କୁନି ଫ୍ୟାନଙ୍କୁ ମାହିଙ୍କ ଗିଫ୍ଟ: ପଡ଼ିଆ ବାହାରେ ଏମିତି କାମ କଲେ ଧୋନୀ, ସବୁଠି ବାଃ ବାଃ
କୁନି ଫ୍ୟାନଙ୍କୁ ମାହିଙ୍କ ଗିଫ୍ଟ । ପାଭିଲିୟନ ଛାଡିବା ସମୟରେ ଧୋନୀ ଷ୍ଟାଣ୍ଡରେ ବସିଥିବା ଏକ କୁନି ପ୍ରଶଂସକଙ୍କୁ ସିଡ଼ିରେ ବଲ ଦେଇଥିଲେ । ଧୋନୀଙ୍କ ଏହି ଶୈଳୀକୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି ।
ସଫଳତାର ଶୀର୍ଷରେ ଥିଲେ ମାହିଙ୍କୁ ଅହଙ୍କାର ତାଙ୍କୁ ଛୁଇଁ ପାରିନି । ତାଙ୍କର ଏହି ଖାସ୍ ଅନ୍ଦାଜ୍ ପାଇଁ ଲୋକଙ୍କ ହୃଦୟରେ ସେ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । ମାହିଙ୍କୁ ଭେଟିବା ପାଇଁ ଫ୍ୟାନ୍ସ ଅତି ଉତ୍ସୁକତାର ସହ ଅପେକ୍ଷା କରିଥାଆନ୍ତି । ଆଉ ସେ ବି କୌଣସି ଫ୍ୟାନ୍ସଙ୍କୁ ନିରାଶ କରନ୍ତି ନାହିଁ ।
ଶେଷ ଚାରି ବଲରେ ରୋମାଞ୍ଚ ଭରିଥିଲେ ମାହି । ତିନୋଟି ଛକା ଓ ୨ ରନ୍ ବଳରେ ୨୦ ରନର ଭାଗିଦାରୀ ଯୋଡ଼ିଥିଲେ ଧୋନୀ। ତେବେ ଇନିଂସ ଶେଷରେ ପାଭେଲିୟନ୍କୁ ଫେରିବା ବେଳେ ଜଣେ କୁନି ଫ୍ୟାନ୍ଙ୍କୁ ଭେଟିଥିଲେ ମହେନ୍ଦ୍ର ସିଂ ଧୋନି ।
ସେହି କୁନି ଫ୍ୟାନଙ୍କ ସହ କେବଳ ଯେ ହାତ ମିଶାଇଥିଲେ ତାହା ନୁହେଁ ବରଂ ତାଙ୍କ ମ୍ୟାଚ୍ ବଲ୍ ଗିଫ୍ଟ ମଧ୍ୟ କରିଥିଲେ ଧୋନି । ଯାହା ଏବେ ସୋସିଆଲ ମିଡିଆରେ ବେଶ୍ ଚର୍ଚ୍ଚା ସାଉଁଟିଛି।
ଗତକାଲି ୱାଙ୍ଖେଡ଼େରେ ମୁମ୍ବାଇ-ଚେନ୍ନାଇ ମଧ୍ୟରେ ଏକ ରୋମାଞ୍ଚକର ମୁକାବିଲା ଦେଖିବାକୁ ମିଳିଛି । ମହେନ୍ଦ୍ର ସିଂହ ଧୋନିଙ୍କ ୨୦ ରନ୍ ଆଗରେ ରୋହିତ ଶର୍ମାଙ୍କ ଶତକୀୟ ପାଳି ଫିକା ପଡିଯାଇଛି। ୨୦୬ ରନର ଟାର୍ଗେଟକୁ ପିଛା କରି ୧୮୬ ରନରେ ଅଟକି ଯାଇଛି ମୁମ୍ବାଇ।
Click it and Unblock the Notifications
Sign in with Google