ଇତିହାସ ରଚିଲେ କୁଲଦୀପ ଯାଦବ; ୫ ୱିକେଟ ହାସଲ କରି ଭାଙ୍ଗିଲେ ବିଶ୍ୱ ରେକର୍ଡ

ଭାରତୀୟ କ୍ରିକେଟ୍ ଦଳର ବାମହାତି ସ୍ପିନର କୁଲଦୀପ ଯାଦବ ରବିବାର ଦ୍ୱିତୀୟ ଟେଷ୍ଟର ତୃତୀୟ ଦିନରେ ଅସାଧାରଣ ପ୍ରଦର୍ଶନ କରି ଇତିହାସ ରଚିଛନ୍ତି। ୱେଷ୍ଟଇଣ୍ଡିଜକୁ ୨୪୮ ରନରେ ଅଲ୍-ଆଉଟ୍ କରି ଭାରତ ୨୭୦ ରନର ବିଶାଳ ଲିଡ୍ ସହ ଫଲୋ-ଅନ୍ ଘୋଷଣା କରିଛି। ଏହା ସହିତ କୁଲଦୀପ ୫/୮୨ ଫିଗର୍ସରେ ତାଙ୍କ ପାଞ୍ଚମ ଟେଷ୍ଟ୍ ୫ ୱିକେଟ ହଅଲ୍ ହାସଲ୍ କରିଛନ୍ତି।

ଟେଷ୍ଟ୍ କ୍ରିକେଟରେ ବାମହାତି ସ୍ପିନରଙ୍କ ମଧ୍ୟରୁ ସର୍ବାଧିକ ୫ ୱିକେଟ ହଅଲ୍ (୫) ସହ କୁଲଦୀପ ଇଂଲଣ୍ଡର ଜନି ୱାର୍ଡଲଙ୍କ ସହ ସମାନ୍ ହୋଇଛନ୍ତି। କିନ୍ତୁ ଉଲ୍ଲେଖଯୋଗ୍ୟ ଯେ, ୱାର୍ଡଲ ୨୮ଟି ଟେଷ୍ଟରେ ଏହି ସଫଳତା ପାଇଥିଲେ, ଯେତେବଳେ କୁଲଦୀପ ମାତ୍ର ୧୫ଟି ଟେଷ୍ଟରେ ଏହା କରିବାରେ ସକ୍ଷମ ହୋଇଛନ୍ତି। ଏହା ସହିତ ସେ ବିଶ୍ୱ ରେକର୍ଡ ଭାଙ୍ଗିଛନ୍ତି।

ଅରୁଣ୍ ଜେଟଲୀ ଷ୍ଟାଡିୟମରେ ଖେଳାଯାଉଥିବା ଏହି ଦ୍ୱିତୀୟ ଓ ଶେଷ ଟେଷ୍ଟରେ ଭାରତ ୫୧୮/୫ ରନରେ ପ୍ରଥମ ଇନିଂସ ସମାପ୍ତ କରିଥିଲା। ପିଚରେ ଅଧିକ ଟର୍ନ୍ ଓ ବାଉନ୍ସ୍ ନ ଥିଲା, ତଥାପି କୁଲଦୀପଙ୍କ ଗୁଗଲି, ଭ୍ୟାରିଏସନ୍ ଓ ଡ୍ରିଫ୍ଟ୍ ଭାରତକୁ ନିୟନ୍ତ୍ରଣରେ ରଖିଥିଲା। ସକାଳେ ସେ ଶାଇ ହୋପ୍ (୩୬), ଟେଭିନ୍ ଇମ୍ଲାଚ୍ (୨୧) ଓ ଜଷ୍ଟିନ୍ ଗ୍ରେଭ୍ସ (୧୮)ଙ୍କୁ ଶୀଘ୍ର ଆଉଟ କରି ମ୍ୟାଚକୁ ଭାରତ ସପକ୍ଷରେ ଆଣିଥିଲେ।