'ସେଦିନ ରାତିରେ ଖୁବ୍ କାନ୍ଦିଥିଲେ ଏମଏସ ଧୋନି', ହରଭଜନ ସିଂ କଲେ ଆଶ୍ଚର୍ଯ୍ୟଜନକ ଖୁଲାସା

Harbhajan Singh on Ms Dhoni: ଆଇପିଏଲରେ ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗ୍ସ ଏପର୍ଯ୍ୟନ୍ତ ଚାରିଥର ଟାଇଟଲ ଜିତିଛି । ଚେନ୍ନାଇ ଦଳ ସହିତ ଧୋନିଙ୍କ ସଂଯୋଗ ଅତ୍ୟନ୍ତ ସ୍ୱତନ୍ତ୍ର । ଧୋନିଙ୍କ ସହ ଅନେକ ଭାରତୀୟ ଖେଳାଳି ଚେନ୍ନାଇ ପାଇଁ ଖେଳିବାର ସୁଯୋଗ ପାଇଛନ୍ତି । ଏମାନଙ୍କ ମଧ୍ୟରୁ ଜଣେ ହେଉଛନ୍ତି ପୂର୍ବତନ ଅଫ୍ ସ୍ପିନର ହରଭଜନ ସିଂ ।

ଭେଟେରାନ ଅଫ୍ ସ୍ପିନର ହରଭଜନ ସିଂ ମଧ୍ୟ ଚେନ୍ନାଇ ସୁପର କିଙ୍ଗ୍ସର ଏକ ଅଂଶ ହୋଇଥିଲେ । 2018 ମସିହାରେ ଚେନ୍ନାଇ ଦଳ ଦୁଇ ବର୍ଷର ପ୍ରତିବନ୍ଧକ ପରେ ଆଇପିଏଲକୁ ଫେରିଥିଲେ । 2016 ଏବଂ 2017 ବର୍ଷରେ, ଚେନ୍ନାଇ ଦଳ ଆଇପିଏଲ୍ ଖେଳିପାରି ନଥିଲା । ଏମଏସ ଧୋନି ସେହି ଦୁଇଟି ଋତୁରେ ରାଇଜିଂ ପୁଣେ ସୁପରଜିଆଣ୍ଟ ଦଳ ପାଇଁ ଖେଳିଥିଲେ ।

ଷ୍ଟାର ସ୍ପୋର୍ଟସ୍ ହିନ୍ଦୀ କମେଣ୍ଟାରୀ ଷ୍ଟୁଡିଓରେ କଥା ହେଉଥିବା ବେଳେ ହରଭଜନ ସିଂ କହିଥିଲେ ଯେ, ମୁଁ ଧୋନିଙ୍କ ବିଷୟରେ ଗୋଟିଏ କଥା କହିବାକୁ ଚାହେଁ । 2018 ମସିହାରେ, ଯେତେବେଳେ CSK ଦୁଇ ବର୍ଷର ନିଷେଧାଦେଶ ପରେ ଆଇପିଏଲକୁ ଫେରିଥିଲା, ସେତେବେଳେ ଦଳର ରାତ୍ରୀ ଭୋଜନ ହୋଇଥିଲା । ମୁଁ ଶୁଣିଛି ଯେ 'ପୁରୁଷମାନେ କାନ୍ଦନ୍ତି ନାହିଁ', କିନ୍ତୁ ଏମଏସ ଧୋନି ସେହି ରାତିରେ କାନ୍ଦିଥିଲେ। ସେ ଏତେ ଭାବପ୍ରବଣ ହୋଇଯାଇଥିଲେ ଯେ, ତାଙ୍କ ଆଖିରୁ ଲୁହ ବନ୍ଦ ହେଉନଥିଲା ।

ହରଭଜନ ସିଂଙ୍କ ପ୍ରସଙ୍ଗରେ ତାହିର କହିଛନ୍ତି ହଁ, ଅବଶ୍ୟ, ସେତେବେଳେ ସେଠାରେ ଉପସ୍ଥିତ ଥିଲେ ଏବଂ ଧୋନିଙ୍କ ପାଇଁ ଏହା ଅତ୍ୟନ୍ତ ଭାବପ୍ରବଣ ମୁହୂର୍ତ୍ତ ଥିଲା । ଭଜି ଏବଂ ଇମ୍ରାନ ତାହିର ଏକମତ ହୋଇ କହିଛନ୍ତି ଯେ, ଧୋନିଙ୍କ ପାଇଁ ଚେନ୍ନାଇ ଦଳ ଅତ୍ୟନ୍ତ ସ୍ୱତନ୍ତ୍ର । ସେ କହିଥିଲେ ଯେ ଆମେ 2 ବର୍ଷ ପରେ ଫେରି ଟ୍ରଫି ଜିତିଛୁ । ଆମ ଦଳକୁ ପୁରାତନ ଟ୍ୟାଗ୍ ଦିଆଯାଇଥିଲା ଏବଂ ମୁଁ ସେହି ଋତୁରେ ଦଳରେ ଥିଲି, କିନ୍ତୁ ଆମେ ଟାଇଟଲ୍ ଜିତିଥିଲୁ ଷ ମୁଁ ସେହି ବିଜୟ ପାଇଁ ବହୁତ ଗର୍ବିତ । ଚେନ୍ନାଇ ପାଖରେ ପଞ୍ଚମ ଥର ପାଇଁ ଟ୍ରଫି ଜିତିବାର ଏକ ସୁଯୋଗ ରହିଛି ।

ମହେନ୍ଦ୍ର ସିଂ ଧୋନି ତାଙ୍କ ଅଧିନାୟକତ୍ୱରେ ପଞ୍ଚମ ଥର ପାଇଁ ଦଳକୁ ଆଇପିଏଲ୍ ଚାମ୍ପିଅନ୍ କରିବାକୁ ଚେଷ୍ଟା କରିବେ । ଧୋନିଙ୍କ ଅଧିନାୟକତ୍ୱରେ ଦଳର ପ୍ରଦର୍ଶନ ଏପର୍ଯ୍ୟନ୍ତ ଉତ୍କୃଷ୍ଟ ରହିଛି । ଗତକାଲି ଗୁଜୁରାଟ ବିପକ୍ଷ ପ୍ରଥମ ଯୋଗ୍ୟତା ମ୍ୟାଚରେ ଚେନ୍ନାଇ ବିଜୟ ହୋଇ ଫାଇନାଲରେ ପ୍ରେବଶ କରିସାରିଛି ।

English summary

MS Dhoni Cried Lot That Night: Harbhajan Singh