ଚାମ୍ପିଅନ୍ସ ଟ୍ରଫି ଫାଇନାଲ ମ୍ୟାଚ୍‌ ପାଇଁ ଅଫିସିଆଲ: ରାଇଫେଲ, ଇଲିଂୱର୍ଥ ଅମ୍ପାୟାର, ୱିଲସନ୍‌ ଥାର୍ଡ ଅମ୍ପାୟାର

ରବିବାର ଦିନ ଚଳିତ ଚାମ୍ପିଅନ୍ସ ଟ୍ରଫିର ଫାଇନାଲ୍‌ ମ୍ୟାଚ୍‌ ଖେଳାଯିବ । ଟାଇଟଲ ଲଢ଼େଇରେ ଭାରତ ଓ ନ୍ୟୁଜିଲାଣ୍ଡ ସାମ୍ନା ସାମ୍ନି ହେବେ । ଆଇସିସି ଟୁର୍ଣ୍ଣାମେଣ୍ଟର ଫାଇନାଲ୍‌ରେ ଭାରତ ଆଜି ପର୍ଯ୍ୟନ୍ତ ନ୍ୟୁଜିଲାଣ୍ଡକୁ ହରାଇ ନାହିଁ ।

୨୦୦୦ରେ ଅନୁଷ୍ଠିତ ଆଇସିସି ନକ୍‌ଆଉଟ୍‌ ଫାଇନାଲ୍‌ ଓ ୨୦୨୧ ବିଶ୍ୱ ଟେଷ୍ଟ ଚାମ୍ପିଅନ୍ସ ଟ୍ରଫି ଫାଇନାଲ୍‌ରେ ଉଭୟ ପରସ୍ପରକୁ ଭେଟିଥିଲେ ଓ ଉଭୟ ମ୍ୟାଚ୍‌ରେ ନ୍ୟୁଜିଲାଣ୍ଡ ବିଜୟୀ ହୋଇଥିଲା । ଏଥର ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ପୂର୍ବ ପରାଜୟର ପ୍ରତିଶୋଧ ନେବାକୁ ପ୍ରୟାସ କରିବ ।

ଆଇସିସି ପକ୍ଷରୁ ଫାଇନାଲ୍‌ ମ୍ୟାଚ୍‌ ପାଇଁ ଅଫିସିଆଲ ଘୋଷଣା କରାଯାଇଛି । ପଲ୍‌ ରାଇଫେଲ ଓ ରିଚାର୍ଡ ଇଲିଂୱର୍ଥ ପଡ଼ିଆ ଅମ୍ପାୟାର ନିଯୁକ୍ତ ହୋଇଛନ୍ତି । ସେହିପରି ଜୋଏଲ ୱିଲସନ୍‌ ତୃତୀୟ ଅମ୍ପାୟାର, କୁମାର ଧର୍ମସେନା ଚତୁର୍ଥ ଅମ୍ପାୟାର ଓ ରଞ୍ଜନ ମଦୁଗଲେଙ୍କୁ ମ୍ୟାଚ୍‌ ରେଫରୀ ନିଯୁକ୍ତ କରାଯାଇଛି ।

Champions Trophy: ଫାଇନାଲ ମ୍ୟାଚରେ ବର୍ଷା ହେଲେ କଣ ହେବ ?

ଚାମ୍ପିୟନ୍ସ ଟ୍ରଫି ଫାଇନାଲ ମ୍ୟାଚ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯିବ। ଏହି ମ୍ୟାଚ ରବିବାର ଦୁବାଇରେ ଅନୁଷ୍ଠିତ ହେବ।

ତେବେ ଯଦି ଫାଇନାଲରେ ବର୍ଷା ହୁଏ, ତେବେ ମ୍ୟାଚର ମଜା ନଷ୍ଟ ହୋଇଯିବ । କିନ୍ତୁ ବର୍ଷା ଦ୍ୱାରା ପ୍ରଭାବିତ ଫାଇନାଲ ସମ୍ପର୍କରେ ଆଇସିସିପୂର୍ବରୁ ନିୟମ ପ୍ରସ୍ତୁତ କରିସାରିଛି।

ଯଦି ଫାଇନାଲ ମ୍ୟାଚ ସମୟରେ ବର୍ଷା ହୁଏ, ତେବେ ଓଭର ସଂଖ୍ୟା ହ୍ରାସ କରି ମ୍ୟାଚ ଖେଳାଯାଇପାରିବ। ଆଇସିସି ନିୟମ ଅନୁଯାୟୀ, ଫାଇନାଲ ମ୍ୟାଚରେ ଅତି କମରେ ୨୦ ଓଭର ଖେଳାଯିବା ଆବଶ୍ୟକ। ପ୍ରତ୍ୟେକ ଦଳକୁ ୨୦-୨୦ ଓଭର ଦିଆଯିବ।

ବର୍ଷା ପ୍ରଭାବିତ ଫାଇନାଲରେ, ନିର୍ଦ୍ଧାରିତ ସମୟ ପରେ ଓଭର ସଂଖ୍ୟା ହ୍ରାସ ଆରମ୍ଭ ହୁଏ। ଯଦି ବର୍ଷା ଯୋଗୁ ଏହି ମ୍ୟାଚ ରବିବାର, ମାର୍ଚ୍ଚ ୯ ରେ ଖେଳାଯାଇପାରିବ ନାହିଁ, ତେବେ ଏହାକୁ ରିଜର୍ଭ ଡେ ରେ ଅନୁଷ୍ଠିତ କରାଯିବ। ଫାଇନାଲ ପାଇଁ ମାର୍ଚ୍ଚ ୧୦ ତାରିଖ ରିଜର୍ଭ ଡେ।

ଯଦି ଚାମ୍ପିୟନ୍ସ ଟ୍ରଫିର ଫାଇନାଲ ମ୍ୟାଚ ଡ୍ର କିମ୍ବା ଟାଇ ହୁଏ, ତେବେ ବିଜେତା ସୁପର ଓଭର ଦ୍ୱାରା ନିର୍ଣ୍ଣୟ କରାଯିବ। ସୁପର ଓଭରର ନିୟମ ଅନୁଯାୟୀ, ଉଭୟ ଦଳକୁ ଗୋଟିଏ ଓଭର ଖେଳିବାର ସୁଯୋଗ ମିଳିଥାଏ।

ଭାରତ ତା'ର ସମସ୍ତ ଗ୍ରୁପ ମ୍ୟାଚ ଜିତିଥିଲା। ସେ ପ୍ରଥମେ ବାଂଲାଦେଶକୁ ଏବଂ ତା'ପରେ ପାକିସ୍ତାନକୁ ପରାସ୍ତ କରିଥିଲା। ଟିମ ଇଣ୍ଡିଆ ଗ୍ରୁପ ମ୍ୟାଚ ନ୍ୟୁଜିଲ୍ୟାଣ୍ଡକୁ ମଧ୍ୟ ପରାସ୍ତ କରିଥିଲା। ଭାରତ ନ୍ୟୁଜିଲାଣ୍ଡକୁ ଜିତିବା ପାଇଁ ୨୫୦ ରନର ଟାର୍ଗେଟ ଦେଇଥିଲା। ଜବାବରେ, ନ୍ୟୁଜିଲାଣ୍ଡ ଦଳ ୨୦୫ ରନ କରି ଅଲଆଉଟ ହୋଇଯାଇଥିଲା। ଭାରତ ପାଇଁ ବରୁଣ ଚକ୍ରବର୍ତ୍ତୀ ଘାତକ ବୋଲିଂ କରିଥିଲେ। ସେ ୫ଟି ଉଇକେଟ୍‌ ନେଇଥିଲେ। ଏବେ ଉଭୟ ଦଳ ଫାଇନାଲରେ ପୁଣି ଥରେ ମୁହାଁମୁହିଁ ହେବେ

ଭାରତ ସେମିଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରିଥିବାବେଳେ ନ୍ୟୁଜିଲ୍ୟାଣ୍ଡ ଦକ୍ଷିଣ ଆଫ୍ରିକାକୁ ପରାସ୍ତ କରି ଫାଇନାଲରେ ପ୍ରବେଶ କରିଛି।