KKR VS PBKS: ଆଜି କେକେଆର୍ ବନାମ ପଞ୍ଜାବ କିଙ୍ଗସ୍, କାହାର ପଲ୍ଲା ଭାରି ?

ଆଇପିଏଲରେ ଡିଫେଣ୍ଡିଂ ଚାମ୍ପିଅନ୍ କୋଲକାତା ନାଇଟ୍ ରାଇଡର୍ସ (କେକେଆର୍) ପଞ୍ଜାବ କିଙ୍ଗ୍ସ (ପିବିକେଏସ୍) ଆଜି ମୁହାଁମୁହିଁ ହେବେ । ଏହି ମ୍ୟାଚ୍ ସନ୍ଧ୍ୟା ୭:୩୦ ରେ କୋଲକାତାର ହୋମ ଗ୍ରାଉଣ୍ଡ ଇଡେନ୍ ଗାର୍ଡେନ୍ସରେ ଖେଳାଯିବ ।

ଗତ ବର୍ଷ ଶ୍ରେୟସ୍ ଆୟର କେକେଆରକୁ ତୃତୀୟ ଆଇପିଏଲ୍ ଟାଇଟଲ ବିଜୟୀ କରିଥିଲେ । ଆଶ୍ଚର୍ଯ୍ୟଜନକ ଭାବେ ଆଇପିଏଲ୍ 2025 ମେଗା ନିଲାମୀ ପୂର୍ବରୁ କେକେଆର ଫ୍ରାଞ୍ଚାଇଜ୍ ଆୟରଙ୍କୁ ରିଟେନ୍ କରିନଥିଲେ । ପରେ ପଞ୍ଜାବ ତାଙ୍କୁ କିଣି ତାଙ୍କୁ ଅଧିନାୟକ କରିଥିଲା ।

କେକେଆରର ଅଧିନାୟକ ଅଜିଙ୍କ୍ୟ ରାହାଣେଙ୍କୁ ହସ୍ତାନ୍ତର କରାଯାଇଥିବାବେଳେ କେକେଆର ଚଳିତ ସିଜନରେ ୮ ମ୍ୟାଚରୁ ମାତ୍ର ୩ ବିଜୟ ସହ ପଏଣ୍ଟ ଟେବୁଲରେ ସପ୍ତମ ସ୍ଥାନରେ ରହିଛି । ପ୍ଲେ ଅଫ୍‌ରୁ ପାଖାପାଖି ବାଦ୍ ପଡ଼ିବା ପଥରେ ରହିଛି କୋକେଆର । ତେବେ ଆଉ ଗୋଟିଏ ପରାଜୟ ୪ର୍ଥ ଟାଇଟଲ ଆଶାକୁ ମାଟିରେ ମିଶାଇ ଦେବ ।

ଅନ୍ୟପକ୍ଷରେ, ଦିଲ୍ଲୀ କ୍ୟାଟିପାଲ୍ସର ପୂର୍ବତନ ପ୍ରଶିକ୍ଷକ ରିକି ପଣ୍ଟିଂଙ୍କ ତତ୍ତ୍ୱାବଧାନରେ ପଞ୍ଜାବ କିଙ୍ଗସ୍ ଦମଦାର ପ୍ରଦର୍ଶନ କରିଛି । ଆୟର ମଧ୍ଯ ଏହି ସିଜିନରେ ତିନଟି ଅର୍ଦ୍ଧଶତକ ସହ 263 ରନ୍ ସଂଗ୍ରହ କରି ପଞ୍ଜାବକୁ 8 ଟି ମ୍ୟାଚ ମଧ୍ୟରୁ 5 ଟି ବିଜୟ ହାସଲ କରାଇଛନ୍ତି । ପଏଣ୍ଟ ଟେବୁଲରେ 5 ମ ସ୍ଥାନରେ ରହିଛି । ଏହି ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଏବଂ ଆରସିବିକୁ ପରାସ୍ତ କରି ପଏଣ୍ଟ ଟେବୁଲରେ ତୃତୀୟ ସ୍ଥାନରେ ପହଞ୍ଚିବା ପାଇଁ ପଞ୍ଜାବ ନିକଟରେ ଏକ ସୁଯୋଗ ରହିଛି ।

ଏହାପୂର୍ବରୁ ଚଳିତ ସିଜିନରେ ଚଣ୍ଡିଗଡ଼ରେ ଅନୁଷ୍ଠିତ ମ୍ୟାଚରେ ପଞ୍ଜାବ ଆଇପିଏଲ୍ ଇତିହାସର ସର୍ବନିମ୍ନ ସ୍କୋରକୁ ଅର୍ଥାତ୍ 111 ରେ ନାଇଟ୍ ରାଇଡର୍ସ ବିପକ୍ଷରେ ସଫଳତାର ଡିଫେଣ୍ଡ କରିଥିଲା । କେକେଆର୍ ବ୍ୟାଟର ସ୍ପିନରଙ୍କ ଜାଲରେ ପଡି ମାତ୍ର 95 ରନରେ ଅଲ୍ ଆଉଟ୍ ହୋଇଥିଲେ । ଏପଟେ କେକେଆର୍ ନିଜ ଘରେ ପ୍ରତିଶୋଧ ନେବାକୁ ଆଗ୍ରହୀ । କୋଲକାତା 2025 ରେ ଚାରୋଟି ଘରୋଇ ମ୍ୟାଚ୍ ମଧ୍ୟରୁ ତିନୋଟି ହାରିଛି ।

KKR ବନାମ PBKS ହେଡ୍ ଟୁ ହେଡ୍ ରେକର୍ଡ-

ଉଭୟ ଦଳର ହେଡ୍ ରେକର୍ଡ ଦେଖିଲେ ପଞ୍ଜାବ ଉପରେ କେକେଆର ପଲ୍ଲା ଭାରି ରହିଛି । କାରଣ ବର୍ତ୍ତମାନ ପର୍ଯ୍ୟନ୍ତ ଦୁଇ ଦଳ ମଧ୍ୟରେ ମୋଟ 34 ଟି ମ୍ୟାଚ୍ ଖେଳାଯାଇଛି ଯେଉଁଥିରେ କେକେଆର୍ 21 ଟି ମ୍ୟାଚ୍ ଜିତିଥିବାବେଳେ ପଞ୍ଜାବ କେବଳ 13 ଟି ମ୍ୟାଚ୍ ଜିତିବାରେ ସକ୍ଷମ ହୋଇଛି ।

KKR ବନାମ PBKS ପିଚ୍ ରିପୋର୍ଟ-

କୋଲକାତାର ଇଡେନ୍ ଗାର୍ଡେନ୍ସରେ ପିଚ୍ ଟାର୍ଗେଟକୁ ପିଛା କରୁଥିବା ଟିମକୁ ଅଧିକ ଲାଭ ଦେଇଥାଏ । ଆଜିର ମ୍ୟାଚରେ ଟସ୍ ଜିତିଥିବା ଦଳ ପ୍ରଥମେ ବ୍ୟାଟିଂ କରିବାକୁ ପସନ୍ଦ କରିବ ।

KKR ବନାମ PBKS ସମ୍ଭାବ୍ୟ ଖେଳାଳି -11

କୋଲକାତା ନାଇଟ୍ ରାଇଡର୍ସ ସମ୍ଭାବ୍ୟ ଖେଳ -11: ରହମାନୁଲ୍ଲା ଗୁରବାଜ (ୱିକେଟ୍ ରକ୍ଷକ), ସୁନୀଲ ନାରାୟଣ, ଅଜିଙ୍କ୍ୟ ରାହାଣେ (ଅଧିନାୟକ), ରଘୁବଂଶୀ, ଭେଙ୍କଟେଶ ଆୟର, ରିଙ୍କୁ ସିଂ, ଆନ୍ଦ୍ରେ ରସେଲ, ମୋଇନ ଅଲି, ରାମଣଦୀପ ସିଂ, ବରୁଣ ଚକ୍ରବର୍ତ୍ତୀ

ପଞ୍ଜାବ କିଙ୍ଗ୍ସ ସମ୍ଭାବ୍ୟ ଖେଳାଳି -11: ପ୍ରଭାସମ୍ରନ୍ ସିଂ, ପ୍ରିୟଙ୍କା ଆର୍ଯ୍ୟ, ଶ୍ରେୟସ୍ ଆୟର୍ (ଅଧିନାୟକ), ଜୋସ୍ ଇଂଲିସ୍ (ୱିକେଟ୍ କିପର), ନେହାଲ ୱାଡେରା, ଶଶାଙ୍କ ସିଂ, ମାର୍କସ ଷ୍ଟୋନିସ୍, ମାର୍କୋ ଜନସନ, ଜାଭିୟର୍ ବାର୍ଟଲେଟ୍, ଅର୍ଶଦୀପ ସିଂ, ଯୁଜବେନ୍ଦ୍ର ଚହଲ