ଫିଫା ବିଶ୍ୱକପରେ ଇତିହାସ ରଚିଲେ ଲିଓନେଲ ମେସି, ୧୮ ଗୋଲ୍ ସହ ଭାଙ୍ଗିଲେ କ୍ଲୋଜେଙ୍କ ମହା ରେକର୍ଡ
ଫିଫା ବିଶ୍ୱକପ୍ (FIFA World Cup) ୨୦୨୬ରେ ଆର୍ଜେଣ୍ଟିନାର ଅଧିନାୟକ ଲିଓନେଲ୍ ମେସି ଆଉ ଏକ ଐତିହାସିକ ରେକର୍ଡ ସୃଷ୍ଟି କରିଛନ୍ତି। ଆମେରିକାର ଟେକ୍ସାସ୍ ସ୍ଥିତ ଆର୍ଲିଂଟନ୍ ଠାରେ ଖେଳାଯାଇଥିବା ମ୍ୟାଚରେ ମେସି ଅଷ୍ଟ୍ରିଆ ବିପକ୍ଷରେ ଦୁଇଟି ଗୋଲ୍ ସ୍କୋର କରି ଫିଫା ବିଶ୍ୱକପ୍ ଇତିହାସରେ ସର୍ବାଧିକ ଗୋଲ୍ ସ୍କୋରର୍ ପାଲଟିଛନ୍ତି।
୧. ଭାଙ୍ଗିଲା କ୍ଲୋଜେଙ୍କ ରେକର୍ଡ,ଶୀର୍ଷରେ ମେସି
ସୋମବାର ରାତିରେ ଅଷ୍ଟ୍ରିଆ ବିପକ୍ଷରେ ଖେଳାଯାଇଥିବା ଏହି ମ୍ୟାଚରେ ୩୯ ବର୍ଷ ବୟସରେ ପଦାର୍ପଣ କରିବାକୁ ଯାଉଥିବା ମେସି ଦୁଇଟି ଗୋଲ୍ କରିଛନ୍ତି। ଏଥିସହିତ ସେ ଜର୍ମାନୀର କିମ୍ବଦନ୍ତୀ ଖେଳାଳି ମିରୋସ୍ଲାଭ୍ କ୍ଲୋଜେ ଙ୍କ ନାମରେ ଥିବା୧୬ଟି ଗୋଲ୍ର ରେକର୍ଡକୁ ଅତିକ୍ରମ କରିଛନ୍ତି। ନିଜର ଷଷ୍ଠ ବିଶ୍ୱକପ୍ ଖେଳୁଥିବା ମେସିଙ୍କ ନାମରେ ଏବେ୧୮ଟି ବିଶ୍ୱକପ୍ ଗୋଲ୍ହୋଇଛି ଏବଂ ସେ ବିଶ୍ୱକପ୍ ଇତିହାସରେ ଏକାକୀ ଶୀର୍ଷରେ ପହଞ୍ଚିଛନ୍ତି। ସୂଚନାଯୋଗ୍ୟ, ଚଳିତ ୨୦୨୬ ବିଶ୍ୱକପ୍ର ପ୍ରଥମ ମ୍ୟାଚରେ ସେ ଆଲଜେରିଆ ବିପକ୍ଷରେ ଏକ ଚମତ୍କାର ହ୍ୟାଟ୍ରିକ୍ (Hat-trick) ଗୋଲ୍ ମଧ୍ୟ ସ୍କୋର କରିଥିଲେ। ଯାହା ତାଙ୍କ FIFAରେ ପ୍ରଥମ ହ୍ୟାଟ୍ରିକ ।
୨. ପେନାଲ୍ଟି ମିସ୍ ଓ ରୋମାଞ୍ଚକର ପ୍ରତ୍ୟାବର୍ତ୍ତନ
ମ୍ୟାଚର ମାତ୍ର ଷଷ୍ଠ ମିନିଟରେ ଆର୍ଜେଣ୍ଟିନାକୁ ଏକ ପେନାଲ୍ଟି ମିଳିଥିଲା। ରେକର୍ଡ ଭାଙ୍ଗିବା ପାଇଁ ଏହା ଏକ ସହଜ ସୁଯୋଗ ଥିଲେ ମଧ୍ୟ ମେସି ଏହି ପେନାଲ୍ଟିକୁ ମିସ୍ କରିଥିଲେ। ବିଶ୍ୱକପ୍ ଇତିହାସରେ ଏହା ଥିଲା ତାଙ୍କର ତୃତୀୟ ପେନାଲ୍ଟି ମିସ୍। ତେବେ ଏହାର ପ୍ରାୟ ୩୦ ମିନିଟ୍ ପରେ ଅର୍ଥାତ୍ ମ୍ୟାଚର୩୮ତମ ମିନିଟରେଥିଆଗୋ ଆଲମାଡା ଏବଂ ଫାକୁଣ୍ଡୋ ମେଡିନାଙ୍କ ପାସ୍ରୁ ବଲ୍ ପାଇ ମେସି ନିଜର ବାମ ଗୋଡ଼ରେ ଏକ ଦର୍ଶନୀୟ ଗୋଲ୍ ସ୍କୋର କରିଥିଲେ ଏବଂ ରେକର୍ଡ ନିଜ ନାମରେ କରିଥିଲେ। ପରେ ମ୍ୟାଚର Stoppage timeରେ ଅଷ୍ଟ୍ରିଆ ଖେଳାଳିଙ୍କ ଭିଡ଼ ଭିତରୁ ସେ ଆଉ ଏକ ଗୋଲ୍ ଦେଇ ଆର୍ଜେଣ୍ଟିନାକୁ୨-୦ରେ ବିଜୟୀ କରାଇଥିଲେ। ଏହା ସହ ଦଳ Round of 32 ରେ ନିଜ ସ୍ଥାନ ପକ୍କା କରିଛି।
୩. ସଂଖ୍ୟା ପଛରେ ଥିବା ପ୍ରକୃତ କାହାଣୀ
ଆଧୁନିକ ଫୁଟବଲରେ ଯେତେବେଳେ ଦ୍ରୁତ ଗତି ଏବଂ ଶାରୀରିକ ଶକ୍ତି ଉପରେ ଗୁରୁତ୍ୱ ଦିଆଯାଉଛି, ସେତେବେଳେ ମେସି ନିଜର ଶାନ୍ତ ଏବଂ ସ୍ୱତନ୍ତ୍ର ଶୈଳୀରେ ଖେଳି ସମଗ୍ର ବିଶ୍ୱକୁ ମନ୍ତ୍ରମୁଗ୍ଧ କରୁଛନ୍ତି। ରିପୋର୍ଟ ଅନୁଯାୟୀ, ସେ କେବଳ ପ୍ରତିପକ୍ଷକୁ ହରାଇବା ପାଇଁ ନୁହେଁ ବରଂ ବଲ୍କୁ ନିୟନ୍ତ୍ରଣ କରିବାର କଳା ବା 'ବଲ୍କୁ ବୁଝିବା' ପାଇଁ ଖେଳନ୍ତି। ସଚିନ ତେନ୍ଦୁଲକର ଏବଂ ରୋଜର ଫେଡେରରଙ୍କ ଭଳି ତାଙ୍କର ମହାନତା କେବଳ ସଂଖ୍ୟା ବା ରେକର୍ଡ ଦ୍ୱାରା ମପାଯାଇପାରିବ ନାହିଁ। ୨୦୨୨ ବିଶ୍ୱକପ୍ ଜିତିବା ପରେ ସମସ୍ତ ସମାଲୋଚନାର ଅନ୍ତ ଘଟିଛି ଏବଂ ସେ ଏବେ ସମ୍ପୂର୍ଣ୍ଣ ଚାପମୁକ୍ତ ହୋଇ ଜଣେ କଳାକାର ଭଳି ପଡ଼ିଆରେ ନିଜ ଖେଳର ଆନନ୍ଦ ନେଉଛନ୍ତି। ବିଶ୍ୱକପ୍ ଇତିହାସରେ ଗୋଲ୍ର ଏହି ରେକର୍ଡ କେବଳ ଏକ ମାଇଲଖୁଣ୍ଟ, କିନ୍ତୁ ମେସିଙ୍କ ଖେଳର ଶୈଳୀ ହିଁ ତାଙ୍କୁ ସବୁବେଳେ ଅମର କରି ରଖିବ।
Click it and Unblock the Notifications
Sign in with Google