ହସ୍ପିଟାଲ ବଦଳରେ ଗେଷ୍ଟ ହାଉସରେ ଟିକା ନେଇ ବିବାଦରେ କୁଲଦୀପ
କ୍ରିକେଟର କୁଲଦୀପ ଯାଦବ ହସ୍ପିଟାଲ ବଦଳରେ କାନୁପର ସ୍ଥିତ ଗୋଟିଏ ଗେଷ୍ଟ ହାଉସରେ କରୋନା ଟିକାର ଡୋଜ୍ ନେଇଛନ୍ତି। ଏହାର ଫଟୋ ମଧ୍ୟ ସାମ୍ନାକୁ ଆସିଛି।
ନୂଆଦିଲ୍ଲୀ: ନିକଟରେ ଭାରତୀୟ ସ୍ପିନର କୁଲଦୀପ ଯାଦବ ଟିକାର ପ୍ରଥମ ଡୋଜ୍ ନେଇଛନ୍ତି । ତେବେ ତାଙ୍କ ଟିକାକରଣ ନେଇ ଉଠିଛି ପ୍ରଶ୍ନ । ଘଟଣାର ଯାଞ୍ଚ ସହ ତଦନ୍ତ ନିର୍ଦ୍ଦେଶ ଦେଇଛନ୍ତି କାନପୁର ପ୍ରଶାସନ ।
ବାସ୍ତବରେ କ୍ରିକେଟର କୁଲଦୀପ ଯାଦବ ହସ୍ପିଟାଲ ବଦଳରେ କାନୁପର ସ୍ଥିତ ଗୋଟିଏ ଗେଷ୍ଟ ହାଉସରେ କରୋନା ଟିକାର ଡୋଜ୍ ନେଇଛନ୍ତି। ଏହାର ଫଟୋ ମଧ୍ୟ ସାମ୍ନାକୁ ଆସିଛି। ଏପରି ଟିକାକରଣକୁ ନେଇ ବିବାଦ ଉପୁଜିବାରୁ କାନପୁର ପ୍ରଶାସନ ଘଟଣାର ତଦନ୍ତ ନିର୍ଦ୍ଦେଶ ଦେଇଛି।
ଏଭଳି ପରିସ୍ଥିତିରେ କୁଲଦୀପ ଯାଦବଙ୍କ ପାଇଁ ଟିକା ନେବା ପ୍ରୋଟୋକଲ ଭଙ୍ଗାଯାଇଛି । ଡିଏମ କହିଛନ୍ତି ଯେ ଏହି ମାମଲାରେ ତଦନ୍ତ ନିର୍ଦ୍ଦେଶ ଦିଆଯାଇଛି । ଯଦି ଯେ କେହି ବି ଦୋଷୀ ସାବ୍ୟସ୍ତ ହୁଅନ୍ତି ତେବେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । କୁଲଦୀପଙ୍କ ଟିକାକରଣର ଚିତ୍ର ଦିନକୁ ଦିନ ଭାଇରାଲ ହେବାରେ ଲାଗିଛି ।
जब भी मौका मिले तुरंत टीका लगवाएं। सुरक्षित रहें क्योंकि covid19 के खिलाफ लड़ाई में एकजुट होने की आवश्यकता है 🙏🏻 pic.twitter.com/6YSHyoGmWM
— Kuldeep yadav (@imkuldeep18) May 15, 2021
କୁଲଦୀପ ଶନିବାର କରୋନା ଟିକାର ପ୍ରଥମ ଡୋଜ୍ ନେଇଛନ୍ତ। ସେ ଗେଷ୍ଟ ହାଉସ ପଡ଼ିଆରେ ବସିଥିବା ବେଳେ ତାଙ୍କୁ ଟିକାର ଡୋଜ୍ ଦିଆଯାଇଥିଲା। ଏହାର ଫଟୋ କୁଲଦୀପ ସୋଶାଲ ମିଡିଆରେ ପୋଷ୍ଟ କରି ଲେଖିଛନ୍ତି ଯେ "ଯେବେବି ସୁଯୋଗ ମିଳୁଛି ତୁରନ୍ତ ଟିକା ନେଇଯାଆନ୍ତୁ। ସୁରକ୍ଷିତ ରୁହନ୍ତୁ କାରଣ କୋଭିଡ-୧୯ ବିରୋଧରେ ଆମକୁ ଏକାଠି ହେବାର ଆବଶ୍ୟକତା ରହିଛି।" ତେବେ ଏହାକୁ ନେଇ ସେ ବିବାଦରେ ଫସିଛନ୍ତି।
Click it and Unblock the Notifications
Sign in with Google