଲ୍‌ଡେନ ବୟ ତଥା ଜାଭେଲିନ ଥ୍ରୋୟର ନୀରଜ ଚୋପ୍ରା। ଏନେଇ ନୀରଜ ସୋସିଆଲ ମିଡିଆ 'ଏକ୍ସ'ରେ ବିବାହ ଫଟୋ ଶେୟାର କରି ସମସ୍ତଙ୍କୁ ଚମକାଇ ଦେଇଛନ୍ତି। ଲେଖିଛନ୍ତି ପ୍ରେମରେ ବାନ୍ଧି ହେଲି ବୋଲି।

ହିମାନୀଙ୍କୁ ବିବାହ କରିଥିବା ସୂଚନା ଦେଇଛନ୍ତି ଭାରତୀୟ ଷ୍ଟାର ଜାଭେଲିନ ଥ୍ରୋୟର। ପ୍ରଥମ ଭାରତୀୟ ଭାବେ ଆଥଲେଟିକ୍ସରେ ଅଲିମ୍ପିକ୍ସ ସ୍ବର୍ଣ୍ଣ ଜିତି ସେ କୃତିତ୍ୱ ହାସଲ କରିଛନ୍ତି। ନୀରଜ ବିବାହ କଥାକୁ ମଧ୍ୟ ସମ୍ପୂର୍ଣ୍ଣ ଗୋପନୀୟ ରଖିଥିଲେ।

ନୀରଜ ଟୋକିଓ ଅଲିମ୍ପିକ୍ସରେ ଭାରତ ପାଇଁ ଜାଭେଲିନ୍ ଥ୍ରୋରେ ସ୍ୱର୍ଣ୍ଣ ପଦକ ଜିତିଥିଲେ। ତାଙ୍କର ବିଜୟ ଐତିହାସିକ ଥିଲା। ନୀରଜଙ୍କ ବିଜୟ ପରେ, ତାଙ୍କ ବିବାହ ବିଷୟରେ ବହୁତ ଚର୍ଚ୍ଚା ହୋଇଥିଲା। ନୀରଜଙ୍କୁ ଅନେକ ସାକ୍ଷାତକାରରେ ବିବାହ ବିଷୟରେ ପ୍ରଶ୍ନ ପଚରାଯାଇଥିଲା। କିନ୍ତୁ ସେ ଏଥିରେ କୌଣସି ପ୍ରତିକ୍ରିୟା ଦେଇ ନଥିଲେ। ନୀରଜ କେବେ ତାଙ୍କ ଭବିଷ୍ୟତ ଜୀବନସାଥୀ ବିଷୟରେ ପ୍ରକାଶ କରିନଥିଲେ। ସୁଟିଂରେ ପଦକ ବିଜେତା ମନୁ ଭାକରଙ୍କ ସହ ତାଙ୍କୁ ବାହାଘରକୁ ନେଇ ମଧ୍ୟ ସୋସିଆଲ ମିଡିଆରେ ଚର୍ଚ୍ଚା ହେଉଥିଲା । କିନ୍ତୁ ଏହି ଚର୍ଚ୍ଚା ଭୂଲ ପ୍ରମାଣିତ ହୋଇଛି । ଏବେ ଚୁପଚାପ୍ ବିବାହ କରିଛନ୍ତି ନୀରଜ ଚୋପ୍ରା ।

ନୀରଜ ଇନଷ୍ଟାଗ୍ରାମରେ ବିବାହ ଫଟୋ ସେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, "ମୋ ପରିବାର ସହିତ ଜୀବନର ଏକ ନୂତନ ଅଧ୍ୟାୟ ଆରମ୍ଭ କଲି।" ନୀରଜଙ୍କ ବିବାହରେ କେବଳ ନିକଟତର ଲୋକଙ୍କୁ ନିମନ୍ତ୍ରଣ କରାଯାଇଥିଲା। ସେ କ୍ୟାପସନ ମାଧ୍ୟମରେ ତାଙ୍କ ସ୍ତ୍ରୀଙ୍କ ନାମ ମଧ୍ୟ ପ୍ରକାଶ କରିଛନ୍ତି। ନୀରଜଙ୍କ ସ୍ତ୍ରୀଙ୍କ ନାମ ହିମାନୀ। ସେ କ'ଣ କରନ୍ତି ସେ ବିଷୟରେ ଏପର୍ଯ୍ୟନ୍ତ କୌଣସି ସୂଚନା ନାହିଁ।