ପୁଣି ବିରାଟ କୋହଲିଙ୍କୁ ନେଇ ଏମିତି କିଛି କହିଲେ କପିଲ ଦେବ
ୱେଷ୍ଟଇଣ୍ଡିଜ୍ ଗସ୍ତ ପାଇଁ ଭାରତୀୟ ଟି-20 ଦଳ ଘୋଷଣା ପରେ ସେ ପୁଣି ଏଭଳି କଥା କହିଛନ୍ତି, ଯାହା ପୁଣି ଥରେ ଚର୍ଚ୍ଚାର ବିଷୟ ବସ୍ତୁ ପାଲଟିଛି ।
ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ କପିଲ ଦେବଙ୍କ ବିରାଟ କୋହଲିଙ୍କୁ ଟି-20 ଦଳରୁ ବାଦ୍ ଦେବା ବିବୃତ୍ତି ଏବେ ଚର୍ଚ୍ଚାରେ ରହିଛି । ୱେଷ୍ଟଇଣ୍ଡିଜ୍ ଗସ୍ତ ପାଇଁ ଭାରତୀୟ ଟି-20 ଦଳ ଘୋଷଣା ପରେ ସେ ପୁଣି ଏଭଳି କଥା କହିଛନ୍ତି, ଯାହା ପୁଣି ଥରେ ଚର୍ଚ୍ଚାର ବିଷୟ ବସ୍ତୁ ପାଲଟିଛି ।
ଉଲ୍ଲେଖଥାଉ କି, ବିସିସିଆଇ ୱେଷ୍ଟଇଣ୍ଡିଜ୍ ଗସ୍ତ ପାଇଁ 18 ଦିନିଆ ଭାରତୀୟ ଦଳ ଘୋଷଣା କରିଥିଲା। ଏଥିରେ ବିରାଟ କୋହଲି ଏବଂ ଜସପ୍ରୀତ ବୁମରାଙ୍କୁ ସାମିଲ କରାଯାଇ ନାହିଁ । ଉଭୟଙ୍କୁ ଏହି ଗସ୍ତରୁ ବାଦ୍ ଦେବାର ବିସିସିଆଇ କୌଣସି କାରଣ ଦେଇ ନାହିଁ। କିନ୍ତୁ, ଅନେକ ଗଣମାଧ୍ୟମ ରିପୋର୍ଟରେ କୁହାଯାଇଥିଲା ଯେ, ଉଭୟ ବରିଷ୍ଠ ଖେଳାଳିଙ୍କୁ ଅତ୍ୟନ୍ତ କାର୍ଯ୍ୟଭାର ପାଇଁ ବିଶ୍ରାମ ଦିଆଯାଇଛି। ତେବେ ଏହି ପ୍ରସଙ୍ଗରେ କପିଲ ଦେବଙ୍କର ଭିନ୍ନ ମତ ରହିଛି ।
କପିଲ ଦେବ ଏବିପି ନ୍ୟୁଜରେ କହିଛନ୍ତି, "ମୁଁ କହି ପାରିବି ନାହିଁ ଯେ, ବିରାଟ କୋହଲିଙ୍କ ପରି ଜଣେ ବଡ ଖେଳାଳିଙ୍କୁ ଛାଡି ଦିଆଯାଉ। ସେ ଜଣେ ବଡ ଖେଳାଳି । ଯଦି ତୁମେ କହିଛ ଯେ ସେମାନଙ୍କୁ ସମ୍ମାନ ଦେବା ପାଇଁ ବିଶ୍ରାମ ଦିଆଯାଇଛି, ତେବେ ଏଥିରେ କୌଣସି କ୍ଷତି ନାହିଁ ।
କୋହଲି ଇଂଲଣ୍ଡ ବିପକ୍ଷରେ ପ୍ରଥମ ଦିନିକିଆରେ ଖେଳିନଥିଲେ। କିନ୍ତୁ, ସେ ଦ୍ବିତୀୟ ଦିନିକିଆ ଏକାଦଶରେ ପ୍ରତ୍ୟାବର୍ତ୍ତନ କରିଥିଲେ । ଏଭଳି ପରିସ୍ଥିତିରେ ଗୋଟିଏ କଥା ବ୍ୟାପକ ଭାବେ ସ୍ପଷ୍ଟ ହୋଇଛି ଯେ, ୱେଷ୍ଟଇଣ୍ଡିଜ୍ ଗସ୍ତରେ ତାଙ୍କର ଅନୁପସ୍ଥିତି କୌଣସି ଆଘାତ ସହ ସିଧାସଳଖ ସମ୍ପର୍କ ନାହିଁ । କାରଣ ସେ ଇଂଲଣ୍ଡ ବିପକ୍ଷ ଦ୍ୱିତୀୟ ଦିନିକିଆ ଖେଳିଥିଲେ। ସେ 50 ଓଭର ଫିଲ୍ଡ କରିଥିଲେ ଏବଂ ପରେ ବ୍ୟାଟିଂ କରିବାକୁ ବାହାରିଥିଲେ। କିନ୍ତୁ 16 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ।
ଏ ବାବଦରେ କପିଲ ଦେବ ଆହୁରି କହିଛନ୍ତି, "ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କିପରି ଏଭଳି ଖେଳାଳିଙ୍କୁ ଫର୍ମରେ ଫେରାଇ ଆଣିବା । ସେ ଜଣେ ସାଧାରଣ କ୍ରିକେଟର ନୁହଁନ୍ତି । ତାଙ୍କର ହଜିଯାଇଥିବା ଫର୍ମକୁ ପୁନଃ ପ୍ରାପ୍ତ କରିବାକୁ ସେ ସର୍ବାଧିକ ଅଭ୍ୟାସ ସହିତ ମ୍ୟାଚ୍ ଖେଳିବା ଉଚିତ୍ । ମୁଁ ଭାବୁନାହିଁ ଏହି ଦୁନିଆରେ କୌଣସି ଖେଳାଳି ଅଛନ୍ତି ଯିଏ ଟି-20 ରେ କୋହଲିଙ୍କଠାରୁ ବଡ ଅଟନ୍ତି । କିନ୍ତୁ ଯେତେବେଳେ ଆପଣଙ୍କର କାର୍ଯ୍ୟଦକ୍ଷତା ଭଲ ନୁହେଁ, ଚୟନକର୍ତ୍ତାମାନେ ସେମାନଙ୍କର ନିଷ୍ପତ୍ତି ନେଇପାରିବେ । ମୋର ନିଜସ୍ୱ ମତ ହେଉଛି ଯଦି ଜଣେ ଖେଳାଳି କ୍ରମାଗତ ଭାବରେ ଭଲ ପ୍ରଦର୍ଶନ କରୁନାହାଁନ୍ତି, ତେବେ ତାଙ୍କୁ ବିଶ୍ରାମ ଦିଆଯାଇ ପାରେ କିମ୍ବା ଦଳରୁ ବାଦ୍ ଦିଆଯାଇ ପାରେ ।
Click it and Unblock the Notifications
Sign in with Google