IPL 2023: ୨୫୦ ତମ ମ୍ୟାଚ ଖେଳୁଛନ୍ତି ଧୋନୀ

Published: Monday, May 29, 2023, 21:07 [IST]

IPL 2023: ୨୫୦ ତମ ମ୍ୟାଚ ଖେଳୁଛନ୍ତି ଧୋନୀ। ଯାହାକି ଆଇପିଏଲରେ ସର୍ବାଧିକ ମ୍ୟାଚ୍। ଏହା ସହ ସର୍ବାଧିକ ୧୧ ଥର ଆଇପିଏଲ ଫାଇନାଲ ଖେଳୁଛନ୍ତି। ଧୋନିଙ୍କୁ ଛାଡି ରୋହିତ ଶର୍ମା ୨୪୩, ଦୀନେଶ କାର୍ତ୍ତିକ ୨୪୨ , ବିରାଟ କୋହଲି ୨୩୭ ଓ ରବିନ୍ଦ୍ର ଜାଡେଜା ୨୨୬ ଟି ମ୍ୟାଚ୍ ଖେଳିଛନ୍ତି। ଏହା ସହ ଗିଲଙ୍କୁ ଷ୍ଟମ୍ପ କରି ଧୋନୀ ୱିକେଟ ପଛରେ ୩୦୦ଟି ଶିକାର କରିଛନ୍ତି।

ସୁରେଶ ରାଇନା ଏବଂ ବଦ୍ରିନାଥ ୨୦୧୧ ରେ ପ୍ରଥମ ଥର ପାଇଁ 50ଟି ଆଇପିଏଲ୍ ମ୍ୟାଚ୍ ଖେଳୁଛନ୍ତି। ସେହିପରି 2014ରେ ରାଇନା ପ୍ରଥମ ବ୍ୟାଟର ଭାବେ 100 ଆଇପିଏଲ୍ ମ୍ୟାଚ୍ ଓ ୨୦୧୭ରେ ୧୫୦ ଟି ମ୍ୟାଚ୍ ଖେଳିଛନ୍ତି। ୨୦୨୦ ରେ ଧୋନୀ ପ୍ରଥମ ଖେଳାଳୀ ଭାବେ 200 ଟି ଆଇପିଏଲ୍ ମ୍ୟାଚ୍ ଖେଳିଥିବା ବେଳେ ସେ ଆଜି ପ୍ରଥମ ଖେଳାଳୀ ଭାବେ ଆଇପିଏଲରେ ୨୫୦ ଟି ମ୍ୟାଚ ଖେଳିଛନ୍ତି ।