ଦିନିକିଆ କ୍ରିକେଟରୁ ଅବସର ନେଲେ ବିରାଟ କୋହଲିଙ୍କ ସହ ଝଗଡ଼ା କରିଥିବା ଏହି ଆଫଗାନ୍ କ୍ରିକେଟର
Naveen Ul Haq ODI Retirement: ଆଫଗାନିସ୍ତାନର ଯୁବ କ୍ରିକେଟର ନବୀନ ଉଲ ହକ ଦିନିକିଆ କ୍ରିକେଟରୁ ଅବସର ଘୋଷଣା କରିଛନ୍ତି । ସୋସିଆଲ ମିଡିଆ ମାଧ୍ୟମରେ ନବୀନ ଏହି ସୂଚନା ଦେଇଛନ୍ତି ।
ନବୀନ ଇନଷ୍ଟାଗ୍ରାମରେ ଲେଖିଛନ୍ତି ଯେ, ବିଶ୍ୱକପ 2023 ପରେ ସେ ଦିନିକିଆ କ୍ରିକେଟରୁ ଅବସର ନେବେ । ନବୀନ ମାତ୍ର 24 ବର୍ଷ ବୟସରେ ଅବସର ଗ୍ରହଣ ନିଷ୍ପତ୍ତି ନେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ସେ ତାଙ୍କର ଏକ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି ଯେ ସେ ଦିନିକିଆ କ୍ରିକେଟରୁ ଅବସର ନେଉଛନ୍ତି । କିନ୍ତୁ ଟି-20 ଇଣ୍ଟରନ୍ୟାସନାଲରେ ଆଫଗାନିସ୍ତାନ ପାଇଁ ଖେଳିବା ଜାରି ରଖିବ । ଆଇପିଏଲ 2023 ସମୟରେ ବିରାଟ କୋହଲିଙ୍କ ସହ ସଂଘର୍ଷ କରି ନବୀନ ଲାଇମଲାଇଟକୁ ଆସିଥିଲେ ।
ନବୀନ ଲେଖିଛନ୍ତି, ମୋ ଦେଶର ପ୍ରତିନିଧିତ୍ୱ କରିବା ମୋ ପାଇଁ ଗର୍ବର ବିଷୟ । ଏହି ବିଶ୍ୱକପ ପରେ ମୁଁ ଦିନିକିଆ ଫର୍ମାଟରୁ ଅବସର ନେବି । ତଥାପି, ମୁଁ ମୋ ଦେଶ ପାଇଁ ଟି -20 କ୍ରିକେଟ୍ ଖେଳିବା ଜାରି ରଖିବି । ଏହି ନିଷ୍ପତ୍ତି ନେବା ମୋ ପାଇଁ ସହଜ ନୁହେଁ, କିନ୍ତୁ ମୋର କ୍ରୀଡ଼ା କ୍ୟାରିୟର ବଢାଇବାକୁ ମୋତେ ଏହି ନିଷ୍ପତ୍ତି ନେବାକୁ ପଡିଲା । ମୁଁ ଆଫଗାନିସ୍ତାନ କ୍ରିକେଟ୍ ବୋର୍ଡକୁ ଧନ୍ୟବାଦ ଜଣାଉଛି ଏବଂ ମୋର ସମସ୍ତ ପ୍ରଶଂସକଙ୍କୁ ସେମାନଙ୍କର ସମର୍ଥନ ଏବଂ ଅଦମ୍ୟ ପ୍ରେମ ପାଇଁ ଧନ୍ୟବାଦ ଜଣାଉଛି ।
ନବୀନଙ୍କୁ ମାତ୍ର 24 ବର୍ଷ ବୟସ ଏବଂ ଆଫଗାନିସ୍ତାନ ପାଇଁ 7ଟି ଦିନିକିଆ କ୍ରିକେଟ ମ୍ୟାଚ୍ ଖେଳିଛନ୍ତି । ଏହି ସମୟ ମଧ୍ୟରେ 14ଟି ୱିକେଟ୍ ନେଇଛନ୍ତି । ନବୀନଙ୍କ ଶ୍ରେଷ୍ଠ ଦିନିକିଆ ପ୍ରଦର୍ଶନ ଗୋଟିଏ ମ୍ୟାଚରେ 42 ରନ୍ ପାଇଁ 4 ୱିକେଟ୍ । ସେ 27 ଟି-20 ଅନ୍ତର୍ଜାତୀୟ ମ୍ୟାଚରେ 34 ୱିକେଟ୍ ନେଇଛନ୍ତି । ସେ 8ଟି ଆଇପିଏଲ ମ୍ୟାଚରେ 11 ଟି ୱିକେଟ୍ ନେଇଛନ୍ତି । ନବୀନ ଲକ୍ଷ୍ନୌ ସୁପର ଜିଆଣ୍ଟସର ଜଣେ ଖେଳାଳି । ଆଇପିଏଲର ଶେଷ ସଂସ୍କରଣରେ ବିରାଟ କୋହଲିଙ୍କ ସହ ସଂଘର୍ଷ ହେତୁ ସେ ବେଶ୍ ଲୋକପ୍ରିୟ ହୋଇଥିଲେ ।
Click it and Unblock the Notifications
Sign in with Google